110
Kuyie ntɑ̃ɑ̃tɛ́ wè kòò tu ikuɔ́ nìùtì kɛ tú okpɑ̀ɑ̀tì
1 Dɑfiti yɛ̀nfɛ̀.
N Yiɛ̀ nKuyie n nɑ̀kɛ́mu n Yiɛ̀ nkɛ yĩ
we nkɑ̀ri o bɑkù yoú,
kɛ kémmúnɛ̀ kù bo ò duɔ́mmɛ̀ o dootitɔbɛ̀,
kòo bɛ̀ cùùti.
2 Kuyie ndɑ duɔ́mmu fɛkpɑ̀ɑ̀tìpɑ̀tìfɛ̀ Siyɔ̃ɔ̃,
mbɑkɛ́ ɑ dootitɔbɛ̀.
3 A kpɑ̀rìnuɔmbɛ dɑ duɔ́mmu bɛmɑ́ɑ̀,
ɑ ɔ̃ nyóó tíí nhɑ ɑ̃ɑ̃pɔ̀mbɛ̀ kɛ̀ bɛ̀ɛ kɔtɛnímu nɛ̀ tikɔ̃nyɑuti ɑ cɛ̃sɑ̀ɑ̀tɛ̀,
kɑ̀ɑ dɑpɑ̀ntì kó muwɛ̃rímúu wɛ̃tɛní ɑ borɛ̀
tikṹnwentɛ́mɑɑ̀ntì kɔ̃mɛ.
4 Ti Yiɛ̀ nKuyie m bɛ́immu kɛ ĩkú,
kù í yóó kpɑtɛ ku nùù.
Kù yĩ ɑ tú ikuɔ́ nìùtì nwe sɑ̃́ɑ̃̀,
kɛ dònnɛ̀ Mɛsisedɛki.
5 Ti Yiɛ̀ nKuyie, n kómmú fɔ̃́ nwe,
kù miɛkɛ bo ítɛ́ dìì yiè,
kù bo ũtirɛ bɛkpɑ̀ɑ̀tìbɛ̀.
6 Kuyie nyóó bekɛ́nɛ̀mu yɛbotɛ̀,
kɛ̀ bɛcíríbɛ̀ mɑ́ɑ̀ píɛ ndihɛì.
Kù kóo kpɑ̀ɑ̀tì yóó ũtirɛmu kɛtendiɛkɛ̀ kóo kpɑ̀ɑ̀tì.
7 Ò yó nkérí kɛ́yɑ̃̀ kukó nku,
kɛ́wɛ̃tɛ kɛ́pɛ́tɛ́ muwɛ̃rímú ò yóó nɑnɛ̀ mù o dootitɔbɛ̀. *fr 110:7 Dɛ kó tinɑ́ɑǹtì bo nɑ kɛ́mbɛnkú bɛhɑ̃ɑ̃pɔ̀mbɛ̀ bɛ̀ɛ̀ do yɑ̃̀ kukó nkɛ́pɛ́tɛ́ muwɛ̃rímú Sedeɔ̃ɔ̃ kó dimɔ̀nnì, yoo ti Yiɛ̀ nYesu wèè nɑ o dootitɔbɛ̀ nɛ̀ Kuyie nkó mɛteèmmɛ̀, kɛ kérí kɛ yíéo.
*110:7 fr 110:7 Dɛ kó tinɑ́ɑǹtì bo nɑ kɛ́mbɛnkú bɛhɑ̃ɑ̃pɔ̀mbɛ̀ bɛ̀ɛ̀ do yɑ̃̀ kukó nkɛ́pɛ́tɛ́ muwɛ̃rímú Sedeɔ̃ɔ̃ kó dimɔ̀nnì, yoo ti Yiɛ̀ nYesu wèè nɑ o dootitɔbɛ̀ nɛ̀ Kuyie nkó mɛteèmmɛ̀, kɛ kérí kɛ yíéo.