3
Xammaqiya Yohaannisa timirttiya
(Maato 3:1-12; Mar 1:1-8; Yoha 1:19-28)
1 Kawoy Xibaaryoosi Roome biittan kawotin, tammanne ichchashantho laythan, Phenxe Philaaxoosi Yihuda haariya wode, Heroodisi Galiila haariya wode, iya ishaa Filiphphoosi Ixuuriyasanne Xirakkonddosa haariya wode, Lisaniyoosi Ablaanisa haariya wode, 2 Hannaranne Qayyafara kahine halaqa gidi de7ishin, Xoossaa qaalay Zakkariyaasa na7aa Yohaannisakko bazzo biittaa yis. 3 Yohaannisi, “Hintte nagaraappe simmitenne xammaqetite. Xoossay hintte nagaraa atto gaana” yaagidi tamaarssishe Yorddaanose Shaafaa heeran de7iya biitta ubbaa bis. 4 Hessika nabey Isayaasi ba maxaafan, 3:4-6 Isa 40:3-5
“Bazzo giddon ba qaala dhoqqu oothidi,
waassiya uraa qaalay,
‘Godaa ogiya giigisite,
horogaakka piddi oothite.
5 Aafo ubbay kumana,
zumaynne dereynne ziqqi gaana.
Wobbe ogey luulana,
giigonna horogay qinxi gaana.
6 Asho ma77ida ubbay,
Xoossaa ashuwa be7ana’ ”
gidi xaafidayssada hanis.
7 Yohaannisi, ba kushen xammaqettanaw yida asaakko, “Hinttenoo, shoosha nayto yaanaw de7iya hanquwafe attana mela hinttena zoriday oonee? 3:7 Maato 12:34; 23:33 8 Hiza, hintte simuwa qonccisiya lo77o ooso oothite, hintte wozanan, ‘Nuus, nu aaway Abrahamey de7ees gidi ceeqettofite.’ Haa si7ite, ha shuchchatappe Xoossay Abrahames na7a kessanaw dandda7ees. 3:8 Yoha 8:33 9 Hekko, beexey mithaa xaphon de7ees. Hiza, lo77o ayfe ayfonna mitha ubbay qanxettidi taman yegettana” yaagis. 3:9 Maato 7:19
10 Asay, “Yaatin nuuni ay oothinoo?” yaagidi oychchidosona.
11 Yohaannisi zaaridi, “Nam77u afili de7iya asi baynnayssas immo. Kathi de7eyssi baynnayssas immo” yaagis.
12 Qaraxa qanxiseyssati xammaqettanaw yidi, “Asttamaariyaw, nuuni ay oothinoo?” yaagidosona. 3:12 Luuqa 7:29
13 I zaaridi, “Hintte qanxisanaw kiitettoyssafe aathidi ekkofite” yaagis. 14 Qassi wotaaddareti yidi, “Nuuni ay oothinoo” yaagidi oychchidosona.
Yohaannisi, “Oodebaakka wolqqan dafidi ekkofite, oonakka worddon mootoppite, hintte damoozey hinttew gido; ufayttidi de7ite” yaagis.
15 Asay Kiristtoosa naagishe de7iya gisho, Yohaannisa, “I Kiristtoosa gidanddeshshaa?” gidi qoppidosona. 16 Yohaannisi ubbaas zaaridi, “Taani hinttena haathan xammaqays, shin taappe aadhdhidi wolqqaameyssi yaana. Taani iya caammaa wodoruwa billanaw bessonna asi. I hinttena Geeshsha Ayyaananinne taman xammaqana. 17 Wudumman de7iya kathaa polo geeshshanaw pithey iya kushen de7ees. Geeshsha kathaa ba shaaliyan qolana; kaliya dhayonna taman xuuggana” yaagis.
18 Qassi Yohaannisi asaa daro zore zoridi Wonggelaa * 3:18 Wonggelaa: Girike doonan Wonggelaa giya qaalay daro ufayssiya oda woykko mishiraachcho guussu. He mishirachchoyka Kiristtoosi asa zerethi ubbaa merinaa pirddaafe ashshanaw kiitettidi yida gita ufayssaa (Luuqa 1:19; 2:10). odis.
19 Shin Yohaannisi Heroodisi ba ishaa machchiw, Herodiyada, ekkida gishonne haraa iita oosota gisho kaccida wode, 3:19-20 Maato 14:3-4; Mar 6:17-18 20 Heroodisi kaseyssa bolla haraba ubbaa gujjidi Yohaannisa woyne gelssis.
