7
Bɛ̀ kɑ̀nnɛmɛ̀ bɛbɑ̀rìbɛ̀ dihɛì kpɛ́í
1 Kuduotí mɑɑ́ dìì mɔ̀nnì kɛ́deè kɛ̀ n cónnɛ́ yɛbòrɛ̀ kó idɛí nɛ̀ yɛcɑ̀kɛ̀ kɛ́deè, bɛ̀ɛ yó mbɑɑ yɛbòrɛ̀ nɛ̀ bɛyɛndèmbɛ̀ nɛ̀ Defiibɛ kɛ̀ bɛ̀ɛ ketɛ́ bɛ tɔ̃mmú. 2 Kɛ̀ n túótɛ́ n tebitɛ Anɑnni kɛ́bɑɑ́ nSedisɑdɛmmu kɛ́túótɛ́ Anɑnniyɑ bɛhɑ̃ɑ̃pɔ̀mbɛ̀ kóo kótí kòo mbɑkɛ́ tɛcɛ̃kpetɛ̀. Ò do tú onìtì wèè dɔ̀ɔ̀ri wènwe ò bɛ́i ntì kɛ dé Kuyie nkɛ̀ dɛ̀ pɛ̃ɛ̃tɛ́ bɛsɔmbɛ pɛ́u. 3 Kɛ̀ m bɛ̀ nɑ̀kɛ́ kɛ dɔ̀: Sedisɑdɛmmu kó yɛbòrɛ̀ níí bɑ́ɑ́ kpetɛ́ kɛ̀ diyiè í tònkɛ̀, kuyuoku kɛ́ nyɛ̀ kpetí. Bɛ̀ɛ̀ bɑ̀ɑ yɛbòrɛ̀ kɛ̀ bɛ̀ bo kɛ cómmú bɛ kɑrɛ̀ bɛ̀ kɑrɛ̀. Kɛ̀ m bɛ̀ nɑ̀kɛ́ kɛ dɔ̀ bɛ̀ɛ mɑɑ́ didènnì bɛ̀ɛ̀ yó mbɑɑ dihɛì bɛ kpɛ́í, bɑ́ wè o kó dikɑrì mbo o cĩ́ɛ̃̀tɛ̀ ììkɛ̀. 4 Sedisɑdɛmmu ɛì do pɛ̃kɛ̀mu kɛ dɛu, bɛnìtìbɛ̀ nɛ́ í nsũ di miɛkɛ, sicɛ̃́ĩ mu ndo í mɑɑ́ kɛ́deè.
Bɛ̀ kɑ̀ɑmmɛ̀ Sifubɛ bɛ̀ɛ̀ bo Sedisɑdɛmmu
5 Kɛ̀ Kuyie nni mbɛ́innɛ̀ kɛ̀ n tíí ndihɛì kó bɛkótíbɛ̀ nɛ̀ bɛbeémbɛ̀ nɛ̀ bɛnìtìbɛ̀ sɔmbɛ. Kɛ̀ n duɔ́ nkɛ̀ bɛ̀ɛ kɑɑ mbɛnìtìbɛ̀ kɛ̀ n wéntɛ́ bɛ̀ɛ do niitɛ́ kɛ́konní Sedisɑdɛmmu bɛ yètɛ̀ wɑ̃̀ri dìì pɑ́tíri miɛkɛ kɛ́yɑ̀ yɛyètɛ̀ yɛ̀ɛ̀ mɛ̀ ntũ̀nní.
6 Ntɛ okpɑ̀ɑ̀tì Nɛbukɑnnɛsɑɑ kó dimɔ̀nnì bɛ̀ do pĩ̀ḿmú bɛ̀ kɛ́kònnɛ̀ Bɑbidɔnni, kɛ̀ kusṹkùu wɛ̃tɛ kɛ́kò nSedisɑdɛmmu Sudɑɑ tenkɛ̀, bɑ́ wè kòo kɑri o ɛì. 7 Bɛ̀ɛ̀ do nɛínɛ̀ Sodobɑbɛɛdi kɛ́konní bɛɛ̀ yètɛ̀ tu yiɛ: Sosuwee nɛ̀ Nɛemii nɛ̀ Asɑdiɑ nɛ̀ Adɑmmiɑ nɛ̀ Nɑɑmɑnni nɛ̀ Mɔdokɑii nɛ̀ Bidisɑnni nɛ̀ Misipedɛti nɛ̀ Bikibɑii nɛ̀ Nɛummu nɛ̀ Bɑɑnɑ. Ntɛ bɛ nɑɑ̀mùntì dò ndòmmɛ̀.
