1 Yo, * JehoiakimDjuwakimgunydja gäthu'mirriŋu yakana buŋgawayina ŋunhili nhanukalaŋuwala bäpa'mirriŋuwalanydja dharapulŋura, liŋgu walala ŋunhi ŋurukuyyu † BabylonBapilunbuyŋuyunydja buŋgawakuŋala ‡ ZedekiahDjitakayanhana, § JosiahDjotjayawuna gäthu'mirriŋunha, ŋayina yurru buŋgawa * JudahDjudawuyŋunydja wäŋawu. 2 Yurru walalanydja ŋunhi buŋgawa ga nhanŋu yolŋu'‐yulŋu, yaka warray walalanydja märraŋala dhäruk, ŋunhi nhaltjarra ŋayi Garrayyu dhäruk wekaŋala ŋurikala dhäwu'‐gänharamirriwala † JeremiahDjiramayawalanydja.

3 Ga ŋayinydja ŋunhi buŋgawanydja yana dhäwu' warray djuy'yurruna nhanŋu Djiramayawu, waŋana yukurrana bitjarra warray, “Bukumirriyaŋa ŋanapurruŋgu nhe yurru ŋe! Waŋiya Godnha, märr ŋayi yurru walŋakuma ŋanapurrunha.” 4 Yo, ŋulinyaramirriyunydjayi ŋayinydja ŋuli Djiramayanydja yukurranha marrtjinya birrka'mirrikurru warray wäŋakurru, yaka warray ŋayi ŋunhili ḻoḻuŋura gulŋiyinya yukurranha ŋuli. 5 Ga ŋurukuy Bapilunbuy yolŋu walala miriŋu yukurrana wäŋaraŋala nhinana ḻiw'maraŋala yana ‡ JerusalemDjurutjalamdja ŋunhi wäŋa, ga walala ŋäkula ŋunhi § EgyptYetjippuynydja miriŋu yukurrana marrtjinana lili guŋga'yunarawu * IsraelYitjuralwunydja, bala walala ŋunhi Bapilunbuyŋuyunydja gonha'yurrunana ŋunhiyi wäŋa, bala gundupuŋalana yana‐wala.

6-7 Bala ŋayi Garraynydja waŋanana Djiramayawala bitjarrana, “Ḻakaraŋa ŋuripa buŋgawawa, ŋunhi Yetjippuyŋuyunydja yurru yakana nhumalanha guŋga'yun; yanana walala yurru marrtjina lili yulŋunydja, ga bala walala yurru roŋiyirri balayi. 8 Ga walalanydja yurru ŋunhi Bapilunbuyŋunydja miriŋu roŋiyirriyi lili, bala baḏuwaḏuyunna dhuwala wäŋanhanydja, warrpam'thunna yana dhuŋgur'yundja gurthayuna. 9-10 Nhumanydja guyaŋirri yukurra yanapi walala yurru yaka roŋiyirri lili, yurru yuwalktja walala yurru roŋiyirri, bala baḏuwaḏuyunna dhuwala wäŋanydja.”

11-12 Yo, Bapilunbuyyunydja miriŋuyu gonha'yurrunana Djurutjalamdja wäŋa, liŋgu walala ŋäkula Yetjippuyŋunha miṯtjinha marrtjinyara yukurranhara lili'ŋuwuy, bala ŋarra bini marrtjinya warray yulŋunydja bala ŋarrakalay warray wäŋalili, gumurr‐watjmanna ŋarrakuway gurruṯu'mirrinha walalanha. 13 Yurru ŋuriŋi waŋganydhu ḏarramuyu dhurrwara‐djäkamirriyunydja ŋarranha gulmaraŋala, waŋana bitjarra warray, “Way, nhenydja dhuwala marrtjinana gonha'yurrunana ŋanapurrunhanydja? . . . balayina ŋunha gali'lili walalaŋgalana wapthurruna Bapilunbuyŋuwalana?”

14 Ga ŋarranydja waŋana bitjarra, “Yäw, yaka ŋarra dhuwala wapthurruna walalaŋgala gali'lili.” Ga ŋayinydja ŋunhiyi dhurrwara‐djäkamirrinydja yolŋu yaka ŋarraku märr‐yuwalkthina. 15-16 Bala ŋayi mulkanana ŋarranha, bala gäŋala ŋurru'‐ŋurruŋuwalana, ga walalanydja ŋarraku ŋaramurryinana wirrkina, bala bartjunmaraŋala walala ŋarranha, ga galkara ḻoḻulilina ŋunhana, yurru ŋunhi mirithirrina buku‐munha'na yulŋunydja, bena‐wala ŋunha ŋoyŋurana munatha'ŋura, ga nhinananydja ŋarra yukurrana märr‐weyinŋumirrina ŋunhiliyi yana.

17 Yalalaŋumirrinydja ŋayi ŋunhi buŋgawanydja ŋarraku wäthurrunana, bala ŋayi ŋarranha dhä‐wirrka'yurruna gayulnha wal'ŋu, bitjarrana ŋayi dhä‐wirrka'yurrunanydja, “Way, Garrayyunydja nhokala dhäruk‐wekaŋala muka?” bitjarra.

Ga ŋarranydja waŋana bitjarra, “Yo, bitjarra ŋayi ḻakaraŋalanydja, ‘Ŋunha yurru Bapilunbuyŋunydja miriŋu marrtjina lili, ŋurruthirrina yurru, bala nhenydja yurru walalaŋgalana goŋŋura.’ ”

18 Bala ŋarra dhä‐wirrka'yurruna ŋanya buŋgawanha bitjarra, “Nhäku nhe ŋarranha nherrara dhipalanydja ḻoḻulilinydja? Nhä dhika ŋarra djarrpi'kuŋalanydja djäma? 19 Wanhakana nhuŋu ŋunhi dhäwu'‐ḻakaranhamirrinydja walala, ŋunhi walala ḻakaraŋala bitjarra, ‘Ŋunha Bapilunbuyŋunydja yurru yakana marrtji lili.’ 20 Ŋäka ŋe! Yakana biyapulnydja ŋarranha djuy'yurra balayi ḻoḻulili ŋunha, ŋarra ŋuli bäynha rakunydhi.”

21 Bala walala yakana ŋarranha djuy'yurruna balayinydja, ŋunhinydja wal'ŋu be buku‐munha'lilinydja ŋoylilinydja, yana walala ŋarrakalaŋumirri dhaḻ'yurrunana yulŋunydja, gonydjiŋmirriyaŋalana ŋunhiwala buŋgawawalana wal'ŋu wäŋalili, warraŋullili märr. Ga bitjanana liŋgu walu‐ŋupana walala ŋuli ŋarraku wekanha ŋathanydja ruwaŋga'na, yana liŋgu ga dhawar'yurruna ŋatha ŋunhiyi ŋunhili wäŋaŋura warrpam'thurruna.