14
Yipuramdhu roŋinyamaraŋalana märraŋala Lotnhanydja ŋuliŋuru miriŋuwalanydja goŋŋuru
14:1–16 (Abram rescued Lot)
14:1–12
Liŋguna ŋayi * 14:1–12 LotLottja nhinanana yukurrana ŋunhalayi † 14:1–12 SodomDjudumnha, bala marrtjina bunana mari warray ŋunhiliyinydja, liŋgu ḏämbumiriwyu giŋdhu walalay miriŋunha walalaŋguway ŋurru‐warryurruna, ga bunana ŋunhilina wäŋaŋura. Walala wäŋanydja ḏaw'yurruna warrpam'nha, bala djaw'‐djawyurrunana girriny'tja dhika nhänydja bukmak, ga yolŋu'‐yulŋunhanydja ḏapṯapmaraŋalana, bala yana djaw'‐djawyurrunana walalaŋgiyingalana wäŋalili. Ga bitjarrayi bili Lotnhanydja ga nhanŋu yumurrku'nha ga miyalknha djaw'‐djawyurrunayi, ga bukmak nhanŋu nhä malanha girri'.
13-16 Yurru waŋganydja nhanŋu Lotku djämamirri winya'yurruna, bala waṉḏina ga ḻakaraŋala ‡ 14:13–16 AbramYipuramguna. Dhunupa ŋayi Yipuramdja gaŋgathina, ḻuŋ'maraŋala nhanŋuwaynydja miriŋunha yolŋu'‐yulŋunha ŋunhi walalanha, bala yana ŋuparana walalanha, ḻundu‐ŋuparana ŋunhiyi 4‐nha giŋnha walalanha ga walalaŋgu miriŋunha walalanha. Warr'‐warryurruna walala ga bumarana walalanha ŋunhi miriŋunhanydja, ga ŋuparana ŋunhinydja bena‐wala giŋnhanydja walalanha, bala roŋiyinmaraŋala djaw'yurruna Lotnhanydja ga nhanŋu yumurrku'nha ga miyalknha ga girri' malanha, ga wiripu‐guḻku'nha yolŋu'‐yulŋunha ḏapṯapmaranhawuynha walalanha ŋunhi.
Milkitjitikthu goŋmirriyaŋalana Yipuramnha
14:17–24 (Melchizedek blessed Abram)
17 Bala § 14:17 AbramYipuramdja ga * 14:17 LotLottja ga yolŋu'‐yulŋu ŋunhi miriŋu roŋi'‐ruŋiyinana liliyi, ga bukmaknha yana ŋunhi girri' nhä malanha walala roŋiyinanydja gäŋalana yukurrana. Lilinydja walala gumurr‐roŋiyinana yukurrana‐a‐a, 18 ga ŋunhala gandarrŋuranydja wäŋaŋura yolŋu waŋgany yäku † 14:18 MelchizedekMilkitjitik gumurr‐wunana nhanŋu Yipuramgu, yurru ŋayi ŋunhiyinydja yolŋu giŋ ŋurukuy wäŋawuy ‡ 14:18 SalemDjalambuy, ga bitjandhiyi ŋayi ŋunhiyi ḏarramu ḏalkarra'mirri Godkalaŋuwu. Yo, gäŋalanydja lili ŋayi Milkitjitikthu ŋayaŋay' ga borum weyika', bala wekaŋalana nhanŋu Yipuramgu. 19 Bala ŋayi dhäruknha wekaŋala bukukurru‐waŋanana Yipuramgu, Godkala yäkuyu ḻakaraŋala bitjarra,
“Godthu nhuna yurru gämanydja marrtji ḻatju'kumana,
ŋuriŋiyi liŋgu Godthu ŋunhi ŋayi djäma ŋunha djiwarr' ga dhuwala munatha'.
20 Ma' wokthurrana Garraywu Godkunydja, liŋgu ŋayipi nhunanydja guŋga'yurruna,
bala nhe djuḻkmaraŋalana nhuŋuway miriŋunha walalanha nhanukala yana ganydjarryu.”
Bitjarrayina ŋayi Milkitjitik waŋananydja Yipuramgala.
Bala yana ŋayi Yipuramdhu guḻk‐guḻkthurrunana ŋunhiyi girri' malanha märrma' rululili ŋurruklili gurrunhara marrtjina, ŋunhiyi girri' bukmak yana ŋunhi ŋayi roŋiyinmaraŋala liliyi ŋurikala miriŋuwala. Yo, gurru'‐gurrunharanydja ŋayi marrtjina märrma'‐rululili ŋurruklili, ga waŋganydja ŋayi wekaŋala ŋurikinayi yolŋuwu Milkitjitikkuna. Bala yana Yipuramdja marrtjinana‐wala.
21 Ga ŋayinydja ŋurukuynydja wäŋawuy § 14:21 SodomDjudumbuynydja giŋ gumurr‐wunanhamina maṉḏa Yipuram, bala nhanukala waŋana bitjarrana, “Nhe yurru roŋiyinmaraŋanydja lilinydja ŋarrakalanydja dhuwalina yolŋu'‐yulŋunhana, märr yurru ŋanapurru roŋiyirri bala Djudumlili ga nhina yukurra ŋunhala, yurru girri' dhuwali ya' ŋunhi nhe yawungu gombu'‐gumbuma ŋunhi miriŋunha, nhepina yukirriya ŋayathaŋa bukmak yana dhuwali girriny'tja nhuŋuwaynha.”
22-24 Ga ŋayi Yipuramdja waŋana yaka'yurruna, yana ŋayi rarr'yurrunana ŋunhiyi girri' malanha balayi roŋiyinmaraŋala giŋgu ŋurikiyi Djudumbuyŋuwu; ŋayi waŋana yaka'yurrunana bitjarrana, “Bukmak dhuwala girriny'tja warrpam' nhuŋuway, yaka ŋarra yurru dhuḏi'yunmarama ga ŋayathama yukurra ŋula nhämuny waŋgany. Dhuwalanydja nhuŋuwaynha yana, märr nhenydja yurru yakaŋga waŋiya biyaka, ‘Ŋarra dhuwala ŋanya Yipuramnha ḻukunydjakuŋala.’ Yakana ŋarra yurru ŋayathama yukurra ŋula nhä ŋarrakuway ŋarra. Ma' märraŋana dhuwala girriny'tja malanha ga marrtjiyana‐wala.” Bitjarrana ŋayi Yipuramdhu waŋananydja.