8 Kɛ̀ Pɑdeosi nɑɑ̀mùnkù kɔbɛ ḿbo sikɔupísìdɛ́ nɛ̀ tɛkɔ̀ùtɛ̀ nɛ̀ sipísìyiekɛ̀ nɛ̀ bɛ̀dɛ́bɛ̀ (2172).
9 Kɛ̀ Sefɑtiɑ nɑɑ̀mùnkù kɔbɛ ḿbo sikɔusìtɑ̃ɑ̃ti nɛ̀ sipísìyiekɛ̀ nɛ̀ bɛ̀dɛ́bɛ̀ (372).
10 Kɛ̀ Adɑɑ nɑɑ̀mùnkù kɔbɛ ḿbo sikɔusìkuɔ̀ nɛ̀ sipísìnùmmù nɛ̀ bɛ̀dɛ́bɛ̀ (652).
11 Kɛ̀ Sosuwee nɛ̀ Yoɑbu bɛ yɑɑ̀birɛ Pɑsɑti-Mɔɑbu kó kunɑɑ̀mùnkù kɔbɛ ḿbo sikɔupísìdɛ́ nɛ̀ sikɔusìni nɛ̀ tɛpíítɛ̀ nɛ̀ bɛ̀ni (2818).
12 Kɛ̀ Edɑmmu nɑɑ̀mùnkù kɔbɛ ḿbo tɛkɔùpíítɛ̀ nɛ̀ sikɔusìdɛ́ nɛ̀ sipísìnùmmù nɛ̀ bɛ̀nɑ̀ɑ̀ (10254).
13 Kɛ̀ Sɑtuu nɑɑ̀mùnkù kɔbɛ ḿbo sikɔusìni nɛ̀ sipísìnɑ̀ɑ̀ nɛ̀ bɛ̀nùmmù (845).
14 Kɛ̀ Sɑkɑii nɑɑ̀mùnkù kɔbɛ ḿbo sikɔusìyiekɛ̀ nɛ̀ sipísìkuɔ̀ (760).
15 Kɛ̀ Binnuii nɑɑ̀mùnkù kɔbɛ ḿbo sikɔusìkuɔ̀ nɛ̀ sipísìnɑ̀ɑ̀ nɛ̀ bɛ̀ni (648).
16 Kɛ Bebɑii nɑɑ̀mùnkù kɔbɛ ḿbo sikɔusìkuɔ̀ nɛ̀ sipísìdɛ́ nɛ̀ bɛ̀ni (628).
17 Kɛ Asikɑdi nɑɑ̀mùnkù kɔbɛ ḿbo sikɔupísìdɛ́ nɛ̀ sipísìtɑ̃ɑ̃ti nɛ̀ sipísìdɛ́ nɛ̀ bɛ̀dɛ́bɛ̀ (2322).
18 Kɛ̀ Adonnikɑmmu nɑɑ̀mùnkù kɔbɛ ḿbo sikɔusìkuɔ̀ nɛ̀ sipísìkuɔ̀ nɛ̀ bɛ̀yiekɛ̀ (667).
19 Bikibɑii nɑɑ̀mùnkù kɔbɛ ḿbo sikɔupísìdɛ́ nɛ̀ sipísìkuɔ̀ nɛ̀ bɛ̀yiekɛ̀ (267).
20 Kɛ̀ Adinni nɑɑ̀mùnkù kɔbɛ ḿbo sikɔusìkuɔ̀ nɛ̀ sipísìnùmmù nɛ̀ bɛ̀nùmmù (655).
21 Kɛ̀ Esekiɑsi yɑɑ̀birɛ Atɛɛ nɑɑ̀mùnkù kɔbɛ ḿbo sipísìwɛi nɛ̀ bɛ̀ni.
22 Kɛ̀ Asummu nɑɑ̀mùnkù kɔbɛ ḿbo sikɔusìtɑ̃ɑ̃ti nɛ̀ sipísìdɛ́ nɛ̀ bɛ̀ni (328).
