15
Djämdjindhu mirithirrina guḻku'nhana bumara dhawar'maraŋalanydja Bilitjiyapuyŋunha
15:1–20 (Samson killed many of the Philistine people)
1 Ga liŋguna ŋunhiyi walunydja ŋatha‐ŋalwurruŋ'thinyaramirrina, ga ŋulinyaramirriyuna ŋayi waluyu * SamsonDjämdjindja marrtjina balayi nhanukalaŋuwala miyalkkalanydja. Marrtjina ŋayi, bala waŋana miyalkkalaŋuwalana bäpa'mirriŋuwala bitjarra, “Ŋarra ḏukṯuk ŋarrakalaŋuwu miyalkku.”
2 Ga ŋayinydja ŋunhi bäpa'mirriŋunydja nhanŋu ŋurikiyi dhäykawunydja bitjarra waŋana, “Ŋarranydja nhuna birrka'yurruna yanapi nhe ŋaramurrthi yukirri nhanŋu mukthurru, yaka ḏukṯukthi, bala ŋarra wiripuŋuwana ḏarramuwa gathana ŋanya yawungu. Dhuwala wiripunydja gay', nhanŋu gutha'mirriŋunydja, ŋunhi ŋayi balanyara liŋgu ḻatju' dhika dhäyka. Nhenydja yurru dhuwalana märrama.”
3 Yurru ŋayinydja Djämdjindja wirrkina dhika maḏakarritjthina, bala waŋana bitjarrana, “Nhe yawungu ŋarranha mayali'‐wilkthun, ga biyapul nhe ŋarranha mayali'‐wilkthurrunayi. Nhuma dhuwala † PhilistiaBilitjiyapuyŋunydja yätjmirrina, ga ŋarranydja yurru bitjandhi bili yätjkumayi nhumalanha Bilitjiyapuyŋunhanydja.”
4 Bala ŋayi dhawaṯthurrunana marrtjina, bala galkara ŋayi wäyinnha waṯuyinyarana, 300‐nha ŋayi miṯtjinydja märraŋala, yurru wambalnydja ŋunhi walala bulka'‐ḏilkurru. Bala ŋayi ŋunhi walalanha wambalnydja maltja'‐maltjaṉana rrambaŋikuŋalana ḏäpthu'‐ḏapthunmaraŋalanydja, märrma'nha, ga märrma'nha, ga märrma'nha, bitjarra marrtjina bala ḏapthunmaraŋalanydja waŋganylilina. 5 Ga ŋunhimalayinydja wamballilinydja djin'kayŋulilinydja walalaŋgala, ga yaŋara'mirrina gurthana ŋayi ḏap‐ḏapmaraŋala walalaŋgala, bala ŋayi walalanha yänana‐wala yana djuy'yurrunananydja. Ga walalanydja ŋunhi wäyindja walala gundupuŋala bala bitjarra, ga bala bitjarra, wambal‐gurthamirrina walala, bala marrtjina nhäranana ŋunhi ŋathanydja birralinydja warrpam'nha, ga bitjarrayi bili yana borummirrinydja dharpa nhäranayi, raku'‐rakunydhinana.
6 Ga walalanydja Bilitjiyapuyŋunydja wirrkina dhika maḏakarritjthina, bala yana walala marrtjinana, ga bumara rakunyguna ŋunhiyi Djämdjingunydja dhäykanha, ga nhanŋu bäpa'mirriŋunha, ga wäŋanydja ŋunhi walala nhanŋu dhuŋgur'yurrunana.
7 Bala Djämdjindja wirrkina dhika maḏakarritjthina, bala waŋana bitjarrana, “Nhuma Bilitjiyapuyŋuyu walalay ŋarraku bumara dhäykanha, ga ŋarranydja yurru nhumalanhanydja bitjan yana liŋgu buku‐ruŋiyinmarama wirrkina wal'ŋu.” 8 Bala ŋayi bumarana gay' ŋunhi Bilitjiyapuyŋunhanydja wiṯthurrunana dhika, ga ŋuliŋurunydja dhurrwaraŋuru ŋayi marrtjina ŋunhana mathirralilina, ga ŋunhalana ŋayi nhinananydja yukurrana, galki ‡ EtamYetamŋura wäŋaŋura.
9 Ga walala Bilitjiyapuyŋunydja wäŋgaŋala ga ŋayan'‐dharrana bala'mirriwu ŋuriki wäŋawu Yetamgu. 10 Ga wäŋawuy ŋurikiyyinydjayi § JudahDjuda bäpurru' ḏarramu waŋana dhä‐wirrka'yurruna walalanha bitjarra, “Nhäku nhuma yukurra dhuwala ŋayan'‐dharra ŋanapurruŋgunydja?”
Ga walalanydja buku‐ruŋiyinmaraŋala bitjarra, “Ŋunha ŋanapurru dhuwala ḏukṯuk Djämdjingu. Ŋanapurru yurru ŋanyanydja yätjkuma yana, bitjarra ŋayi ŋanapurrunha yätjkuŋala.”
11 Bala walalanydja ŋunhi Djudanydja ḏarramuwurru wäŋgaŋalana guḻku'na dhika mala'mirriŋuna yolŋu'‐yulŋu, wäŋgaŋalanydja walala yukurrana balayi ŋunhimala mathirralili, ga waŋana Djämdjingala bitjarra, “Bilitjiyapuyŋunydja ŋunha ŋanapurruŋgu buŋgawayirri yukurra. Nhäku warray nhe bumaranydja walalanha?”
