4
1 Rix patráon,* Lv. 19:13; Mal. 3:5; Ef. 6:9. can xe c'a ri utz y ri choj tibana' quiq'uin ri isamajela', roma toka' chi'ic'u'x chi rix chuka' c'o jun Ivajaf chila' chicaj.
2 Can benek c'a ruvech tibana' orar,† Lc. 18:1; Ro. 12:12; Ef. 6:18; 1 Ts. 5:17. y q'ues ta ri inojibal tok niben orar. Can jantape' c'a tic'oje' matioxinic iviq'uin. 3 Y tibana' orar koma roj chuka',‡ Ef. 6:19; 2 Ts. 3:1. chi ri Dios nujek ta jun puerta§ 1 Co. 16:9; 2 Co. 2:12. más chikavech richin chi nikatzijoj ri c'a juba' tuk'alajirisaj,* Mt. 13:11; 1 Co. 4:1. chi roma ri Cristo tok yojcolotej. Y chutzijoxic c'a ri' tok xinoc re pa cárcel.† Ef. 6:20; Fil. 1:7. 4 Tic'utuj c'a chire ri Dios chi can jebel ta rubixic ninben tok xtintzijoj ri xuk'alajirisaj ri Dios, can achi'el ta ri ruc'amon chi ninben.
5 Y rix tivetamaj c'a yixbiyin chiquicojol ri vinek ri man quiniman ta ri Cristo.‡ 1 Ts. 4:12. Can ta jebel ri niben y nibij chique ri vinek. Man tiya' k'ij chi choj nic'o ri tiempo.§ Ef. 5:16. 6 Can ta ronojel ri nibij c'o ta rutzil. Can ta achi'el c'o atz'an* Mr. 9:50. riq'uin ri ich'abel richin c'o ruqui'il.† Ec. 10:12. Tibana' c'a queri', richin chi can xe ta c'a ri ruc'amon ri nibij chique conojel ri c'o niquic'utuj chive.‡ 1 P. 3:15.
Ri ruq'uisibel tak ch'abel
7 Ri kach'alal Tíquico xterutzijoj c'a chive ri achique nubanon.§ Ef. 6:21, 22. Rija' jun kach'alal ri janíla ninvajo' y can nuben-vi c'a ri rusamaj ri Ajaf benek-ruvech. Can vachibil vi c'a chupan ri samaj. 8 Y ja rija' ri nintek-el chila' iviq'uin richin nretamaj achique ibanon y richin nucukuba' ic'u'x. 9 Y riq'uin rija' nintek-el chuka' ri kach'alal Onáesimo,* Flm. 10. ri elenek-pe chila' iviq'uin rix. Ri Onáesimo can cukul c'a ruc'u'x riq'uin ri Dios, y yalan ninvajo'. Re ca'i' kach'alal re' xtiquitzijoj c'a chive ronojel ri banatajinek vave'.
10 Ri kach'alal Aristarco,† Hch. 19:29; 20:4; 27:2. ri c'o viq'uin vave' pa cárcel, nutek-el rutzil-ivech. Y que chuka' ri' ri kach'alal Marcos‡ Hch. 15:37; 2 Ti. 4:11. nutek-el rutzil-ivech. Ja rija' ri ruch'itic'ajol ri kach'alal Bernabáe. Y xinbij yan c'a chive chi vi napon chila' iviq'uin, can utz ruc'ulic tibana'. 11 Chuka' nutek-el rutzil-ivech ri kach'alal Jesáus, ri nibix chuka' Justo chire. Re oxi' kach'alal re' e nuvinak israelitas y banon ri circuncisiáon chique.§ Ga. 2:12. Junan yojsamej quiq'uin richin chi e q'uiy ta ri yeniman richin ri Ajaf Jesáus y ye'oc ta pa rajavaren o pa ruk'a' ri Dios. Man jun chic chique ri nuvinak ri nisamej ta viq'uin, xaxe rije', y janíla niquicukuba' nuc'u'x. 12 Ri kach'alal Epafras* Col. 1:7. nutek-el rutzil-ivech. Y rix jebel ivetaman ruvech rija' roma chila' iviq'uin rix petenek-vi, y jun utzilej rusamajel ri Cristo. Rija' riq'uin ronojel ránima nuben orar ivoma. Can jantape' c'a nuc'utuj chire ri Dios chi rix can xticuker ta ic'u'x riq'uin ri Dios,† Fil. 3:15; He. 5:14. chi can ta xtitz'aket ri ic'aslen y can ta xtiben ronojel ri nrajo' ri Dios chi niben. 13 Yin nintz'et c'a chi ri kach'alal Epafras yalan yixruc'uxla'aj, roma ri nuben ivoma rix y coma chuka' ri kach'alal ri ec'o pa tinamit Laodicea‡ Col. 2:1. y ri ec'o pa tinamit Hierápolis. 14 Y chuka' ri kach'alal Lucas nutek-el rutzil-ivech. Rija' jun c'a ak'omanel y yin janíla ninvajo'. Ri kach'alal Demas nutek chuka' el rutzil-ivech.§ Flm. 24.
