12
Godthu gäŋala Yipuramnha bala Gaynanlili wäŋalili
12:1–9 (God’s call to Abram)
1 Yo, nhinananydja walala yukurrana ŋunhi wäŋaŋura * HaranYarandja, bala ŋayi ŋuliŋurunydja God waŋana nhanukala ŋurikala † AbramYipuramgalanydja, ŋuliŋuruyina dhäŋuru ŋunhi nhanŋu bäpa'mirriŋu ŋunhili rakunydhina worruŋu ŋunhi, bala ŋayi waŋananydja nhanukala bitjarrana God. “Gonha'yurrana dhuwaliyinydja nhuŋuway nhe wäŋanydja, ga gurruṯu'mirrinhanydja nhuŋuway, ga nhä malanha nhokalaŋuwu bäpa'mirriŋuwu, bala marrtjiya ŋunhana ŋunhi ŋarra yurru nhuŋu milkuma. 2 Ga biyapul ŋarra yurru wekama nhuŋu yumurrkuny'tja guḻku'kumayi, märr nhuŋu yurru malanydja ŋurruŋuna yukurra dhärra yurru. Ŋarranydja yurru nhuna gäma yukurra ḻatju'kuma wal'ŋu, bala nhe yurru ḻukunydjana yolŋu wal'ŋu, ga yäkunydja nhe yurru bathalana wal'ŋu garrwarnha yana.
3 Balakurruyinydja nhokalaŋukurrunydja ŋarra yurru goŋmirriyamana wiripu‐guḻku'nhanydja.
Ga ŋunhi yurru wiripuŋuyu bäpurru'yu malaŋuyu goŋmirriyama wal'ŋu yukurra nhumalanha yurru,
ŋarranydja yurru bitjandhi liŋgu yana goŋmirriyamayi walalanhanydja;
ga ŋuli yurru bäpurru'yu wiripuŋuyu malayu buku‐nherraṉ ŋaŋ'ŋaŋdhun yukurra nhumalanha,
ŋarranydja yurru bitjandhiyi bili buku‐nherraṉdhi ŋaŋ'ŋaŋdhun walalanhanydja.
Yo, bukmaknhana bäpurru'nha ŋarra yurru yukurra goŋmirriyamanydja nhumalaŋgalaŋukurrunydja.”
Bitjarra ŋayi Godthu waŋana dhawu'mirriyaŋalanydja Yipuramnha.
4 Bala ŋayi Yipuramdhunydja dhäruknha yana märraŋala Garraynha. Bala ŋayi yana gonha'yurrunana wäŋa ŋunhiyi Yaranbuynydja, bala yana marrtjinana, ga dhuŋgarranydja ŋayi ŋunhi Yipuramdja 75‐nha. 5 Yo, märraŋalanydja ŋayi miyalknhana nhanŋuway ‡ SaraiSaraynhana, ga § LotLotnhana nhanukalaŋuwu gutha'mirriŋuwuna gäthu'mirriŋunha, ga bukmak nhä malanha nhanŋu guḻku'na, wäyin malanha ga djämamirri walala guḻku'na, bala walala ḻaw'yurrunana, marrtjina bala wäŋalili * CanaanGaynanlilina yäkulili.
6 Yo, marrtjinanydja walala yukurrana‐a‐a, baṯ‐gay mulkana ŋunhiyinydja wäŋa yäku Gaynandja, ga ŋuliwitjarrayina walala yukurrana marrtji'‐marrtjinanydja, yana liŋgu‐u‐u ga ŋunhiliyina ŋunhi yukurrana wanhami dharpa maḏayin' djingaryurruna, yäkuŋura † MorehMoray, galki ‡ ShechemDjikam wäŋaŋura. Yo, ŋunhilimiyinydja wäŋaŋura yukurrana nhinana yolŋu walala bäpurru' Gaynanbuynha, ga buku‐ŋal'yurrunanydja walala yukurrana wiripuŋuwu waŋarrwu malaŋuwu, yakana ŋurikinydja waŋarrwu wal'ŋu yuwalkkunydja, ŋunhi ŋanya ŋayi yukurrana gäŋala Yipuramnha. 7 Yo, ŋayathaŋalanydja ŋayi ŋunhiyi wäŋa, bala ŋayinydja marrtjina gonha maḻŋ'thurruna warray nhanukala Garraynha Godnha, bala waŋana bitjarrana, “Dhuwalana ŋunhiyi wäŋanydja ŋarra yurru wekama nhokalaŋuwu mala‐bunharawuywuna, märr yurru dhuwalayinydja wäŋa bitjanna liŋguna nhokalaŋuwuna miṯtjiwu dhärrana yana yukurra yurru.” Bala ŋayi Yipuramdhunydja botjaŋalana guṉḏana malanha ŋal'‐ŋalmaraŋala, bala yana wäyinnha bathara, buku‐wurrparanydja Garraynha Godnha, ŋunhi ŋayipi maḻŋ'maranhamina ŋanyapinyay ŋayi nhanukala Yipurayimgala ŋunhiliyi wäŋaŋura.