23 Kɛ̀ Besɑii nɑɑ̀mùnkù kɔbɛ ḿbo sikɔusìtɑ̃ɑ̃ti nɛ̀ sipísìdɛ́ nɛ̀ bɛ̀nɑ̀ɑ̀ (324).
24 Kɛ̀ Adifi nɑɑ̀mùnkù kɔbɛ ḿbo tɛkɔ̀ùtɛ̀ nɛ̀ tɛpíítɛ̀ nɛ̀ bɛ̀dɛ́bɛ̀ (112).
25 Kɛ̀ Kɑbɑɔ̃ɔ̃ ɛì kɔbɛ ḿbo sipísìwɛi nɛ̀ bɛ̀nùmmù (95).
26 Kɛ̀ Bɛtideɛmmu nɛ̀ Nɛtofɑɑ kɛ̀ dɛ kó yɛhɛkɛ̀ kɔbɛ ḿbo tɛkɔ̀ùtɛ̀ nɛ̀ sipísìni nɛ̀ bɛ̀ni (188).
27 Anɑtɔti ɛì kɔbɛ ḿbo tɛkɔ̀ùtɛ̀ nɛ̀ sipísìdɛ́ nɛ̀ bɛ̀ni (128).
28 Kɛ̀ Bɛti-Asimmɑfɛti ɛì kɔbɛ ḿbo sipísìnɑ̀ɑ̀ nɛ̀ bɛ̀dɛ́bɛ̀.
29 Kɛ̀ Kidiyɑ-Yeɑdimmu nɛ̀ Kefidɑɑ nɛ̀ Bedɔti kɛ̀ dɛ ɛkɛ̀ kɔbɛ ḿbo sikɔusìyiekɛ̀ nɛ̀ sipísìnɑ̀ɑ̀ nɛ̀ bɛ̀tɑ̃ɑ̃ti (743).
30 Kɛ̀ Dɑmɑɑ nɛ̀ Kebɑɑ kɛ dɛ ɛkɛ̀ kɔbɛ ḿbo sikɔusìkuɔ̀ nɛ̀ sipísìdɛ́ nɛ̀ òmɑ́ɑ̀ (621).
31 Kɛ̀ Mikimɑsi ɛì kɔbɛ ḿbo tɛkɔ̀ùtɛ̀ nɛ̀ sipísìdɛ́ nɛ̀ bɛ̀dɛ́bɛ̀ (122).
32 Kɛ̀ Betɛɛdi nɛ̀ Aii kɛ̀ dɛ ɛkɛ̀ kɔbɛ ḿbo tɛkɔ̀ùtɛ̀ nɛ̀ sipísìdɛ́ nɛ̀ bɛ̀tɑ̃ɑ̃ti (123).
33 Kɛ̀ Nɛbo kó dihɛì tɛrì kɔbɛ ḿbo sipísìnùmmù nɛ̀ bɛ̀dɛ́bɛ̀.
34 Kɛ̀ Edɑmmu tɔù kó kunɑɑ̀mùnkù kɔbɛ ḿbo tɛkɔ̀ùpíítɛ̀ nɛ̀ sikɔusìdɛ́ nɛ̀ sipísìnùmmù nɛ̀ bɛ̀nɑ̀ɑ̀ (1254).
35 Kɛ̀ Adimmu nɑɑ̀mùnkù kɔbɛ ḿbo sikɔusìtɑ̃ɑ̃ti nɛ̀ sipísìdɛ́ (320).
36 Kɛ̀ Sedikoo ɛì kɔbɛ ḿbo sikɔusìtɑ̃ɑ̃ti nɛ̀ sipísìnɑ̀ɑ̀ nɛ̀ bɛ̀nùmmù (345).
37 Dɔdi nɛ̀ Adidi nɛ̀ Onɔɔ ɛkɛ̀ kɔbɛ ḿbo sikɔusìyiekɛ̀ nɛ̀ sipísìdɛ́ nɛ̀ òmɑ́ɑ̀ (721).
