5
Ri achique rubanic nkutiquer chirij ri man utz ta richin ri roch'ulef
1 Conojel ri niquinimaj chi ri Jesús jari' ri Jun ri takon-pe chucolic rutinamit ri Dios,* Mt. 16:16; 1 Jn. 2:22, 23. eralc'ua'l chic ri Dios.* Jn. 1:12. Y conojel ri nicajo' ri tata'aj, ja jun ri ralc'ua'l nicajo'. 2 Y quire' rubanic niketemaj si kitzij yekajo' ri eralc'ua'l ri Dios: Si can nikajo' rija' y nika'an ri nu'ij ri ru-mandamientos. 3 Roma ri nikajo' ri Dios, quire' rubanic: Nika'an ri nu'ij ri ru-mandamientos.* Jn. 14:15; 2 Jn. 6. Y ri ru-mandamientos, man c'ayef ta chi yeka'an.* Mt. 11:30. 4 Roma conojel ri eralc'ua'l chic ri Dios, yetiquer chirij ri man utz ta richin ri roch'ulef. Y quire' rubanic ri nkutiquer chirij ri man utz ta richin ri roch'ulef: ja chi cukul kac'u'x riq'uin ri Jesucristo.* Jn. 16:33. 5 Y, ¿(achique, achucu'x) c'a ri nitiquer chirij ri man utz ta richin ri roch'ulef? Ja ri niniman chi ri Jesús can Ruc'ajol vi ri Dios.* 1 Co. 15:57.
Ri nuk'alajrisaj ri Lok'olaj Espíritu chirij ri Jesucristo
6 Ri Jesucristo xpe vave' choch'ulef; riq'uin ya' x-an-vi bautizar; y xbin ruquiq'uel* Jn. 19:34. tok xbajix chuvech cruz. Man xe ta x-an bautizar, ja jun ri ruquiq'uel xbin. Y ja ri Lok'olaj Espíritu ni'in chi can kitzij vi chi quiri' xbanataj, roma can richin vi ri Lok'olaj Espíritu chi nu'ij ri kitzij.* Jn. 15:26. 7 Oxi' yek'alajrisan richin ri Jesucristo chicaj. Ri oxi' ri', ja ri Katata' Dios, ri Jun ri achok riq'uin niketemaj-vi ri c'o pa ránima ri Dios, y ri Lok'olaj Espíritu. Y ri oxi' re', xaxe jun.* Dt. 6:4; 1 Co. 12:4-6. 8 Quiri' mismo ri vave' choch'ulef, oxi' yek'alajrisan richin ri Jesucristo. Ri oxi' ri' ja ri Lok'olaj Espíritu, ri ya' ri xcuses richin x-an bautizar ri Jesucristo, y ri ruquiq'uel ri xbin. Ri oxi' re' xa jun quitzij riq'uin ri niquik'alajrisaj. 9 Si roj nikanimaj ri niqui'ij ri vinak vave' choch'ulef, más c'o rakale'n* Jn. 8:18. ri nu'ij ri Dios pa ruvi' ri Ruc'ajol. 10 Ri cukul chic ruc'u'x riq'uin ri Ruc'ajol ri Dios, pa ránima nuna-vi chi can kitzij ri ru'in ri Dios pa ruvi' ri Ruc'ajol.* Jn. 3:33. Jac'a ri man cukul ta ruc'u'x riq'uin ri nu'ij ri Dios, xa nu'on che ri Dios chi tz'ucuy tzij, roma man nunimaj ta ri ru'in pa ruvi' ri Ruc'ajol. 11 Y ri ru'in ri Dios pa ruvi' ri Ruc'ajol, jare': chi ri Dios ruyo'on chike ri c'aslen* Jn. 1:4. ri richin jumul, y ri c'aslen re' niquic'ul ri xa jun cánima niqui'en riq'uin ri Ruc'ajol. 12 Y ri ruc'ulun chic ri Ruc'ajol ri Dios pa ránima,* 1 Jn. 2:24. c'o chic ri c'aslen ri richin jumul riq'uin.* Jn. 5:24. Jac'a ri man ruc'ulun ta ri Ruc'ajol ri Dios pa ránima, manak ri c'aslen ri richin jumul riq'uin.
