1 ሂስቲኮ ኢንቴ ኪርስቶሳራ ኢሲፌ ዴንዲዳይታ ጊዲኮ ኪርስቶሲ ፆሳ ኣቻን ኡቲዳሶን ፑዴን ዲዛ ሃኖቴꬃ ኮዪቴ። * ማዛ 110፡1 2 ኢንቴ ቆፋይ ፑዴ ቦላን ዲዛ ሚሻ ቦላ ጊዶ ኣቲን ሃ ቢታ ዮዖ ቦላ ጊዶፖ። 3 ጋሶይካ ኢንቴ ሃይቂዴታኔ ኢንቴ ዴዖይካ ኪርስቶሳራ ፆሳ ኣቻን ቆቴቲዴስ። 4 ኢንቴስ ዴዖ ጊዲዳ ኪርስቶሲ ቆንጪዛ ጋላስ ኢንቴካ ሄ ዎዴ ኢዛራ ኢሲፌ ቦንቾራ ቆንጫና።

5 ሄሳ ጊሽ ኢንቴስ ቢታ ቦላ ዲዛ ኣሞቴꬅ ዲጊቴ። ሄይቲካ ላይማ፥ ቱናቴꬅ፥ ኣሾ ኣሞ፥ ኢታ ኣሞቴꬂኔ ኤቃስ ጎይኖ ማላ ጊዲዳ ጋጲጋጶ። 6 ሄይታንታ ጋሶን ፆሳ ሃንቆይ ፆሳስ ኣዛዜቶንታይታ ቦላ ያና። 7 ኢንቴካ ካሴ ዲዛ ዱሳን ሄ ሚሻታ ኦꬂዴታ።

8 ሃዒ ጊዲኮ ሃንቆ፥ ዪሎ፥ ጫሼ፥ ዚጊርሲኔ ዬላሲዛ ሃሳያ ሄይታንታ ሚሳቲዛይታ ዉርሲ ዲጊቴ። 9 ካሴ ጬጋ ኣሳቴꬅ ኢዛ ኦሶራ ጋꬂ ኢንቴፌ ቃሪ ዬጊዳ ጊሽ ኢንቴ ኢንቴ ጋርሳን ኢሶይ ኢሳራ ዎርዶ ሃሳዮፒቴ። * ኤፌ 4፡22 10 ባና ሜꬊዳይሳ ሚሳታና ማላ ኤራን ኦራፂዳ ኦራꬃ ኣሳቴꬅ ማይዒዴታ። * ኤፌ 4፡24፤ ሜꬌ 1፡26 11 ሄን ጊሪኬ ኣስ ጊዲን ዎይኮ ዩሁዳ ኣስ ዎይኮ ቃፃሬቲዳይታ ዎይኮ ቃፃሬቶንታይታ ዎይኮ ታማሪዳይታኔ ታማሮንታይታ ዎይኮ ማሬቶንታይታ ዎይኮ ኣይሌ ዎይኮ ጎቃ ጌቴቲዛ ዱማቴꬂ ዴና። ኪርስቶሲ ሄይታንታ ኡባሳ። ቃሴ ኡባንካ ዴስ። * ታማሪዳይታኔ ታማሮንታይታ ጊዛይሲ ካሴ ኮይሮ ጊሪኬ ቃላን ባርባሪያኔ ኣሲኩቴ ጉሲ ጊዲሺን ኢዚካ ዎራ ጊዶፌ ዪዳ ኣሳታኔ ጊሪኬ ቃላ ኤሮንታይታ ቤሴስ 12 ሄሳ ጊሽ ዱማ ጊዲዲ ዶሴቲዳይቶ፥ ኢንቴ ፆሳስ ዶሬቲዳይታ ጊዲዳ ማላ ሚሼቴꬂኔ ኪያቴꬅ፥ ኣሽኬቴꬅ፥ ቦንቾኔ ዳንዳያ ማይዒቴ። * ኤፌ 4፡2 13 ኢንቴ ኢሶይ ኢሳ ዳንዳዪቴ፥ ኢንቴፌ ኢሳዴይ ኢሳዴ ቦላ ሚሼቲኮ ዮዖይካ ኢዛ ቦላ ዲኮ ኢሶይ ኢሳስ ኣቶ ኣቶ ጌቴቲቴ። ጎዳይካ ኢንቴስ ኣቶ ጊዳ ማላ ኢንቴካ ሃራ ኣሳስ ኣቶ ጊቴ። * ኤፌ 4፡32 14 ሄሳ ኡባ ቦላ ኡባ ኩሜꬃ ኢሲፌቴꬃን ሺሺ ቃቺዛ ሲቆ ማይዒቴ። 15 ኢንቴ ዉሪካ ኢሲ ኣሾ ጊዲዲ ሳሮቴꬃስ ፄይጌቲዳ ኪርስቶሳ ሳሮቴꬂ ኢንቴ ዎዝናን ካዎቶ። ኢንቴ ጋላቲዛይታ ጊዲቴ።

