1 Nsɑ̃ntínɛ̀ ti Yiɛ̀ nKuyie!

Díndi ti Yiɛ̀ nKuyie nkó bɛtɔ̃mbɛ̀, ńsɑ̃ntínɛ̀ ku,

ndɛ́úkùnkonɛ̀ ti Yiɛ̀ nKuyie nyètìrì.

2 Ti Yiɛ̀ nKuyie nyètìrì ndɛu

kɛ́túótɛ́ yíe nnɛ̀ ti bo mbomɔ̀ɔ sɑ̃́ɑ̃̀.

3 Ndɛ́úkùnkonɛ̀ ti Yiɛ̀ nKuyie nyètìrì,

diyiè bo yɛ̀nnímɛ̀ nɛ̀ di yɑ̀ɑ bo tɑmɛ̀.

4 Ti Yiɛ̀ nKuyie nkuù bɑkɛ́ yɛbotɛ̀ yɛmɔu,

kɛ̀ ku kpetì dèkɛ kɛ sèńtɛ́ tiwɛtì.

5 We ndònnɛ̀ ti Yiɛ̀ nKuyie nti tũ nkù?

Ku kpɑ̀ɑ̀tìkɑ̀rì bo kɛĩ́nkɛ̀ nkɛ.

6 Kɛ̀ ku ɔ̃ɔ̃ sĩ́nnɛ́ kɛ́wéntɛ́ní,

kɛĩ́nkɛ̀ nɛ̀ kɛtenkɛ̀.

7 Kuù ɔ̃ɔ̃ íinní osénnìwè mutɑ̃́ɑ̃́ mmiɛkɛ,

kuù ɔ̃ɔ̃ kũtɛ́ní ocĩ̀rì ditɑ́pùò miɛkɛ,

8 kóò wɛ̃nnɛ́nɛ̀ sikpɑ̀ɑ̀tìbìí kɛ́kɑnnɛ,

kɛ̀ wèe wɛ̃nnɛ́nɛ̀ o ɛì kó bɛkótíbɛ̀.

9 Kuù ɔ̃ɔ̃ pɑ̃ tɛcĩ́ɛ̃̀tɛ̀ wèè do tú tɛhɑ̃ũntɛ,

kòò nɑɑ́ nhobíyɔ̃ kɛ́mbonɛ̀ diwɛ̀ì.

Nsɑ̃ntínɛ̀ ti Yiɛ̀ nKuyie!