1 Aye sa wa suri Uyahudiya wa e Uantakiya, unu bezizi anu tarsa Asere agi ingi daki agbara anu kasi ubuka utanda u Musa unu mada kem me ubura wasere ba. 2 Barki u gbardang umataran a tuburko Bulus, Barnabas nan aye wa haa Ujarusalem ahira adura nan ananu anu tarsa Asere. 3 Anu tarsa Asere wa ka tibi we, wa tarsinFinikiya nan Usamariya wa aki wa buu abanga an desa wa zo we Mayahudawa sa wa kabi tize ta Asere, mu ruba manu tarsa Asere mu rum. 4 Sawa aye Ujarusalem wa kurzo vat ti mum me sa Asere awuza in we, ana kadura kasere, ananu nan anu tarsa Asere wa issi we unu aye. 5 Aye anyimo Amafarisiyawa wa tonno wa gu,” ya cukuno gbas ande sa wa zo we Mayahudawa agbari we”. Wa kuri wa tarsi tize ti Musa. 6 Ana kadura kasere nan annu wa cukuno wa gamiri tizee me. 7 Anyimo ugamara utizee me Bitrus m hiri ma tonno ma gun wee,”Anuhenu in rusa dadatti Ugomo Asere ma zaukam unu guna ande sa wa zoo we Mayahudawa wadi kunna tize tasere anyo am wa kabi tini “. 8 Asere sa arusa iruba ikonde vi, ma kaba we madi nya we bibe biriri kasi haru me”. 9 Daki ma harzinan duru nan wee, ma wuna mu ruba muweme lau, nanu inko iruba. 10 Barki ani me, nyani ya wuna i nyara ibati Asere, unu cira udangdang sa uteki ni kara na coo nan haru, i cani anu tarsa Uyesu. I rusa barki ugomo Asere sa Yesu maninta kem uburaa kasi we me. 11 Irusa barki ugomo Asere sa Yesu mani ta kem uburaa kasi we me. 12 Vat ni gura nanu me ni cukuno tik unu me ni cukuno tik unu kunna Ubarnabas nan Bulus, in nu boo ti mum tibi yau sa Ugomo Asere ma wuza ahiran de sa wa zo we Mayahudawa. 13 Sa wa mara tizee Yakubu ma gu “nihenu kunnan me”. 14 Simon ma tubi u boo uhem me sa Asere awuzi an desa wa zo we Mayahudawa unu tuba, barki niza nimeme. 15 Tizee me ta wuna rep nan tanu kurzozo utize ta sere. 16 Indi kuri uzee in kurzo ani kasi utuba me. 17 Batti ukasu wasu wannu upata ande sa wa zoo we Mayahudawa wa kabi Yesu. 18 U buka ugomo Asere wazigino me sa ma buki datti. 19 U iraa um wazigenne me, ande sa wa kati a bussur we. 20 Caa ti nyertike wen unu guna kati wa ree imum yare ima kiri nan inama sa daki aweki wan mayee. 21 I rusa ati wee tu datti sa ta agiza u cara sassas ati pinpin sassas anyimo ati denge tinigura wa wuza katuma in tizee ti Musa vat uwui uvenke wa asabar. 22 Ya wuu are ana kadura kasere nan nanu vat na anu tarsa Asere wa zauka Yahuda, Barnabas nan Silas wa tono we U think antakiya upata Bulus nan Barnabas. 23 Wa nyertike kadura kani iss ahira anu henu uwe ande sa inzo Ayahudawa, sa wa rani Uantakiya, Suriya nan Kilikiya. 24 Ta kunna agi aye anyimo aruu wa suro sarki urusa uroo in tire tize sa wazin unu carsa ushi murubani. 25 Barki ani me ta ira ya wuna urii ti tummi aye upata u Bulus nan Barnabas ahirabashi me. 26 An desa wa nya ace awe barki katuma ku ugomo Asere Yesu kristi. 27 Ta kuru ta tuma Yahuda nan Silas wa e wa buki shi imum i' inde me. 28 Bibe bi ugomo Asere nan haru ta iraa ya wuna urii kati acani shi imum sa idi aki ni kara nishi. 29 Kati irii nan isii imum be sa barka barki makiri, kati iri binama sa daki aweki bini, kati irii maye. 30 Wa dusa uhana Uantakiya wa ori anu tarsa Asere wa nya we kadura me. 31 Sa wa kunna kadura me wa wuu mu ruba mu rum. 32 Yahuda nan Silas wa nya we tizee sa tidi kinki we akara amuruba. 33 Sa wa wuna tiye nan we wa kuri in na puru arum uka kem ande sa wa tuma we. 34 Silas ma iri ya wuna me uri ma cukuno nan we. 35 Bulus nan Barnabas wa tonno u Antakiya nan aye gbardang wa ri aje anu boo anu tize tu ugomo Asere 36 Sa wa wuna tiye, Bulus ma gun Banabas caa ti tarsi anu me sa ta bezi we tizee tasere ti iri nyanini wa rani anyimo me. 37 Barnabas ma nyari uguna wada dusa me nan Yohana desa atisa me Markus. 38 Bulus magu “ida rizi me ti dusa nan Markus sa maa ceki during u Familiya daki ma ree aje nan haru”. 39 Matara acee awe me wa harzina, Banabas ma ziki Markus wa dusa u hana Sayifurus. 40 Sa anu tarsa Asere wa wuna we birigara, Bulus ma ziki Silas wa dusa. 41 Ma tarsi Suriya nan kilikiya unu kingizi anu tarsa Asere nikara.