1 Kunekke wanjh yimerranj, kaluk nawu worhnang namekke nawu ngeyyoy Akadja [Augustus]. Wanjh ben‑wok‑rayekwong bindi‑ngey‑kurrmeng bininj rowk kure ku-bolkwarlah‑kenh kure kun‑red ngalengarre Rowm [Rome]. 2 (Kune wanjh yimerranj kun-yungki bindi‑ngey‑kurrmeng kure Kiriniya [Quirinius] worhnang kure ka‑bolk‑ngeyyo Djiriya [Syria].)

3 Wanjh bininj rowk birri‑wam bindi‑ngey‑kurrmeng, kaluk bedda birri‑bebbewam kure ku-bolk‑kihkimuk bedberre.

4 Nungka Djodjib bolk-bawong Nadjared [Nazareth] kure Kalili [Galilee] ku-bolk‑kimuk, yawoyh-dolkkang wam kure ngalengarre kun‑red Bedliyem [Bethlehem] kure Djudeya [Judea]. King Deybid [David] ni korroko kumekke kun-red. Namud nuye Djodjib.

5 Nungka Djodjib wanjh wam ngey‑kurrmerrinj. Meri [Mary] bene‑djarrk‑wam ngalu birri‑berrebbom nuye kuk‑dulmuk‑ni.

6-7 Kure Bedliyem [Bethlehem] Djodjib [Joseph], Meri [Mary] minj bene‑ngalkemeninj kun-red bedda minj bene‑yuwirrinj, bene‑wam bene‑yoy kun-red kure mayh kaberrkdi man-me yoy.

Kumekke beneh‑ni wanjh kam-wam ngalengarre bih‑bom wurdyaw kodjyungki dolkang. Bi‑karrmeng ngal-badjan kumekke bi‑rrukkang nungka bi‑wayhkeng, bi‑kurrmeng kodjdjeyoy kure mayh kun-dalk.

8 Minj djarreh rayi, kunekke rerrih kun-kak kam‑wam, wanjh bininj birrim‑bebmeng kure kun‑dalk kun‑red bindi-nahnang bedberre mayh birri‑yoy.

9 Kunekke rerrih andjel [angel] kam‑kang kun‑wok kure kaddum-beh birri‑djaldi. Birri‑nang ben‑wayalhmeng nungka Ngabbard ku-wern kun‑red bedda wanjh birri‑keleminj. 10 Andjel yimeng, “Minj ngurri‑kele. Ngayi nga‑karrme woybukki kun-wok ngudberre ngurri‑djalwern kure ku-bolkwern.

11-12 Bolkki ngal‑yawkyawk kabi‑karrme wurdyaw bininj kumekke kure Bedliyem, kumekke kun‑red kure Deybid [David] djordminj. Ngurri‑ray kumekke ngudda ngurri‑yawan. Nungka birri‑dukkang kun-madj birri‑kurrmeng kayo kure mayh birri‑yoy. Ba ngudda ngurri‑bengkan mane kun-wok ngayi marneyimeng ngudberre woybukki. Namekke na‑kudji ka-re ka-kukmarnbun bininj. Na‑djalkudji Ngabbard bi‑weykang kadberre karri‑djalwern Kaworhnan kadberre.”

13 Kuneng yimeng birri‑wern andjel birri‑woh‑bebmeng kaddum‑beh birri‑di namekke andjel. Birri‑manjbom Kod. Birri‑yimeng, 14 “Bulkkidj karri‑marnedjare Kod nawu kaddum kah‑ni. Ben‑kange‑karrmeng nuye bininj kure birri‑marne‑durrkmirri.”

15 Andjel bindi‑bawong birri‑durndi kaddum. Bininj birri‑marneyimerrinj, “Karri‑re Bedliyem [Bethlehem], karri‑nan Na‑kimuk kan‑bengdayhke kadberre baleh yimeng.”

16 Birri‑dokorrokmeng bindi‑nang ngal-badjan kornkumo wurdyaw yoy kure kun-dalk mayh birri‑yoy. 17 Kaluk bedda bindi‑nang bindi‑wok‑mulewam andjel ben‑marneyimeng namekke wurdyaw.

18 Kaluk, birri‑wern bindi‑bekkang bedda djebed [shepherds] birri‑mulewam. Birri‑wern birri‑djurrkwong. 19 Mary bi‑wok‑karrmeng djebed kure bedda birri‑marneyimeng.

20 Wanjh djebed birri‑durndi kure birri‑nahnang. Kun-kange dorrengh birri‑manjbom Kod birri‑bekkang birri‑nang, wanjh durrkmirri rowk andjel [angel] bindi‑marneyimeng.

21 Bu kun-kodjdje 7 wanjh kam‑wam nungka wurdyaw lakkayenminj. Bedda bene‑ngey‑kurrmeng ‘Jesus’. Manekke kun‑ngey andjel [angel] bi‑yingkih-wong bu ngal-badjan minj bi‑yawkayinj.

