1 Kuyie nkuù tu okpɑ̀ɑ̀tì, tikpɑ̀tì tiì tu ku kó diyɑɑ̀bòrì,

kɛ̀ muwɛ̃rímú tú ku nɑɑ̀kɔ̃̀nfɛ̀.

Dɛɛ̀ te kɛ̀ kɛtenkɛ̀ fìíkú bɛ́ù bɑ́ kɛ í nɑmpú.

2 Ti Yiɛ̀ nKuyie, ɑ kpɑ̀tì í mɔkɛ tì ketɛ́ dɛ̀ tì mɛ nyí mɔkɛ kumɑ̀nku.

A bo nɛ̀ dimɔ̀nnì ndi kɛ yó mbo sɑ̃́ɑ̃̀.

3 Ti Yiɛ̀ nKuyie nyikó mpíɛmmu kɛ uuti,

kɛ̀ yɛnɛ́fĩ̀nfĩ̀rɛ̀ iiti,

kɛ̀ kutoweku dɑ́ɑ́tí.

4 A mɛ ndɛumu kɛ pɛ̃ɛ̃tɛ́ mɛniɛ nkó kunɔɔdoo,

kɛ pɛ̃ɛ̃tɛ́ dɑ̀mɛ́ɛ̀rì kó yɛnɛ́fĩ̀nfĩ̀rɛ̀.

Ti Yiɛ̀ nKuyie nhɑ bomu nkɛĩ́nkɛ̀ kɛ pɛ̃ɛ̃tɛ́ dɛndɛ kó dimɑ̀ɑ̀.

5 Ti Yiɛ̀ nKuyie nhɑ kuɔ́ tú imɔ́mmɔnyi nyi,

ɑ cĩ́ɛ̃̀tɛ̀ sɑ̀mu kɛ yóó nsɑ̀ sɑ̃́ɑ̃̀.