40
Godku Buṉbunhanydja yurru dhaŋaŋgumana ŋuriŋi nhanukalay ḻatju'yuna djarraṯawun'thu dhikana
40:1—43:12 (The perfect Temple was filled with the Lord’s glory)
1 Yo, ŋarranydja yukurrana nhinana ŋunhala barrku wäŋaŋura yäkuŋura * BabylonBapilun, ŋurikala walalaŋgala nhinananydja ŋarra yukurrana ŋunhi walalanha djaw'‐djawyurruna yukurrana Bapilunbuyŋuyu miriŋuyu beŋuru † JerusalemDjurutjalamŋuru. 2 Waŋganymirrinydja waluyu Garray marrtjina, bala mulkanana ŋayi ŋarranha, bala ŋayi garrwarkuŋalanydja dhawuṯmaraŋala ŋarranha, bala gäŋalana yukurrana ŋunhana wäŋalili ‡ IsraelYitjurallilina ŋarakalili. Yo, maŋutji‐yurthinyarayunydja ŋuriŋiyi ŋarranha ŋayi gäŋalanydja, bala nherrara bukulilina ŋunhana, ga ŋuliŋuruyi bukuŋurunydja wäŋaŋuru ŋarra nhäŋala buṉbu‐mäypamirrina dhikana wäŋa. 3 Ga biyapul ŋayi mel‐warryurruna ŋarranha Garrayyu galkithaŋala ŋunhiwalayi wäŋalili, bala ŋarra nhäŋala yolŋunha, ŋayi yukurrana dhärrana galki dhurrwaraŋura wal'ŋu Buṉbuŋura Garraywala ŋunhili, yurru rumbalnydja ŋayi ŋunhi djaḻkarr'yurrunana yukurrana djingaryurrunanydja, ga goŋdhunydja ŋayi yukurrana ŋayathaŋala be nhä djaka'‐nhänharawuy girri'. 4 Bala ŋayi Garray waŋana ŋarrakala bitjarra, “Nhäŋanydja bulnha biyaka ŋamathaŋa wal'ŋu marrtjiya yana bukmak ŋunhi nhä ŋarra yurru marrtji milkuma nhokala. Ŋarranydja nhuna dhuwala gäŋala lilinydja dhipalanydja, märr nhe yurru marŋgiyirri, märr yurru nhe marrtji dhipuŋurunydja roŋiyirri, ga ḻakaramana Yitjuralwanydja bäpurru'wa miṯtjiwa nhä ŋunhi nhe nhäŋala marrtjina, warrpam' yana.” Ga bitjarra ŋayi Garray waŋananydja.
5—42:20
Yo, nhäŋalanydja ŋarra yukurrana ŋunhiyi Buṉbunydja Garraywu ḻiw'maranhara gunganharanydja ḻoḻuwuynydja, bala ŋayinydja ŋunhiyi ḏarramunydja marrtjina, bala ŋayi djaka'‐nhäŋalana yukurrana ŋunhiyi Buṉbu ga ḻoḻu ŋunhi. Ga biyapul ŋayi marrtjina, ga djaka'‐nhäŋala ŋunhi dhurrwaranydja gal'ŋu Buṉbuwuy, ga dhurrwaraŋuru ŋuliŋuruyinydjayi ŋayi djaka'mirriyaŋala ŋunhiyinayi Buṉbunha, warraŋul ŋunha ga djinawa'. Yo, djaka'‐ŋupara ŋayi marrtjina ŋuriŋi girri'yunydja djinawa' malanha dhaḻa'‐dhaḻakarr ga dhurrwara malanha, bukmak yana ŋunhi Godku Buṉbunydja, ga maḻŋ'maraŋalanydja ŋayi ḻatju' warray dhika, dhapirrk warray yana, bukmak warray.