87
2 oayvu hokẽ ikuai va'e voi.
Jacó kuery rekoa ikuai va'e ha'e javi gui oayvuve.
3 Ndevy Nhanderuete pegua tetã, ayvu iporã ete va'e 'ea:
4 “Xekuaa va'e kuery rekoa regua ma
Egito ha'e Babilônia.
Oĩ avi 'rã Filístia, Tiro ha'e Etiópia,
ha'e py ae itui'i rire.”
5 Mba'eta Sião tetã pe aipo'ea 'rã:
“Kova'e ha'e peva'e voi ha'e pygua ae.
Yvate ete va'e omoĩ atã 'rã.”
6 Senhor yvy regua rery ombopara vy aipoe'i 'rã:
“Kova'e ma ha'e pygua ae.”† “Ha'e py itui'i” he'ia ma ojeupegua kuery re ijayvu vy, Jerusalém pygua ae pe rami, mombyry itui'i va'ekue teĩ.
7 Oporaei va'e kuery ha'e javi opo-opo reve aipoe'i 'rã:
“Ndere anho oĩ xemoingo porãa ha'e javi.”
Ojexavai va'e ndovy'aia rupi ijayvuague
Jogueroporaei va'e pe mboraeirã Coré ra'y kuery nhombo'e aguã ombopara va'ekue mbaraka py ombojoguy aguã, Ezra ramymino Hemã oporaei va'ekue.