1 Keri ge gaia Haman maia na vunaghi haba toro tona tana gougonu sule te gonidilaa vinahogho Esther. 2 Mi tana bona tara inu wine tana dani keri, na vunaghi haba te ghoi huatia sono Esther, “Aghe vinahogho Esther, ko bosaa vaniu na hava te liomu. ?Na hava nimua na nongi? Inau ku hegho na totobo ko nongia, sakai manaa ke levuna nigua na kinakabu!” 3 Keri ge bosatughu vinahogho Esther, me ghaghua, “Ghe na vunaghi haba, ge ko lavipangoti togotogou inau mo ko liona geko gonia vaniu na hava ku nongigho ke, ma nigua na nongi sule ngangata ke, ge ko vavolau gea inau maira na lei kulagu na vure. 4 Nia na pukuna inau maira na lei kulagu na vure ke tara nighami hunulu ge kara mateghai, pahepaheghai, maia kara mate taghalaghinighai. Ma ge kara hunulughai ge kai seka ke, mu ku mua nia ghaghua, ge mu ku kabu beto vamua na pukuna te mua totobo mava ngangata ge ku pungisighi nia na vunaghi haba.”

5 Agaia vunaghi haba Xerxes te kokoe huahuati me ghaghua, “?Ahei na tinoni ia ke gonia na totobo ia keri, geke haua na limana vuvungamu/pungisigho?”

6 Ma Esther te bosa tughu me ghaghua, “Na tinoni dika eni, a Haman ke, na ghamami na levunimate!” Ma Haman te mataghu ngangata tua tana matadira rana vunaghi haba mana vinahogho. 7 Ma gaia na vunaghi haba te tapa tughuru sania na malei sopouna nia na rutu papara, ge sakutua rughuhoru vaa tana kausana/leleghai na vale sulena na vunaghi haba. Hauva kaa, ma Haman te ghana pulohia sono geke nongia na vinahogho ge kara bei matea gea. 8 Mi tana bona te mua ghilalaa tua na hava ke gonia, agaia te tumu horu ta nina vatei sopou vinahogho Esther ge ke nongia ge ke arovia, tana bona ia tua te va pulohi oli mai tana kausana/leleghai na vale sulena na vunaghi haba. Ma gaia na vunaghi haba te [suravia/kokoe ngangara laga] me ghaghua, “?Ke tangomana sono geke loti na vinahogho itaeni ani tana vale sule, tana bona ku vaevanea tua inau?” Mi tana bona te kokoe mua na vunaghi haba, agaira nina lei tinoni lutu te kabukolua te saroa tua na maana mana ihuna Haman.* saroa tua na maana mana ihuna Haman Sakai na vaughilala ge kara matea sughua Haman. 9 Keri ge bosa me ghaghua Harbona, a sakai tadira nina lei mane manaha na vunaghi haba, “Haman te gonia na vatei tari sasarau mate tinoni tana bebete ni valena, ara hangavulu rua mana levu na ghoto na datona. Agaia te gonia, nia te loghoa na ghanaghana geke matea iga Mordecai, na te volaa na vunaghi haba ge ara mua mate poloa.”

Mana vunaghi haba te vetenara me ghaghua, “Vaghaa keri ke, ma kau tari sasaraua Haman iga me ke mate”. 10 Keri ge ara tari sasaraua Haman tana luana iga, ge mate. Mi murina keri, na vunaghi haba te mua rutu.