16 ኪርስቶሳ ቃላይ ኢንቴናን ኩሜꬅ ጊዶ። ኢንቴ ኢንቴ ጋርሳን ኣꬎ ኤራቴꬃን ታማሪቴኔ ዞሬቲቴ፤ ማዛሙሬኒኔ ሳባን ኣያና ዬꬃን ጋላታራ ጋꬂ ኢንቴ ዎዝናራ ፆሳስ ዬፂቴ። 17 ኢዛ ባጋራ ፆሳ ኣዋስ ጋላታ ሺሺሼ ቃላን ጊዲን ዎይኮ ኦሶን ኢንቴ ኦꬂዛይሳ ዉርሲ ጎዳ ዬሱሳ ሱንꬃን ኦꬂቴ።

18 ማቼቶ! ጎዳ ኣቻን ኢንቴስ ቤሲዛ ሚሽ ጊዲዳ ጊሽ ኢንቴ ኣዚናታስ ኣዛዜቲቴ። * ኤፌ 5፡22፤ 1ጴፅ 3፡1 19 ኣዚናቶ! ኢንቴ ኢንቴ ማቼታ ሲቂቴኔ ኢስታስ ሜንፄ ኢቶፒቴ። * ኤፌ 5፡25፤ 1ጴፅ 3፡7

20 ናይቶ! ኢንቴ ጎዳ ኡፋይሳና ማላ ኢንቴ ኢንቴና ዬሊዳይታስ ኡባ ሚሻን ኣዛዜቲቴ። * ኤፌ 6፡1 21 ኣዋቶ! ናይቲ ሂዶታ ቃንፆንታ ማላ ኢንቴ ናይታ ሃንቄꬆፍቴ። * ኤፌ 6፡4

22 ኣይሌቶ! ኣስ ኡፋይሳሲኔ ጮ ኣይፌሶን ቤታናስ ጊዶንታ ሱሬ ዎዝናፔ ኢንቴ ጎዳስ ባቢቴ። ሃይሳ ቢታን ሃሪዛ ጎዳታስካ ሃኖ ኡባን ኣዛዜቲቴ። * ኤፌ 6፡5-8 23 ኢንቴ ኦꬂዛ ሚሽ ዉርሲ ኣሳስ ጊዶንታ ጎዳስ ኦꬂዛ ማላ ታይቢዲ ኩሜꬃ ዎዝናፔ ኦꬂቴ። 24 ኢንቴ ጎዳ ኣቻፌ ኢንቴ ኦሶ ማላ ኤካናስ ላታይ ዲዛይሳ ኢንቴ ኤሬታ። ኢንቴ ኦꬂዛይ ጎዳ ዬሱስ ኪርስቶሳሳ። 25 ቆሆ ኦꬂዳዴይ ባ ኦꬂዳሪ ኩሼ ኤካና። ኢዛ ኣቻን ዱማ ማዶይ ዴና። * ዛሬ 10፡17፤ ኤፌ 6፡9