38 Kɛ̀ Senɑɑ ɛì kɔbɛ ḿbo sikɔupísìtɑ̃ɑ̃ti nɛ̀ sikɔusìwɛi nɛ̀ sipísìtɑ̃ɑ̃ti (3930).
39 Kɛ̀ ikuɔ́ nìùtì Sosuwee yɑɑ̀birɛ Yedɑyɑ nɑɑ̀mùnkù kɔbɛ ḿbo sikɔusìwɛi nɛ̀ sipísìyiekɛ̀ nɛ̀ bɛ̀tɑ̃ɑ̃ti (973).
40 Imɛɛ nɑɑ̀mùnkù kɔbɛ ḿbo tɛkɔupíítɛ̀ nɛ̀ sikɔusìnùmmù nɛ̀ bɛ̀dɛ́bɛ̀ (1052).
41 Kɛ̀ Pɑsuu nɑɑ̀mùnkù kɔbɛ ḿbo tɛkɔupíítɛ̀ nɛ̀ sikɔusìdɛ́ nɛ̀ sipísìnɑ̀ɑ̀ nɛ̀ bɛ̀yiekɛ̀ (1247).
42 Kɛ̀ Abimmu nɑɑ̀mùnkù kɔbɛ ḿbo tɛkɔupíítɛ̀ nɛ̀ tɛpíítɛ̀ nɛ̀ bɛ̀yiekɛ̀ (1017).
43 Kɛ̀ Defiibɛ kó kunɑɑ̀mùnkù kɔbɛ ntú biɛ: Odefɑɑ yɑɑ̀bí Sosuwee nɛ̀ Kɑdimiɛdi bɛ nɑɑ̀mùnkù sipísìyiekɛ̀ nɛ̀ bɛ̀nɑ̀ɑ̀.
44 Kuyie ncĩ́ɛ̃̀tɛ̀ kó bɛdèmbɛ̀ miɛkɛ Asɑfu nɑɑ̀mùnkù kɔbɛ tɛkɔ̀ùtɛ̀ nɛ̀ sipísìnɑ̀ɑ̀ nɛ̀ bɛ̀ni (148).
45 Bɛ̀ɛ̀ bɑ̀ɑ yɛbòrɛ̀ bɛ miɛkɛ Sɑdummu nɛ̀ Atɛɛ nɛ̀ Tɑdimɔɔ nɛ̀ Akubu nɛ̀ Atitɑ nɛ̀ Sobɑii bɛ nɑɑ̀mùntì kɔbɛ tɛkɔ̀ùtɛ̀ nɛ̀ sipísìtɑ̃ɑ̃ti nɛ̀ bɛ̀ni (138).
46 Kɛ̀ Kuyie ncĩ́ɛ̃̀tɛ̀ tɔ̃mbɛ̀ kó ditĩ̀nnì kɔbɛ ntú biɛ: Tisisɑ nɛ̀ Asufɑ nɛ̀ Tɑbɑɔti 47 nɛ̀ Kedosi nɛ̀ Siyɑ nɛ̀ Pɑdonni 48 nɛ̀ Debɑnɑɑ nɛ̀ Akɑbɑ nɛ̀ Sɑdimɑii 49 Annɑni nɛ̀ Kidɛdi nɛ̀ Kɑsɑɑ 50 nɛ̀ Edeɑyɑɑ nɛ̀ Edesinni nɛ̀ Nɛkodɑɑ 51 nɛ̀ Kɑsɑmmu nɛ̀ Usɑɑ nɛ̀ Pɑseyɑɑ 52 nɛ̀ Besɑii nɛ̀ Mɛunimmu nɛ̀ Nɛfusesimmu 53 Bɑkibuku nɛ̀ Akufɑ nɛ̀ Aduuri 54 nɛ̀ Bɑtisidouti nɛ̀ Mɛidɑɑ nɛ̀ Adisɑ 55 nɛ̀ Bɑdikosi nɛ̀ Sisedɑɑ nɛ̀ Temɑɑ, 56 nɛ̀ Nɛtisiɑ nɛ̀ Atifɑ.
