1 Ko hahanga, Age Lord, na pukuna rana lei tinoni uto

te nina ngangata na taghadira!

Ma gaira tara ghalabutete

tara tona keha tua tana maramana.

2 A gaira na komukolu

tara sopa koli vania sopasopa sakai tadira,

mara nia kokoe na ghidu te uto

mana toba te ghanaghana ruarua.

3 Lubatia a Lord ke lavia vanira mai

na ghanaghana mava ke sara tana sosokona;

ma kara nia kabu vaovarongo

didira na talu nagho tana lapidira.

4 Ma gaira tara ghaghua,

“Ighai kai nia koli tana tobamami

na hava tai ghanaghana.

Na ghidumami ke, a nimami heghemami,

ma hei ke tangomana ge ke va betoghau?

5 Ma Lord te bosa tughu, me ghaghua,

“Inau tu righia na vahaghitaili,

tau nea vanira tara mahebora,

mu tu rongovia didira na vahaghitaili rana bona.

Mi taeni inau ku tughuru dato ge ku lavi kehara,

te vagha te daro ni bona tua tara liogu ge ku nea vanira.

6 A nina na baubahu Lord te marabu,

vagha na silver to kerea tana lake

me va marabu e vitu na tughuru ni marabu.

7 Vagha keri, Lord, Ighai tai ghilala,

ighoe to pilupungisira nia tana dika,

mo talugonira ke va me va tana vavata sorisori eni.

8 Vagha keri rana hahi tara holohaba na dika ilokana na komu udolu.