140
1 Senhor, xereraa jepe ke heko vai va'e gui.
Xerepy avakue ojerovia rei va'e gui.
2 Ha'e kuery ma mba'emo vai anho opy'a re omoĩ.
Joguero'axea rupi rive ikuai.
3 Mboi rami oaĩmbe'e 'rã oapekũ,
ijayvua ma mboi guigua veneno rami ae.* Romanos 3.13
4 Senhor, xerepy ke heko vai va'e po gui,
xereraa jepe avakue ojerovia rei va'e gui,
xembojepekuavo aguã re onhea'ã okuapy va'e kuery gui.
5 Ojejou porã rei va'e kuery ma nhemi rupi omoĩ 'rã nhuã xã xembo'a aguã,
tape yvýry oipyo 'rã xembo'aarã.
Omoĩ 'rã nhuã xembo'a aguã.
6 Aipoa'e Senhor pe: “Ndee ma Xeruete.”
Senhor, ajerure ramo xepytyvõ ke.
7 Senhor xereraa jepea ndepo'akapa va'e,
joe opu'ãa ára py ndee xeakã rejao'i.
8 Senhor, emoingo eme heko vai va'e oipota va'e.
Eja eme joapo vaixea rupi ikuai aguã rami.
9 Xejokopa rei va'e kuery onhemboyvate ri ramo
ejapo ha'e kuery re ae ju ijayvu vaiague ojeapa aguã rami.
10 Ha'e kuery áry tou tapyĩ, tomomboa tata py.
Yvykua vaikue py tomomboa, opu'ã ve'ỹ aguã py.
11 Joe ijayvu rei va'e toĩ atã eme yvy re.
Teko vai toakykue monha avakue ojerovia rei va'e, omomba peve.
12 Xee aikuaa Senhor oepy 'rãa iporiaukue'i,
opena 'rã oikotevẽ rei'i va'e kuery re.
13 Ha'e ramo heko porã va'e kuery oguerovy'a 'rã nderery,
anhetẽ rupi ipy'a va'e ikuai 'rã nerenonde.
Ka'aru'i jave oiky'a'o ha'e oipytyvõ aguã re ojerureague
Mboraeirã Davi ombopara va'ekue.