1 Riyix patrón, can xu (xe wi) c'a ri utz y ri choj tibana'* Lv. 19.13; Mal. 3.5; Ef. 6.9. quiq'ui ri imozos ruma toka chi'ic'u'x chi riyix chuka' c'o jun Iwajaf chila' chicaj.

2 Can ma quixtane' ta chi niben orar,† Lc. 18.1; Ro. 12.12; Ef. 6.18; 1 Ts. 5.17. y kas q'ues ta jabel ri ina'oj tek niben orar, y quixmatioxin chare ri Dios. 3 Y tibana' orar kuma riyoj‡ Ef. 6.19; 2 Ts. 3.1. chuka', chi ri Dios nujek ta puerta§ 1 Co. 16.9; 2 Co. 2.12. chkawech riche (rixin) chi nikatzijoj ri ma can ta k'alajsan pe* Mt. 13.11; 1 Co. 4.1. ojer ca, chi ruma ri Cristo tek yojcolotej. Y chutzijoxic c'a ri' tek yin ya'on pa cárcel.† Ef. 6.20; Fil. 1.7. 4 Tic'utuj c'a chare ri Dios chi can yicowin nk'alajsaj ri ruch'abel, can achi'el ri ruc'amon chi nbij.

5 Y riyix tiwetamaj c'a jabel achique rubanic yixbiyin chiquicojol ri winek ri ma quiniman ta ri Cristo,‡ 1 Ts. 4.12. y can ya ri utz tibana' quiq'ui. Can utz rucusaxic tibana' chare ri tiempo.§ Ef. 5.16. 6 Can ta ronojel ri nibij c'o ta rutzil. Can ta achi'el c'o atz'an* Mr. 9.50. riq'ui ri ich'abel riche (rixin) chi c'o ruqui'il,† Ec. 10.12. riche (rixin) chi queri' tek c'o nic'utux chiwe, iwetaman achique nibij chique quinojel.‡ 1 P. 3.15.

7 Ri kach'alal Tíquico xtiberutzijoj c'a chiwe ronojel ri achique nbanon.§ Ef. 6.21, 22. Riya' jun kach'alal ri sibilaj nwajo', y can ma nitane' ta chi nuben ri rusamaj ri Ajaf. Can wachibil wi c'a chupan ri samaj. 8 Y ya riya' ri ntek el chila' iwuq'ui riche (rixin) chi nretamaj achique ibanon y riche (rixin) chi nucukuba' ic'u'x. 9 Y riya' nrachibilaj el chuka' ri kach'alal Onésimo,* Flm. 10. ri iwinak. Ri Onésimo can cukul c'a ruc'u'x riq'ui ri Dios, y sibilaj nwajo'. Re ca'i' kach'alal re' xtibequitzijoj c'a chiwe ronojel ri banatajnek wawe'.

10 Ri kach'alal Aristarco,† Hch. 19.29; 20.4; 27.2. ri c'o wuq'ui wawe' pa cárcel, nutek c'a el rutzil iwech. Y queri' chuka' ri kach'alal Marcos nutek chuka' el rutzil iwech. Ya riya' ri ruch'itic'ajol ri kach'alal Bernabé. Y xinbij yan c'a chiwe chi wi napon ri Marcos‡ Hch. 15.37; 2 Ti. 4.11. chila' iwuq'ui, can utz c'a ruc'ulic tibana'. 11 Chuka' nutek el rutzil iwech ri kach'alal Jesús, ri nibix chuka' Justo chare. Y chiquicojol ri wech aj Israel xaxu (xaxe wi) re ye oxi' kach'alal re' ri yin quito'on chutzijoxic ri rajawaren ri Dios. Y riye' can niquicukuba' chuka' nuc'u'x. 12 Ri kach'alal Epafras§ Col. 1.7. nutek el rutzil iwech. Y riyix jabel iwetaman ruwech riya' ruma chila' iwuq'ui riyix petenak wi, y jun rusamajel ri Cristo. Riya' riq'ui ronojel ránima nuben orar pan iwi'. Can ma nitane' ta chi nuc'utuj chare ri Dios chi riyix can ta cof yixc'oje' chupan ri icukbel c'u'x riq'ui ri Dios, can ta xtiben ronojel ri nrajo' ri Dios chi niben, y can ta xtitz'aket ri ic'aslen riq'ui ri Dios. 13 Riyin wetaman y ntz'et c'a chi ri kach'alal Epafras sibilaj yixoka chuc'u'x, ruma can nuben orar pan iwi' riyix y pa quiwi' chuka' ri kach'alal ri yec'o pa tinamit Laodicea* Col. 2.1. y ri yec'o pa tinamit Hierápolis. 14 Y chuka' ri kach'alal Lucas nutek el rutzil iwech. Riya' jun c'a ajk'omanel y riyin sibilaj nwajo'. Ri kach'alal Demas† Flm. 24. nutek chuka' el rutzil iwech.

15 Y riyix tibana' utzil tiya' rutzil quiwech ri kach'alal ri yec'o pa tinamit Laodicea. Y tiya' chuka' rutzil ruwech ri kach'alal Ninfas y quinojel ri quiniman chic ri Jesucristo ri nibix iglesia chique ri niquimol qui' pa rachoch‡ Ro. 16.5. riya'. 16 Y tek riyix isiq'uin chic re wuj re' chiquiwech ri kach'alal, can tibana' c'a chi tisiq'uix chuka' chiquiwech ri quiniman chic ri Jesucristo ri nibix iglesia chique ri yec'o pa tinamit Laodicea. Y queri' chuka' ri jun chic wuj ri nben el chique riye', nwajo' chi nisiq'uij§ 1 Ts. 5.27. chuka' riyix. 17 Y tibana' utzil tibij chare ri kach'alal Arquipo* Flm. 22. chi can tubana' ri samaj† Hch. 14.23; 1 Co. 4.1; Ef. 4.11; 2 Ti. 1.6. ri yatajnek chare ruma ri Ajaf.

18 Riyin ri Pablo ntek c'a el rutzil iwech. Y titz'eta' c'a chi can riq'ui c'a nuk'a' riyin xintz'ibaj wi el. Y ma timestaj ta chi yin ya'on pa cárcel.‡ 2 Ti. 1.8; He. 13.3. Ri rutzil ri Dios xtic'oje' ta c'a iwuq'ui chi'iwonojel. Amén.