1 Waŋganymirri * JonathanDjonathandhu waŋana nhanŋuway djämamirrinha, “Gul' ŋali marrtji bala, buḏapthun ŋunha ya' miriŋuwala wäŋalili,” bitjarra. Yakana ŋayi ŋula ḻakaraŋala nhanukalaŋuwa bäpa'mirriŋuwa wo wiripu‐guḻku'wa ŋuripa yolŋu'‐yulŋuwa, 6 yana ŋayi waŋana bitjarra nhanukalaŋuwala djämamirriwala, “Ŋali marrtjina go, ga buma ŋunhana miriŋunhana ya', ŋunha walala yakana marŋgi Garraywunydja. Mak yurru Garrayyu ŋitjalanha guŋga'yun. Ŋali yurru djuḻkmaramana yana walalanha ŋunha † PhilistiaBilitjiyawuyŋunhanydja, bäyyi ŋali maṉḏa märrma' yolŋu maṉḏa, yaka guḻku', liŋgu Garraynydja dhuwala ŋitjalaŋgala gali'ŋura.”

7 Ga ŋunhiyi ḏarramunydja waŋana bitjarra, “Ŋarra yurru malthunna‐wala yana nhaltjan nhe yukurra waŋa. Marrtjina‐wala yana ŋali yurru,” bitjan.

8-10 Bala Djonathan ga ŋunhiyi ḏarramu wiripu djar'tjaryurrunana maṉḏa yana. Marrtjinanydja maṉḏa, ga bukulili ŋal'yurruna, bala yana milkunharamina manḏanhay maṉḏa ŋuripa miriŋuwa.

11 Ga walalanydja Bilitjiyapuyŋuyunydja nhäŋalana maṉḏanha, bala warku'yurrunana wakalliliyaŋalana ḻakaranhaminana, “Nhäŋa walala! Ŋunhana ‡ IsraelYitjuralpuyŋunydja bay', liŋguna dhawa‐yawaṯthunna marrtji ŋulaŋuru mathirraŋurunydja malanyŋuŋuru.” 12 Bala yana walala wäthurruna Djonathanguna, “Go, lili marrtjiya, ŋanapurru nhumalaŋgu milkuma be nhä,” bitjarra.

Ga Djonathandja waŋana ŋuriki nhanukalayŋuwu djämamirriwunydja bitjarrana, “Go malthurrana ŋarraku. Liŋguna dhuwala Garrayyunydja wekaŋalana walalanha ŋitjalaŋgala goŋlilina. Ŋilimurru Yitjuralpuyŋuyunydja walalanha yurru buma dhawaṯmaramana.” 13-14 Yuwalkthi Djonathan ga ŋunhi wiripu ḏarramu marrtjina maṉḏa buḏapthurrunana, ga ŋunhala maṉḏa bumaranydja ŋunhi Bilitjiyapuyŋunhanydja 20‐nha yolŋu'‐yulŋunha rakunygunydja. 15 Ga wiripuwurrunydja ŋunhi barrarina, liŋgu munathany'tja ŋunhi gur'kuryurrunana yukurrana, wiṯthurrunana walala dhika beyaṉiyinanydja, yurru walala gundupuŋalanydja dhika bena barrkuwatjthinana dhikana.

16 Ga walalanydja ŋunhalanydja Yitjuralpuyŋuwalanydja wäŋaŋura, ŋulaŋurunydja walala nhäŋalana, walala gundupuŋalana dharrana dhika yolŋunydja walala mel‐manapanminana bitjarrana ya'. 17 Bala ŋayi § SaulDjolyu dhä‐wirrka'yurrunana waŋana bitjarra, “Yolŋga ŋunha marrtjina buḏapthurrunanydja?” Ga yana walala bothurruna marrtjina ŋunhi miṯtjinhana, ga maḻŋ'maraŋalanydja Djonathan ga nhanŋu djämamirri winya'yurrunanydja. 18 Ga ḏalkarra'mirriyunydja ŋayi bini dhä‐wirrka'yuna Garraynha, “Nhaltjan dhuwala ŋanapurru yurru yulŋunydja?” bitjarra. 19 Yurru ŋayinydja Djolyunydja nhäŋala Bilitjiyapuyŋunha yolŋu'‐yulŋunha, wirrkina dhikana walala bunharaminanydja yukurrana. Ga ŋayi Djolyu waŋana ḏalkarra'mirrinhanydja walalanha bitjarra, “Yo, gonha'yurrana ŋan'. Walunydja dhuwala bäyŋuthinana. Ŋilimurru marrtjina‐wala yana yurru, ga bumana walalanha. Yakana ŋilimurru nhina yurru galŋa‐raypinydhirrinydja, ŋäŋ'thundja Garraynhanydja yurru.” 20-22 Bala Djol ga nhanŋu miṯtji marrtjinana‐wala yana, ga bukmakthuna walala bumara ŋunhi Bilitjiyapuyŋunhanydja, warr'‐warryurrunana walalanha ŋuparana‐wala yana, yana liŋgu ga be‐wala barrkulilina ŋurrkaŋalanydja. 23 Ga bitjarrayi Garrayyu guŋga'yurrunanydja Yitjuralpuyŋunhanydja ŋuriŋiyi waluyu.