Ga ŋayinydja waŋana bitjarra, “Walala bumara ŋarraku miyalknha, ga yurruna ŋarranydja bumara walalanhanydja.”
12 Ga walala miṯtjinydja waŋana bitjarra, “Ŋanapurrunydja yurru nhuna dhuwala ḏapthunmaramana, ga wekama walalaŋgalana goŋlili; walala yurru bumana nhuna, ga ŋanapurrunhanydja gonha'yunna.”
Ga Djämdjindja waŋana bitjarra, “Gatjuy, manymak muka. Yurru dhawu'‐nherrala ŋarrakala, märr nhumanydja dhiyaŋunydja walalay yurru yakana ŋarranhanydja buma.”
13 Bala walala waŋana bitjarrana, “Manymak, dhuwalana ŋanapurru yurru nhuna garrwi'yunna dhiyaŋu raki'yuna, ga gäma nhuna yurru, ga wekama ŋurikala walalaŋgala Bilitjiyapuyŋuwalana. Ga ŋanapurruwaynydja yurru yakayi buma nhuna.” Yo, walala ḏälkuŋalanydja yukurrana märrma' wuṉḏaŋarrnydja maṉḏanha dhika raki' maṉḏanha, yuṯana maṉḏanha, bala ḏapmaraŋalanydja ŋanya ŋuriŋiyi raki'yuna. Bala walala ŋanya dhawaṯmaraŋalana ŋuliŋuru mathirraŋurunydja, ga gäŋalana ŋurikala Bilitjiyapuyŋuwalana.
14 Marrtjinanydja walala yukurrana bala dhukarr‐ŋupara, gäŋala marrtjina Djämdjinnha, ga ŋunhi walala marrtjina galkithinanydja ŋunhi bala'‐mäypamirrililina wäŋalili, bala walalanydja nhäŋalana ŋuriŋi Bilitjiyapuyŋuyunydja, yurru walala gundupuŋalana gay', gumurr'yurrunana walalaŋgu, yatjunminana nhinana dhika lili märranharawuna nhanŋu Djämdjingu. Bala ŋayinydja marrtjina Djämdjindja ḏälthinana dhikana, ganydjarr ŋutu'na nhanŋu bunana Garraywuŋuna, yurru ŋayi marrtjina baṉdja maṉḏanha dhanatjthurrunana bitjarrana gay'; bala marrtjina yana rakiny'tja dhunupa gulk‐gulkthurrunana ḏaw'yurrunana.
15 Bala ŋayi Djämdjindhu nhäŋala ŋaraka wäyin duŋ'ki, yurru burumun'puy ŋayi ŋunhi ŋarakanydja. Bala ŋayi baḻapthurrunanydja, märraŋalana ŋunhiyi ŋarakanydja, bala bumarana marrtjina dhawar'maraŋalana 1000‐nhana miṯtjinha ŋuriŋiyina ŋarakayuna, yana liŋgu‐u‐u dhurr'maraŋalana yukurrana ŋunhi Bilitjiyapuyŋunhanydja yolŋu'‐yulŋunha.
16 Bala ŋayi Djämdjindhu yuṯana manikay maḻŋ'maraŋala, bitjarrana ŋayi bark‐barkthurrunanydja gam',
“Dhiyaŋu duŋ'kiwala ŋarakayu ŋarra dhawar'maraŋala bumara 1000‐nha yolŋu'‐yulŋunha,
dhurr'maraŋalana yukurrana waŋganylilina ŋurruklili ŋunhiyi rumbalnydja yolŋu'‐yulŋunha rakunymirrinhanydja.”
17 Ga liŋguna, bala ŋayi ḏupthurrunana ŋunhi ŋarakanydja ŋunhiwalana, ga ŋunhiyi wäŋanydja buku walala nherrara yäkunydja “Dhakal‐ŋaraka.”
18 Ga ŋuliŋurunydja Djämdjin ŋanhdharkthinana, wiṯthurrunana ŋayi dhika ŋanhdharkthinanydja, bala ŋayi Garraywalana wäthurruna, bitjarrana waŋananydja ŋayi, “Ŋarra bumara ŋunhi walalanha miriŋunha nhokala ganydjarryu, ga dhuwalana ŋarra gay rakunydhirrina marrtji ŋanhdharkthinyarayu. Wekaŋa ŋarranha go gapu, märr ŋarranha yurru ŋuruŋunydja ḏarramuyu miriŋuyunydja yakaŋga marrtji ga buma ŋarranha, ŋuriŋinydja ŋunhi walala yaka marŋgi nhuŋu.”
19 Bala yana Garrayyunydja munatha'na ḻurrthunmaraŋala ḻapmaraŋala, bala yana gapuna dhawaṯthurruna dhika, ḻatju'na dhikana ḏarrtjalknha ŋanyana gapu. Ga wurkthurrunana ŋayi yukurrana Djämdjindhu ŋuliŋuru gapunydja, yana liŋgu ga ŋoy‐yal'yurruna.
20 Yo, Djämdjindhu guŋga'yurrunanydja nhanŋuwaynydja miṯtjinha yolŋu'‐yulŋunha * IsraelYitjuralpuyŋunhanydja 20 dhuŋgarranydja ŋupara, yurru mukthurruna yukurrana yana Bilitjiyapuyŋuwala bäpurru'wala ŋunhi wäŋanydja dhärrana goŋŋura yukurrana.