8 Ga mukthurrunaŋga yana walala yukurrana wäŋgaŋala lili, buku‐ŋuparana bala, yana liŋgu‐u‐u ga wäŋa ŋayathaŋala ṉapuŋga § BethelBithulwuy ga * AiYäyiwuy, ga ŋunhiliyi wäŋaŋura walala biyapul nhinana wäŋaraŋala. Ga ŋunhili ŋayi biyapul botjaŋala bitjarrayi liŋgu guṉḏa, bala buku‐ŋal'yurruna Garraywalana yukurrana. 9 Bala walala ŋunhi giṯthu'‐giṯthurrunana marrtjina yulŋunydja, bitjarrana liŋguna bala marrtjinanydja yukurrana wäŋalili ga wäŋalili.
Bala ŋayi Yipuram yarrkthurrunana marrtjinanydja Yetjiplilina wäŋalili nhinana
12:10—13:1 (Abram in Egypt)
10 Ŋuliŋurunydja dhäŋuru bala yana wäŋanydja ganbarkthinana ŋunha † CanaanGaynanbuynydja, bala ‡ EgyptYipuram giṯthurrunana ŋuliŋuruyi wäŋaŋuru, bala yana marrtjinana yukurrana bitjarrana bala buku djalathaŋnha ŋupara, marrtjinana yukurrana wäŋawuna ḻarruŋala, yana liŋgu bur‐way bunana ŋunhalana § AbramYetjipnha. 11 Ga ŋunhi walala marrtjina yukurrana galkithinanydja ŋunhi wäŋanydja, bala yana ŋayi Yipuram waŋanana nhanukalaŋuwala miyalkkala * SaraiSaraywala bitjarra, “Nhenydja dhuwalanydja ga ḻatju'na dhikana miyalk rumbal dhapirrknha. 12 Walala yurru nhuna ŋuriŋiyi Yetjippuyŋuyunydja ḏarramuwurruyu nhäma, bala walala yurru bumana ŋarranhanydja, bala yana märramana nhunanydja yurru miyalkkumana walalaŋguwaynha. 13 Ga nhenydja yurru waŋiya biyaka ŋunhi nhenydja yapa'mirriŋuna ŋarraku, märr yurru walala ŋarranha walŋakuma, yakana bumanydja.”
14 Bala yana walala gärrinana Yetjiplilina wäŋalili, ga ŋunhi walala nhäŋalanydja Saraynha ŋuriŋi Yetjippuyŋuyunydja yolŋu'‐yulŋuyu, bala ḻatju'‐ḻakaraŋalana dhapirrk ḻakaraŋalana ŋanya Saraynhanydja. 15 Walala märraŋalana ŋanya, bala gäŋala giŋgalana wäŋalili, miyalknha ŋurikiyina giŋguna. 16 Bala ŋayi giŋdhunydja ŋuriŋiyi rarr'yurruna wäyinnha buliki'na nanikutnha ga dhika nhäna malanha girri' nhanŋu Yipuramgunydja, dhaŋaŋnha bäymana girri', yanapi Saraynydja ŋunhi Yipuramgu yapa'mirriŋu.
17 Yurru dhunupana yana ŋunhi djaw'yurruna walala Saraynhanydja bala ŋunhamalana giŋgalana wäŋalili, bala ŋayi giŋdhunydja ŋuriŋiyi rerrina märraŋala, ga wiripu‐guḻku' ŋunhili bala'ŋura bitjarrayi liŋgu rirrikthunmina wirrkina, liŋgu God ŋayipi goŋ‐nherraṉmina yukurrana Saraywunydja. 18 Bala ŋayi giŋdhunydja dharaŋarana ŋunhiyi, ŋunhi ŋayi Saray Yipuramgu miyalk wal'ŋu, bala ŋayi waŋana Yipuramgala bitjarra, “Nhäku warray nhe bitjarranydja ŋarranha? Nhäku nhe yakanydja waŋana dhunupa ŋarrakala, ŋunhi ŋayi Saraynydja nhuŋuway miyalk. 19 Nhäku nhe ḻakaraŋala ŋarrakala ŋunhi ŋayi yapa'mirriŋunydja nhuŋu? . . . ga nhäkuna nhe lilinydja ŋanya djuy'yurruna ŋarrakalanydja? Ŋay' dhuwalana nhuŋu miyalktja. Gatjuy marrtjiyana maṉḏa dhipuŋuru yarrkthurrana ŋarrakala wäŋaŋurunydja.”
20 Ga yuwalkthi ŋayi giŋdhu gukuŋalana Yipuramnhanydja ŋuliŋurunydja wäŋaŋuru, bala ŋayi Yipuramdja gaŋgathinana, bala yana marrtjinana; märraŋalanydja ŋayi miyalknhana nhanŋuway ga wiripu malanha ŋunhiyi djaw'yurrunana‐wala.