57 Sɑdomɔɔ kó bɛtɔ̃mbɛ̀ nɑɑ̀mùntì kɔbɛ do tú biɛ: Sotɑii nɛ̀ Sofedɛti nɛ̀ Pedidɑ, 58 Yɑɑdɑ nɛ̀ Dɑdikonni nɛ̀ Kidɛdi, 59 Sefɑtiɑ nɛ̀ Atidi nɛ̀ Pokedɛti-Asebɑimmu nɛ̀ Amɔɔ.
60 Bɛ̀ɛ do tú Kuyie ncĩ́ɛ̃̀tɛ̀ kó bɛtɔ̃mbɛ̀ nɛ̀ Sɑdomɔɔ kó bɛtɔ̃mbɛ̀ yɑɑ̀bí kɛ̀ bɛ̀ɛ wɛ̃nnɛ́ kɛ́mbo sikɔusìtɑ̃ɑ̃ti nɛ̀ sipísìwɛi nɛ̀ bɛ̀dɛ́bɛ̀ (392).
61 Bɛ̀ɛ̀ do ìtɛ́ Bɑbidɔnni kɛ́konní Sedisɑdɛmmu kɛ í nnɑ kɛ́nɑ́kɛ́ bɛ yɑɑ̀rìbɛ̀ yètɛ̀ kɛ́bɛnkɛ bɛ̀ tumɛ̀ Isidɑyɛɛribɛ bɛ̀ɛ do tú: Tɛdi-Mɛdɑɑ nɛ̀ Tɛdi-Adisɑɑ nɛ̀ Kedubu-Adonni nɛ̀ Imɛɛ ɛkɛ̀ kɔbɛ. 62 Bɛmɔu kɛ̀ bɛ̀ɛ wɛ̃nnɛ́ kɛ́mbo sikɔusìkuɔ̀ nɛ̀ sipísìnɑ̀ɑ̀ nɛ̀ bɛ̀dɛ́bɛ̀ (642). Dedɑyɑ nɛ̀ Tobiyɑ nɛ̀ Nɛkodɑ bɛ yɑɑ̀bí nyi mɛmmɛ.
63 Ikuɔ́ nìùbɛ̀ miɛkɛ kɛ̀ bɛ̀mɑbɛ̀ ḿbo kɛ tú: Obɑyɑɑ nɛ̀ Akikoti nɛ̀ Bɑdisidɑii bɛ nɑɑ̀mùntì kɔbɛ. Bɑdisidɑii do tùótɛ́ Bɑdisidɑii Kɑdɑɑdi ɛì kou kóo sɑpɑ̀ɑ̀ nwe kɛ̀ bɛ̀ɛ ò yu o yètìrì. 64 Kòo wɑmmú o botí kɔbɛ pɑ́tíri miɛkɛ o yètìrì kɛ́mɔ́ntɛ́ kɛ̀ bɛ̀ɛ bɛ̀ dènnɛ ikuɔ́ tɔ̃mmú miɛkɛ. 65 Kɛ̀ kùmɑ̀ndɑ́ɑ̀ bɛ̀ nɑ̀kɛ́ kɛ dɔ̀: Bɛ̀ bɑ́ɑ́ di bɛ̀ pɑ̃ mùù diì Kuyie kɛ́nkémmúnɛ̀ ikuɔ́ nìùtì bo beémmɛ̀ Kuyie nnɛ̀ ikuɔ́ nɛntì bɛ̀ tu tì udimmu nɛ̀ tumimmu.