15 Y rix tibana' utzil tiya' rutzil-quivech ri kach'alal ri ec'o pa tinamit Laodicea. Y tiya' rutzil-ruvech ri kach'alal Ninfas y conojel ri kach'alal ri niquimol-qui'* Ro. 16:5. pa rachoch rija' richin niquiya' ruk'ij ri Dios. 16 Y tok rix isiq'uin chic re carta re' chiquivech ri kach'alal, can tibana' c'a chi tisiq'uix chuka' chiquivech ri kach'alal ri ec'o pa tinamit Laodicea. Y que chuka' ri' ri jun chic carta ri ninben-el chique rije', ninvajo' chi rix nisiq'uij† 1 Ts. 5:27. chuka'. 17 Y tibana' c'a utzil tibij chire ri kach'alal Arquipo‡ Flm. 2. chi yin janíla yiquicot riq'uin, roma rija' nuben ri samaj§ Hch. 1:17; 14:23; 1 Co. 4:1; Ef. 4:11; 1 Ti. 4:6; 2 Ti. 1:6; 2:2. ri yo'on chire roma ri Ajaf, y man tutanaba' c'a rubanic ri samaj ri'.
18 Yin Pablo nintek c'a el rutzil-ivech. Y titz'eta' c'a re ruq'uisibel parte chire re carta re', can riq'uin c'a nuk'a' yin xinben-vi-el. Y man timestaj chi inc'o pa cárcel.* 2 Ti. 1:8; He. 13:3. Ri rutzil ri Dios xtic'oje' ta c'a iviq'uin chi'ivonojel. Que ta c'a ri'.
*4:1 Lv. 19:13; Mal. 3:5; Ef. 6:9.
†4:2 Lc. 18:1; Ro. 12:12; Ef. 6:18; 1 Ts. 5:17.
‡4:3 Ef. 6:19; 2 Ts. 3:1.
§4:3 1 Co. 16:9; 2 Co. 2:12.
*4:3 Mt. 13:11; 1 Co. 4:1.
†4:3 Ef. 6:20; Fil. 1:7.
‡4:5 1 Ts. 4:12.
§4:5 Ef. 5:16.
*4:6 Mr. 9:50.
†4:6 Ec. 10:12.
‡4:6 1 P. 3:15.
§4:7 Ef. 6:21, 22.
*4:9 Flm. 10.
†4:10 Hch. 19:29; 20:4; 27:2.
‡4:10 Hch. 15:37; 2 Ti. 4:11.
§4:11 Ga. 2:12.
*4:12 Col. 1:7.
†4:12 Fil. 3:15; He. 5:14.
‡4:13 Col. 2:1.
§4:14 Flm. 24.
*4:15 Ro. 16:5.
†4:16 1 Ts. 5:27.
‡4:17 Flm. 2.
§4:17 Hch. 1:17; 14:23; 1 Co. 4:1; Ef. 4:11; 1 Ti. 4:6; 2 Ti. 1:6; 2:2.
*4:18 2 Ti. 1:8; He. 13:3.