1 इदुरसाटी नाव बलवानगोळी पायजे कि निर्बलगोळ्द निर्बलतागोळी सहन माळेव, ना कि तान तान इक संतुष्ट माळेव. 2 नाम दा टु हर ऊंद तान मान्ना अन आंदुर्द भलाई इन साटी खुश माळेव ताकी आंदुर्द विश्वास दा उन्नती आगुल. 3 यतिकी मसीह तान तान इक खुश माळीदील, लेकीन ह्यांग शास्त्र दा लिख्सकु आद: “नीन अपमान माळावाळेर्द अपमान नान मा बंदकु बिदाद.” 4 यास मातगोळ पयले टु लिख्सकु आग्याव, अव नाम्द अच शिक्षा अन साटी लिख्सकु आग्याव कि नाव धीरज अदिक शास्त्र अन प्रोत्साहन द्वारा आशा ईटुल. 5 धीरज अदिक शांती अन दाता परमेश्वर नीमी ईद वरदान कोळुल कि मसीह यीशु अन अनुसार आपस दा ऊंद मन ईरी. 6 ताकी नीव ऊंद मन अदिक ऊंद स्वर दा नाम प्रभु यीशु मसीह अन आप्प परमेश्वर उन स्तुति माळी.

7 इदुरसाटी, ह्यांग मसीह परमेश्वर उन महिमा अन साटी नीमी ग्रहण माळ्यान, हांग अच नीव भी आबुर दाबुर इक ग्रहण माळी. 8 इदुरसाटी ना अनतीन कि जो वादागोळ आप्प दादागोळी कोटकु आगीदव अवरी मजबूत माळोर साटी मसीह, परमेश्वर उन सच्चाई इन प्रणाम कोळोर साटी, यहूदी लॉकुर्द सेवक बन्सदुन; 9 अदिक गैरयहूदीगोळ भी दया अन कारण परमेश्वर उन स्तुति माळुल; ह्यांग शास्त्र दा लिख्सकु आद, “इदुरसाटी पुरा राष्ट्र दा नीन धन्यवाद माळाईन, अदिक नीन हेसुर इन भजन हाळाईन.”

10 बाक अंदान,

11 अदिक बाक,

12 अदिक बाक यशायाह अनतान,

13 परमेश्वर जो आशा अन दाता आन नीमी विश्वास माळदुर दा सप्पा प्रकार इन आनन्द अदिक शांती देल परिपुर्ण माळुल, कि पवित्र आत्मा अन सामर्थ्य देल नीम आशा वाळुसतेला होगुल.

14 हे नान वार्टुरा अदिक आकतींगेरा, ना खुद नीम बारा दा सही दा जान्सतीन कि नीव भी खुद अच भलाई देल तुमकु अदिक ईश्वरीय ग्यान देल भरपुर आईर, अदिक आबुर दाबुर इक कल्स सकी. 15 तरी भी ना येल्यारा-येल्यारा याद दिलुसोर साटी नीमी जो हापाळ हिम्मत माळकु चिट्ठी लिख्सदीन. ईद आ अनुग्रह अन कारण आत जो परमेश्वर नानी कोट्टान, 16 कि ना गैरयहूदीगोळ साटी मसीह यीशु उन सेवक आगकु परमेश्वर उन खुशखबरी इन स्यावा याजक उन घाई माळाईन, यदुर देल गैरयहूदीगोळ मान्सी चळुस्कु आगोद, पवित्र आत्मा देल पवित्र बन्सकु ग्रहण माळकु आगुल. 17 इदुरसाटी आ मातगोळ बारा दा जो परमेश्वर उन से संबंध ईटताव, ना मसीह यीशु दा बळाई माळ सकतीन. 18 यतिकी आ मातगोळी बिटकु नानी अदिक यातोदु मात इन बारा दा अनोद हिम्मत हैलेच, जो मसीह गैरयहूदीगोळ हात्‍ती ता अन साटी वचन, अदिक कर्म, 19 अदिक चमत्कारगोळ, अदिक अदभुत क्याल्सागोळ सामर्थ्य देल, अदिक पवित्र आत्मा अन सामर्थ्य देल नांद अच द्वारा माळकु आदव; ईल ताका कि ना यरूशलेम टु ताकोमकु नाकु दी इल्लुरिकुम ताका मसीह अन खुशखबरी इन पुरा पुरा प्रचार माळदीन. 20 लेकीन नान मन इन उमंग आद कि येल येल मसीह अन हेसुर ताकोमकु आगीदील, अदा खुशखबरी केळसाईन ताकी हिंग आगबाळुल कि दुसरा अन पायवा मा मान्ना माळाईन. 21 लेकीन ह्यांग शास्त्र दा लिख्सकु आद हांग अच आगुल, “यारी आऊन खुशखबरी पोहचुसीदील, आंदुर अच नोळ्यार अदिक यार केळीदील आंदुर अच समस्यार.”