66 Isidɑyɛɛribɛ bɛ̀ɛ̀ ìtɛ́ Bɑbidɔnni kɛ konní Sedisɑdɛmmu bɛ̀ do bo sikɔupípísìnɑ̀ɑ̀ nɛ̀ sikɔupísìdɛ́ nɛ̀ sikɔusìtɑ̃ɑ̃ti nɛ̀ sipísìkuɔ̀ ndi (42360). 67 Kɛ̀ bɛ̀ɛ nɛínɛ̀ bɛtɔ̃mbɛ̀ bɛnitidɑɑbɛ̀ nɛ̀ bɛnitipòbɛ̀ sikɔupísìyiekɛ̀ nɛ̀ sikɔusìtɑ̃ɑ̃ti nɛ̀ sipísìtɑ̃ɑ̃ti nɛ̀ bɛ̀yiekɛ̀ (7337). Bɛdèmbɛ̀ bɛnitidɑɑbɛ̀ nɛ̀ bɛnitipòbɛ̀ kɛ̀ bɛ̀ ḿbo sikɔusìdɛ́ nɛ̀ sipísìnɑ̀ɑ̀ nɛ̀ bɛ̀nùmmù (245), 68 kɛ mɔkɛnɛ̀ yòyóbɛ̀ sikɔusìnɑ̀ɑ̀ nɛ̀ sipísìtɑ̃ɑ̃ti nɛ̀ bɛ̀nùmmù (435). Sɑ̃mmɑrímú sikɔupísìkuɔ̀ nɛ̀ sikɔusìyiekɛ̀ nɛ̀ sipísìdɛ́ (6720). 69 Kɛ̀ dihɛì kó bɛkótíbɛ̀ mɑbɛ̀ɛ pɑ̃mmú yɛpɑ̃rɛ̀ kɛ̀ bɛ̀ bo mɑɑ́nɛ̀ Kuyie ncĩ́ɛ̃̀tɛ̀. Kɛ̀ kùmɑ̀ndɑ́ɑ̀ pɑ̃ yɛsɔɔwèrɛ̀ tɛkɔupíítɛ̀ (1000). Yɛbɔ bɛ̀ bo mmɛ́ínɛ̀ yɛ̀ mɛyĩ̀ĩ̀ nsipísìnùmmù yɛkɔutɛ́yɑɑ̀bòrɛ̀ sikɔusìnùmmù nɛ̀ sipísìtɑ̃ɑ̃ti (530) kɛ̀ bɛ̀ bo mpĩ́nnɛ̀ Kuyie ncĩ́ɛ̃̀tɛ̀ miɛkɛ ikuɔ́ tɔ̃mmú. 70 Bɛhɛikɛ̀nkótíbɛ̀ do pɑ̃mmú yɛ̀ɛ̀ pɑ̃rɛ̀ miɛkɛ kɛ̀ mɛsɔɔ nní ḿbo yɛsɔɔwèrɛ̀ sikɔupípísìdɛ́ (20000) nɛ̀ timɑ́tì pɛ́ítì cìdóòbɛ̀ tɛkɔupíítɛ̀ nɛ̀ tɛkɔ̀ùtɛ̀ (1100). 71 Kɛ̀ Isidɑyɛɛribɛ sɔmbɛɛ pɑ̃ yɛsɔɔwèrɛ̀ sikɔupípísìdɛ́ (20000), timɑ́tì pɛ́ítì cìdóòbɛ̀ tɛkɔupíítɛ̀ (1000) nɛ̀ yɛkɔutɛ́yɑɑ̀bòrɛ̀ sipísìkuɔ̀ nɛ̀ yɛ̀yiekɛ̀ ikuɔ́ nìùbɛ̀ kpɛ́í.
72 Ikuɔ́ nìùbɛ̀ nɛ̀ Defiibɛ nɛ̀ bɛ̀ɛ̀ bɑ̀ɑ yɛbòrɛ̀ nɛ̀ bɛdèmbɛ̀ nɛ̀ Isidɑyɛɛribɛ miɛkɛ bɛ̀mɑbɛ̀ bɛ̀ɛ̀ pĩ mmutɔ̃mmú Kuyie ncĩ́ɛ̃̀tɛ̀ miɛkɛ nɛ̀ Isidɑyɛɛribɛ sɔmbɛ kɛ̀ bɛ̀ɛ kɑri bɛ ɛkɛ̀ bɛ ɛkɛ̀.