1 Hiza, hintte Kiristtoosara hayqoppe denddidayssada, Xoossaafe ushachcha baggan uttida Kiristtoosi de7iya bessan, salon de7iyabata koyite. 3:1 Maz 110:1 2 Salon de7eyssata bolla hintte qofaa wothiteppe attin sa7an de7iyabata bolla wothofite. 3 Hintte hayqon shaakettida mela ha alamiyappe shaakettideta. Hintte de7oy Kiristtoosara issife Xoossan geemmis. 4 Hinttew de7o gidida Kiristtoosi qoncciya wode he wode hintteka iyara bonchchon qonccana.

5 Hessa gisho, hinttenan de7iya alame amota wodhite. Hessatikka laymatethi, tunatethi, laymatanaw amotethi, eeqa goynno mela gidida uuzetethi. 6 Hayssata gaason Xoossaa hanqoy kiitettonna asaa bolla yaana. 7 Hintteka kase he iita ogiyan biya asaa gidon de7ishe hayssata oothideta.

8 Ha77i hintte hessata oothofite. Qassi hanqo, ixo, kachchi, zigirssinne borsso oda hinttefe diggit. 9 Ceega asatethaa iya oosuwara hinttefe qaarida gisho, issoy issuwas worddotoppite. 3:9 Efe 4:22 10 Xoossaa medho daaniya, eratethan laamettida ooratha asatethaa ma77ite. 3:10 Medhe 1:26; Efe 4:24 11 Ha ooratha medhetethan, Girike asi woykko Ayhude asi, qaxxarettiday woykko qaxxarettonnay, Barbaare asi * 3:11 Barbaare asi: Guussay tamaariboonna woykko eronna woykko yelettida mela si7i gidi de7iya asi guussu. woykko Iskute asi † 3:11 Iskute asi: Guusay wozana mino asi woykko wozana iita asi guussu. aylley woykko womaannoy baawa. Kiristtoosi ubbaa; I ubban de7ees.

12 Hessa gisho, Xoossan doorettida asada geeshshatanne dosettidayssata gididi, maarotethaa, keehatethaa, ashkketethanne dandda7a ma77ite. 3:12-13 Efe 4:2 13 Issoy issuwa dandda7ite. Oonikka ba laggiyan qohettidabay de7ikko iyaw atto go. Goday hinttew atto gidayssada hintteka wolis atto giite. 3:13 Efe 4:32 14 He ubbaa bolla ubbabaa issife shiishidi qachchiya siiqo ma77ite. 15 Xoossaa hinttena issi asi oothidi xeegiday, sarotethas gidiya gisho Kiristtoosa sarotethay hintte wozanaa haaro.

16 Kiristtoosa qaalay hintte wozanan kumidi de7o. Cinccatetha ubban issoy issuwa tamaarssitenne zorite. Mazmuren, sabaninne ayyaana yethan Xoossaa wozanappe galatishe yexxite. 3:16-17 Efe 5:19-20 17 Xoossaa Aawa Yesuusa baggara galatishe hintte odettiyabaa woykko oothiyabaa ubbaa Godaa Yesuusa sunthan oothite.

18 Machcheto, ammaniyaa asaas bessiyabaa gidiya gisho, hintte azinatas haarettite. 3:18 Efe 5:22; 1Phexi 3:1

19 Azinatoo, hintte machcheta siiqite; enttaw iitoppite. 3:19 Efe 5:25; 1Phexi 3:7

20 Nayto, hinttena yelidayssatas ubbaban kiitettite; hessi Godaa ufayssiyabaa. 3:20 Efe 6:1

21 Aawato, hintte nayti ufayssi qanxonna mela entta camethofite. 3:21 Efe 6:4

22 Aylletoo, sa7an hinttew goda gididayssatas ubbaban kiitettite. Godaa bonchchishe suure wozanappe kiitettidi entta ufayssiteppe attin asi be7o gidi oothofite. 3:22-25 Efe 6:5-8 23 Hintte oothiya ooso ubbaa asas gidonnashin, Godaas oothiya mela wozanappe oothite. 24 Godaappe laata woyto oothidi hintte ekkeyssa erite; hintte Godaa Kiristtoosa haggaazeeta. 25 Xoossay asa som77o be7idi pirddonna gisho, oonikka iita ooso oothiko ba iita oosuwa gisho zaaro ekkana. 3:22-25 Efe 6:5-8