22  ✡ १५:२२ रोमियों १:१३इदुर्दा साटी ना नीम हाती बरोर से घळी घळी थाम्सकु ईत्‍तीन. 23 लेकीन ईग ई द्याशगोळ दा नान क्याल्सा अन साटी अदिक जागा ईतीदील, अदिक हापाळ साल टु नानी नीम हाती बरोद लालच आद. 24 इदुरसाटी याग ना स्पेन इक होगाईन रा नीम हाती टु आगतेला होगाईन, यतिकी नानी आशा आद कि आ यात्रा दा नीम से मुलाकात आदीत, अदिक याग नीम से सीकाईन रा नीव नानी येनारा दुर मुंद पोहचुस बुळेतीर. 25  ✡ १५:२५ १ कुरिन्थि १६:१-४लेकीन ईगल्या रा ना परमेश्वर उन लॉकुर्द स्यावा माळोर साटी यरूशलेम इक होगतीन. 26 यतिकी मकिदुनिया अदिक अखाया अन लॉकुरी ईद वळ्लीद हत्‍त कि यरूशलेम इन पवित्र लॉकुर दा निर्धनगोळ साटी येनारा चंदा माळुल. 27  ✡ १५:२७ १ कुरिन्थि ९:११आंदरी वळ्लीद रा हत्‍त, लेकीन आंदुर आंदुर्द कर्जदार भी आर, यतिकी अगर गैरयहूदीगोळ आंदुर्द आत्मिक मातगोळ दा भागी आदुर, रा आंदरी भी उचित आद कि शारीरिक मातगोळ दा आंदुर्द स्यावा माळुल. 28 इदुरसाटी ना ईद क्याल्सा पुरा माळकु अदिक आंदरी ईद भेंट कोटकु नीम हाती टु आगतेला स्पेन इक होगाईन. 29 अदिक ना जान्सतीन कि याग ना नीम हाती बराईन, रा मसीह अन पुरा आर्शिवादगोळ सांगुळ बराईन.

30 हे वार्टुरा अदिक आकतींगेरा, नाम प्रभु यीशु मसीह अन अदिक पवित्र आत्मा अन प्यार इन याद दिलुस्कु ना नीम से विनती माळतीन, कि नान साटी परमेश्वर से प्रार्थना माळदुर दा नान सांगुळ हतकु ईरी 31 कि ना यहूदिया अन अविश्वासी लॉकुर से ऊळ्दकु ईराइन, अदिक नान अद स्यावा जो यरूशलेम इन साटी आद, परमेश्वर उन लॉकुरी पंसद बरूल; 32 अदिक ना परमेश्वर उन इच्छा देल नीम हाती आनन्द इन सांगुळ बंदकु नीम सांगुळ आराम माळाईन. 33 शांती अन परमेश्वर नीम सप्पा मुंदुर सांगुळ ईरूल. आमीन.