22 Wanjh korroko kam‑wam kure Modjidj [Moses] nuye kun-wok wok‑yoy nuye Kaworhnan bu daluk kabirri‑kuk-djirridjburren wurdyaw‑kenh. Wanjh Djodjib [Joseph], Meri [Mary] bene‑kang Jesus kure Djerudjalem [Jerusalem] nungka bene‑wong Kaworhnan kadberre.

23 Wokyoy nuye nawu Kaworhnan, “Binihbininj birri‑yungki bedda wanjh birri‑djamun nungka Kod nuye kornkumo ngal-badjan wanjh kabene‑yawwon”

24 Kun-wok nuye Kaworhnan, ngal-badjan kornkumo kabene‑won priest mayh namak bokenh marlum, ka-bun Kod nuye, bokenh marlum. Bedda bene‑yimeng Meri, Djodjib.

25 Kumekke Djerudjalem [Jerusalem] na‑kudji bininj nawu ngeyyoy Djimeyon [Simeon], na‑mak bininj, Kod nuye man‑karre karrmeng rowk. Mak nungka bi‑djal-madbom Kod kure Yidjrayel [Israel] nuye mawah‑mawah ben‑marnbom. Nawaralmakkaykenh bene‑djarrk‑wam.

26 Korroko bi‑marneyimeng Nawaralmakkaykenh nungka minj ka-rrowen, kabi‑nan werrk Christ nawu Kaworhnan Rowk kan‑berrebom kadberre. 27 Kumekke Nawaralmakkaykenh bi‑kadjuy kure dempel [temple] birri‑di yiwarrudj. Ngal-badjan kornkumo benem‑yaw‑ngihngimeng Jesus na‑ngarrken-ni, bene‑marne-kurduyimeng kure man‑karre yoy, 28 wanjh nungka Djimeyon bi‑wanjbimey, bi‑burlumeng Kod yimeng,

29 “Bolkki Kod ngayi nga‑rrowen nga‑djurrkwon ngayi nga‑kukmononmang kan-berrebbom ngayi. 30 Ngayi nga‑nang ku‑mim ngardduk, ngudda nawu kan‑wong ngadberre nane wurdyaw ngan‑yerrkke ngan‑kangemarnbun ngadberre. 31 Yi‑yingkih‑karre‑marnbom bininj birri‑wok‑buyika rowk ngundi‑kurdunan. 32 Nungka ka-bolk‑wayalhme yiman kun-dung kure birri-wern bininj ku-bolkwern. Nungka ngun‑bukkan ngudberre kun-kerrnge ngudberre ngudda Kod. Ngun-marnbun ngudberre birri‑buyika bininj kabirri-wok‑marrkmang Yidrayel ngurri-mud.”

33 Kornkumo ngal-badjan bedda wanjh bene‑mayahmeng bu Djimeyon yimeng bi‑mulewam Jesus. 34 Djimeyon ben‑marneyimeng, “Nga-djare Kod ngun‑marneyime ngurre-woneng bu kamak.”

Bi‑marneyimeng ngal-badjan, “Kan-bekka, marneyime nane wurdyaw Kod bi‑munkeweng bu bininj kaben‑larlmang, kaben‑marnbun birri‑wern kabirri‑bawon Kod wanjh kabirri‑mayahme. Mak kaben‑marnbun birri‑wern kabirri‑yikan kaben‑yerrkke Kod. Nungka kaben‑bukkan bu Kod kun-ngudj nuye. Birri‑wern kabirri‑wirrihme. 35 Kod bi‑munkeweng nungka kaben-marnbun bininj birri‑wern kabirri‑mayali‑bukkarren.

Ngudda ngal-badjan wanjh yi‑djak-bekkan yiman rerrih man-djawak ngun‑kange-dulubun.”

36 Kaluk mak kumekke ni ngal-kudji ngal-kare ngalu bi‑wokmulewam Kod, ngalu ngeyyoy Ana [Anna], ngalengarre kornkumo ngeyyoy Banyuwel [Phanuel], bedda birri‑mud Adja [Asher]. Ngaleng wanjh kohbanjminj. Bu ngal‑yawkyawk‑ni bene‑marrinj bininj, beneh‑ni bu man-djewk 7, wanjh nungka doweng.

37 Wanjh ngaleng ngalu ngal-bamu-ni munguyh bininj-yak, ngale wanjh kohbanjminj, man-djewk 84 ngalengarre. Ngaleng minj rurrk‑bawoyinj kure dempel [temple], munguyh-munguyh djaldi yiwarrudj bolk-nahnang kure kun-rurrk nuye Kod, benbekad mak ku-kak, man-me bawong bi‑djawam Kod kun‑wern.

38 Kumekke Jesus birrih‑ni ku-rurrk, kunekke rerrih Anna ben‑marne-bebmeng, wanjh bi‑manjbom Kod, bi‑mulewam Jesus, kure bininj birri‑madbom Kod ben‑yerrkkeng bininj nawu birrih‑ni kure Djerudjalem [Jerusalem]. 39 

40 Nawu wurdyaw djordminj, kun-darrkid nuye murrng-rayekminj, kun-mayali dorrengh nuye wernminj Kod bi‑marne-durrkmirri kun-mak nuye.