17
Yitjuralnhanydja miṯtjinha djuḻkmaraŋalana Yatjiriyapuyŋuyuna miriŋuyu, bala djaw'yurruna bena‐wala barrkulilina wäŋalili
17:1–24 (The Israelites were defeated by the Assyrians and taken to a far off land)
17:1–6
Yo, ŋayinydja ŋunhi * 17:1–6 HosheaWotjiyanydja giŋ † 17:1–6 IsraelYitjuralwuy, yurru yätj yana giŋdja ŋayi, bitjana liŋgu ŋayi yukurranha ŋuli ŋayaŋu‐yätjkunha Garraynha, ga ŋulinyaramirriyu waluyu ŋunhi ‡ 17:1–6 AssyriaYatjiriyawunydja miriŋu walala marrtjina lili walalaŋguna nyäṉ'thurruna; marrtjinanydja walala lili, bala märraŋala buŋgawanha ŋunhi Wotjiyanhana ga ŋilitjara ŋanya ḻoḻulilina, ga bitjarrayi liŋgu walala märraŋala yolŋu'‐yulŋunhanydja ŋunhi Yitjuralpuyŋunhanydja, ga bena‐wala djaw'‐djawyurrunana, ga nherraranydja walalanha ŋunha walalaŋgiyingalana wäŋalili Yatjiriyalilina gupaḏalnha yanana, ga yakana walala ŋula roŋiyinanydja walalaŋgiyingalanydja lilinydja wäŋalili walmana.
7-12 Yo, ŋunhayi wäŋa § 17:7–12 SamariaDjamariyanydja liŋguna buwayakthinana, liŋgu ŋuriŋi Yitjuralpuyŋuyu ŋayaŋu‐yätjkuŋala Garraynha walalaŋguway waŋarrnha ŋunhi ŋayina walalanha dhawaṯmaraŋalanydja ŋuliŋuru * 17:7–12 EgyptYetjipŋurunydja gäŋala. Walala yukurranha ŋuli buku‐ŋal'yuna wiripuŋuwuna waŋarrwu malaŋuwu, ga rom walala ŋuli yukurranha dhuḏakthuna wiripuwuna mulku'‐mulkuruwuna. Walala marrtjinya ŋuli dhuḻ'yuna wäŋa malanha wiripuŋuwu waŋarrwu walalaŋgu, ga buku‐ŋal'yuna walala ŋuli mala‐manapana ŋunhili. Yo, Godtja waŋana walalaŋgu bitjarra, “Yaka yana buku‐ŋal'yurra wiripuŋuwu waŋarrwu walalaŋgu, goŋbuywunydja waŋarrwu ŋunhi,” yurru walalanydja yaka ŋäkula, bala Godtja ŋaramurryinana walalaŋgu wirrkina. 13-18 Godthu djuy'yurruna dhäwu'‐gänharamirrinha walalanha ḻakaranharawu raypirri'yunarawu, yurru walalanydja yaka warray ŋäkula walalanha. Ŋuriŋi dhäwu'‐gänharamirriyu ŋuli waŋanha bitjana, “Bilyurra walala dhipuŋuru yätjŋuru, ga malthurra nhanŋuway Godkalaŋuwu romgu, ŋunhi ŋayi wekaŋala goŋlili nhokalaŋuwala ḏilakkala.” Yurru yakana ŋunhiyi Yitjural bäpurru yukurranha ŋuli malthunanydja, yurru walala yukurranha ŋuli rom‐ḏälthinyana, bitjana yana liŋgu bitjana ŋuli walalaŋgu märi'mu walala, ŋunhi walala ŋuli yakana märr‐yuwalkthinya Garraywunydja. Walala ŋuli yakana buthuru‐witjuna ŋänha Garraynhanydja, ŋunhi nhaltjana ŋuli Garrayyu ḻakaranha raypirri'yuna walalanha, ga yakana walala ŋuli malthuna nhanŋu. Walala ŋuli be nhäkuna ŋurikina nhäŋiniŋ'kuna waŋarrwu buku‐ŋal'yuna, bala walalanydja ŋuli nhäŋiniŋ'thinyana. Yo, buku‐ŋal'yunanydja walala ŋuli goŋbuywu ŋamaŋamayunarawuywu buliki'wu, ga ŋuriki be nhäku dhäykawu waŋarrwu † 17:13–18 AsherahYatjarawu, ga bitjana yana liŋgu walala ŋuli buku‐ŋal'yuna ganyu'wunydja, ga walalaŋgalaŋuwu waŋarrwu ‡ 17:13–18 BaalBälwu yäkuwu. Walala ŋuli bunha marrtjinya yumurrku'nha walalaŋguway walala, bala bathana walalanha ŋuli bitjana mundhurrnha wekanha walalaŋgalaŋuwu ŋuriki goŋbuywuna waŋarrwu walalaŋgu. Ga wiripunydja walala ŋuli marrtjinya gänharaminya marrŋgitjkala, märr ŋayina yurru walalanha guŋga'yun. Yo, bitjana liŋgu walala ŋuli Yitjuralpuyŋuyunydja yätjnha yanana djäma yukurranha rom, bala Garraynydja wirrkina ŋaramurryina walalaŋgu. Bala ŋayinydja walalanha djalkthurrunana warrpam'nha bena‐wala yana barrkulilina gali'lilina, bala yana waŋganynha yukurrana ŋayipina Djudana miṯtji dhärrananydja ŋunhalanydja Godkalanydja wäŋaŋura nhäyikanydja.
19-23 Ga walalanydja ŋunhi § 17:19–23 JudahDjudanydja yaka yana mäkiri'‐witjurruna nhanŋu dhärukku Godkunydja, yätj yana djäma walala yukurranha ŋuli, liŋgu walala yukurranha ŋuli malthuna Yitjuralpuyŋuwu romgu, ga dhuḏakthuna yukurranha ŋuli rom Yitjuralpuyŋunha. Yurru ŋayinydja Godthunydja djalkthurruna warray walalanha Yitjuralnhanydja miṯtjinha, ḏupthurrunana bena‐wala gali'‐nherrarana, ŋayi wekaŋalanydja walalanha goŋlili miriŋuwalana, ga bena‐wala yana walala winya'‐winyayurrunanydja gupaḏalkuŋalana. Bitjarrana liŋgu walala yukurrana nhinananydja wäŋaŋura Yatjiriyana; dhäwulnha walala roŋiyinanydja lili wäŋalilinydja ŋunhamalanydja Yitjurallilinydja.
24 Ga bitjarrayi liŋgu ŋayinydja Yatjiriyapuyŋuyunydja giŋdhu djuy'yurruna nhanŋuwaynydja miṯtjinha yolŋu'‐yulŋunha, ga nherrara ŋunha Djamariyalilina wäŋalili, ŋunhimala dharapullili Yitjuralpuyŋuwalana, ga ŋunhalayina walala yukurrana nhinananydja, ŋunhi Djamariyana.