Yesuusa xammaqetethaa
(Maato 1:1-17; 3:13-17; Mar 1:9-11)
21 Yohaannisi qashettanaappe sinthe asaa ubbaa xammaqidi simmin, Yesuusikka qassi xammaqettis. I woossishin saloy dooyettis. 22 Geeshsha Ayyaanay holleda benttishe iya bolla uttis. Saloppe “Taani dosiya na7ay nena; ne tana ufayssaasa yaagiya” qaalay yis. 3:22 Medhe 22:2; Maz 2:7; Isa 42:1; Maato 3:17; Mar 1:11; Luuqa 9:35
23 Yesuusi tamaarsso oykkiya wode iyaw hasttamu laythi gidishin, asay iya Yoosefa na7a gidi qoppis.
Yoosefi Eele na7a, 24 Eeley Maate na7a,
Maatey Leewe na7a, Leewey Milkka na7a,
Milkkey Yoona na7a, Yooni Yoosefa na7a,
25 Yoosefi Mataate na7a, Mataatey Amoxe na7a,
Amoxey Nahoome na7a, Nahoomey Asiliime na7a,
Asiliimey Naage na7a, 26 Naagey Ma7aate na7a,
Ma7aatey Mataatiye na7a, Mataatiyey Samaye na7a,
27 Samayey Yihuda na7a, Yihudi Yoonane na7a, Yoonaney Rese na7a,
Resey Zerubaabela na7a, Zerubaabeley Salatiyale na7a,
Salatiyaley Neere na7a, 28 Neerey Melkka na7a,
Milkkey Haade na7a, Haadey Qoosame na7a,
Qoosamey Elmodaane na7a, Elmodaaney Eere na7a,
29 Eerey Yoose7e na7a, Yoose7ey Alaazara na7a,
Alaazari Yoorame na7a, Yooramey Maxaate na7a,
Maxaatey Leewe na7a, 30 Leewey Simoona na7a,
Simooni Yihuda na7a, Yihudi Yoosefa na7a,
Yoosefi Yoonane na7a, Yoonaney Eliyaaqeme na7a,
31 Eliyaaqemey Meliyye na7a, Meliyyey Maynaane na7a,
Maynaaney Maxaate na7a, Maxaatey Naatane na7a,
Naataney Dawite na7a, 32 Dawitey Isseyye na7a,
Isseyyey Iyobeede na7a, Iyobeedey Boo7eze na7a,
Boo7ezi Solomone na7a, Solomoney Na7asoone na7a,
33 Na7asooney Aminaadabe na7a, Aminaadabey Raame na7a, Raamey Arnne na7a,
Arnney Asroome na7a, 34 Asroomey Faarese na7a,
Faaresey Yihuda na7a,
Yihudi Yayqooba na7a,
Yayqoobi Yisaaqa na7a, Yisaaqi Abrahaame na7a,
Abrahamey Taara na7a, 35 Taari Naakkore na7a,
Naakkorey Saruuge na7a, Saruugey Rehu na7a,
Rehuy Faaleqe na7a, Faaleqey Ebeero na7a,
Ebeeroy Seela na7a, 36 Seeli Qaynaame na7a,
Qaynaamey Arfaksaade na7a, Arfaksaadey Seeme na7a,
Seemey Nohe na7a, Nohey Laamehe na7a,
37 Laamehey Matusaala na7a, Matusaali Heenoke na7a,
Heenokey Yaarede na7a, Yaaredey Malaal7ela na7a,
Malaal7eli Qaynaane na7a, 38 Qaynaaney Heenose na7a,
Heenosey Seete na7a, Seetey Addaame na7a,
Addaamey Xoossaa na7a.
3:4 3:4-6 Isa 40:3-5
3:7 3:7 Maato 12:34; 23:33
3:8 3:8 Yoha 8:33
3:9 3:9 Maato 7:19
3:12 3:12 Luuqa 7:29
*3:18 3:18 Wonggelaa: Girike doonan Wonggelaa giya qaalay daro ufayssiya oda woykko mishiraachcho guussu. He mishirachchoyka Kiristtoosi asa zerethi ubbaa merinaa pirddaafe ashshanaw kiitettidi yida gita ufayssaa (Luuqa 1:19; 2:10).
3:19 3:19-20 Maato 14:3-4; Mar 6:17-18
3:22 3:22 Medhe 22:2; Maz 2:7; Isa 42:1; Maato 3:17; Mar 1:11; Luuqa 9:35