1 Yeso masuri u denge Asere, mara anyimo atanu anu tarsa umeme awa e innu be zizzi ume bibara-bara biti denge tuta sa Asere. 2 Bama kabirkawe magu, “Vat ya ira tinii? ka dundure kani in bosh, adi samariri ka apo age me ada cekime nire a sesser anire ba.” 3 Ma ciki ani po nu zaitun anu tarsa ume me wa e ahira ame wagu, “Bukam duru, uya uwui uni adi wuzi anime? nyani idi bezi uguna u ye uwome? nan nu mra unee?” 4 Ba yeso makabirka magu, wuzani seeke katti uye ma witi shi. 5 Barki anu wadi e gbardang anyimo ani za num, wagu we wani Asere, wadi witti anu gbardang. 6 I di kunna tizee tini kono nan bi bobo binin, kati muraba mushime muhiri ba, uwuna anime wacukuno a wuzi daa umara wa aye ba. 7 Anabu wadi hirza anabu, tigomo tidi hirza tgomo. Adi uzi ikomo nan uzuruzuno adi zii ati hira sassas. 8 Ani vat utuba u zitto uni. 9 A' anime wadi witi shi, apatti shi wakuri wa huzzi shi anu vat wadi nyaree shi barki in za num. 10 A' anime anu wadi pilizo abardang, wari inama ya ce'ce wa nyarime ace'ce. 11 Anu kurzuzzo utize tima cuco wadi suri, warangizi anu gbardang. 12 Katuma kaburu kadu wu gben u hem umaro manu uduwu seeke. 13 Adi buri desa ma tonno. 14 Adi wuzi tize titi gomo tazeesere vat anyimo unee ugeme abuki anabu, unee wa aye umara. 15 A' anime inki ya ira kattuma ka zenzen fai kaso, ka gebe sa daniyel unu kurzo uti mabuka, atura me ahira a lau (u nu hira me rusi). 16 Tu, ande sa wa ra ama canga mayahudiyawa sumi uribe anyimo apo. 17 Desa makunna biyau, kati matu u ka ziki udee sa mara akura amme. 18 Dee sa mara uruu cangi ugebtu umee ba. 19 Udee ana tipuru nan nanu cira a hanna uganiya uginome. 20 Wuzani bi ringara kati usum ushime u wui uvenke inni kuzi. 21 Uganiya uginome adi wuzzi i jassi kan, usassana igibe sa nu mansa u wuzame daati utubbu nee u aye ukani me, adaa akuri a wuzi me ba. 22 Bansa a kaska tiye tigino ba, ada'daa kemme de sama game ba. Barki anu zau ka uginome a kaska tiye me. 23 A' anime desa ma gunna shi, ya ira ugomo Asere monno! nani, monno abirko! katti ihemba. 24 Barki ugomo Asere nan nanu kurzuzzo utizee tina cuco wadi suri, wabezi katuma ka dandang ku bari, barki wa hunze ande a zauka inki yawuna. 25 Ta, mabuka shi dibe. 26 A' anime inki wagunan shi, “monno ani ja” katii suriba inka nain waguna, monno anyimo ati hira ti gunzine, kati ihem ba. 27 Gussi umelme azeesere, mel mel ane ani u aye uvana unu udi zi. 28 A hira me sa aush araa ni abmee ani magulluk marsa maka orzino a hira me. 29 Ussuro ijassi ginome, a inpi u wui upeu udaa nya masba. Iwiran ya sesere idi rizizzi, adi zaa rika imumbe sa ira azesere 30 Uganiya uginome uni u' aye uvana unu udi cukkuno, vat alem unee adi shi, wadi iri vana unu ma ezze aniyimo a tiwiri, innu bari nan ni nonzo gbem. 31 Madi tumi ibe ikadura kameme wa hure nihure na so kan, wakuri wa orso me anu ati kira ti nazi nyimo unee. 32 Manzani ahira utiti upuom, ukee u zarika inki nikuzi na aye mamu u tiro. 33 Rusani vat inki ya ira adodu aginome ma aye mamu ini. 34 Ka dundure kani, inboshi uganiya akame sarki uguna imumu igino idi kem. 35 A zesere nan na dizii adi mari, atize tum ni. 36 Baa dee sa marusa u wui nan nu ganiya uginome, nani ibe ikkadure kasere, nani vana senke acoo mani cass. 37 Kasi uwuza uganiya u Nuhu, anee ani idi cukuno u' aye uvana unu udi zi. 38 Waazin nare, innu siza nan tinya, uhana umara ubara uzirigi u Nuhu. 39 Ure uganiya u Nuhu u' e umukkur kawe, anee ani u zee uvana unu udi cukuno. 40 A' anime adi iri ana ware u ruu, azikki unu indai acekki unu indai. 41 Adi iri anu ware intinanzu, azikki u' indai aceki u indai. 42 Ta' cukunoni innu russa, iti shi u wuibe sa ugomo Asere madi e, ba. 43 Agu una kura marusa uganiya sa ukari madi e, madada wuzame moro pit ba. 44 A' anime cukuno ni innu rusa uganiya sa ita shi ba vana unumadi e. 45 A veni unu huma uni riba ubenki, sa una kura ameme manyin zame unnu mare ka re-re. 46 Kadundure, inboshi madi tari me imumbe sama zini. 47 Kadundure, kani inboshi madi tarme imumbe sama zini. 48 Inki urere uginome unu buru mani, maguna iruba ine una kura am maga me u aye dibe. 49 Ba' ma tubi atira aroni ani nonzo umeme, mazin na are in bi sizza sizza. 50 Una kura urere ugino me madi e u wui me sa ma tā meba. 51 Ma warime nipum in nu cobo, ma uyame ukālu ume nan nanu aburu. Madi shi marumazi a nyo.