Ri achique roma xtz'ibes ri vuj re'
13 Rix ri cukul chic ic'u'x riq'uin ri Ruc'ajol ri Dios, nintz'ibaj ronojel re' chive richin nivetemaj chi ri c'aslen* Jn. 20:31; 1 Jn. 1:2. ri richin jumul c'o chic pan ivánima.
14 Nin-ij c'a chive ri achique roma cukul kac'u'x nkujel-apu riq'uin ri Dios.* 1 Jn. 3:21. Roma keteman chi can nkurac'axaj-vi, tok ri nikac'utuj ruc'uan-ri' riq'uin ri nurayij rija'.* Stg. 4:3. 15 Y roma keteman chi ri Dios nkurac'axaj riq'uin xa achique na ri nikac'utuj che, keteman chi can nuya-vi-pe ri achique kac'utun.
16 Si c'o jun nutz'et jun chic ri junan quiniman ri Jesucristo riq'uin, chi najin riq'uin jun mac ri man nuc'uan ta pa camic, tuc'utuj pa ru-cuenta, y ri Dios xtuya' ruc'aslen. Re' xaxe yerumaj ri yetajin riq'uin mac ri man nuc'uan ta pa camic. Roma c'o mac ri nuc'uan pa camic,* Mt. 12:31; Mr. 3:29; Lc. 12:10. y yin man nin-ij ta chi ti'an orar chi ni'an perdonar ri mac ri'. 17 Ronojel ri man choj ta ri yeka'an, can mac vi.* 1 Jn. 3:4. Pero c'o mac ri man nuc'uan ta pa camic.
18 Y keteman chi conojel ri eralc'ua'l chic ri Dios* 1 Jn. 3:9. can man quichin ta vi chi yec'uje' jumul pa mac, xa echajin roma ri Ruc'ajol ri Dios, y ri itzel manak ruk'a' chique.
19 Keteman c'a chi roj richin chic ri Dios. Pero conojel ri c'a benak na cánima riq'uin ri roch'ulef, c'a ec'o na pa ruk'a' ri itzel.
20 Y keteman chi xuka yan ri Ruc'ajol ri Dios choch'ulef y ruyo'on no'oj chike richin xketemaj tzak achique ri'* Lc. 24:45. ri kitzij Dios. Y xa jun kabanon riq'uin ri Dios, y ri' roma xa jun kabanon riq'uin ri Jesucristo ri Ruc'ajol, ri can kitzij vi Dios,* Jn. 17:3. y rajaf ri c'aslen ri richin jumul. 21 Rix ri rix achel ch'utik valc'ua'l, tichajij c'a ivi', man xa tiya' quik'ij tiox.* 1 Co. 10:14. Amén.
*5:1 Mt. 16:16; 1 Jn. 2:22, 23.
*5:1 Jn. 1:12.
*5:3 Jn. 14:15; 2 Jn. 6.
*5:3 Mt. 11:30.
*5:4 Jn. 16:33.
*5:5 1 Co. 15:57.
*5:6 Jn. 19:34.
*5:6 Jn. 15:26.
*5:7 Dt. 6:4; 1 Co. 12:4-6.
*5:9 Jn. 8:18.
*5:10 Jn. 3:33.
*5:11 Jn. 1:4.
*5:12 1 Jn. 2:24.
*5:12 Jn. 5:24.
*5:13 Jn. 20:31; 1 Jn. 1:2.
*5:14 1 Jn. 3:21.
*5:14 Stg. 4:3.
*5:16 Mt. 12:31; Mr. 3:29; Lc. 12:10.
*5:17 1 Jn. 3:4.
*5:18 1 Jn. 3:9.
*5:20 Lc. 24:45.
*5:20 Jn. 17:3.
*5:21 1 Co. 10:14.