4
Junan chic kawech ruma ri Jesucristo
1 Rumac'ari', riyin ri Pablo ri yin ya'on pa cárcel ruma ri rubi' ri Ajaf, can nchilabej c'a chiwe chi tic'uaj jun c'aslen achi'el ri ruc'amon chi nic'uaj ruma ya ri Dios* Col. 1.10. ri xsiq'uin (xoyon) iwuche (iwixin) riche (rixin) chi xixoc ralc'ual. 2 Tich'utinirisaj iwi'. Y riq'ui ch'uch'ujil tiwajo' iwi' chi'iwachibil iwi'. Ruma wi can kitzij chi niwajo' iwi',† Ga. 5.22; Col. 3.14. can xticoch'ola' chuka' iwi'. 3 Titija' c'a ik'ij chi can tibana' cuenta iwi' chi can ta junan iwech y man ta jun oyowal chicojol. Y can ya ta c'a ri Lok'olaj Espíritu ri nibano chi can ta junan iwech. 4 Xa jun chic c'a ri kabanon‡ Ro. 12.5. chikach'alal ki' y jun ri Lok'olaj Espíritu ri c'o pa tak kánima. Y riyix can xixsiq'uix (xixoyox) chuka' riche (rixin) chi junan nikoyobej iwuq'ui ri utzil ri xtuben ri Dios kiq'ui. 5 Xa jun c'a ri Kajaf,§ 1 Co. 8.6. xa jun c'a ri kaniman, y xa jun chuka' bautismo banon chake konojel. 6 Xaxu (xaxe wi) jun Dios c'o. Y ya Riya' ri Tata'aj kiche (kixin) konojel. Riya' can c'o pa kawi' konojel, y nisamej pa tak kac'aslen chikonojel, y can c'o chuka' pa tak kánima.
7 Xa yac'a chikajujunal c'o c'a jojun samaj ri yatajnek chake* Ro. 12.6. ruma rutzil ri Cristo y can ya c'a ri Cristo ri nibin ri achique chi samaj ri nuya' pe chake. 8 Rumac'ari', chupan ri ruch'abel ri Dios nubij chrij ri Cristo:
Tek xtzolin el chila' chicaj, ch'aconek chic c'a ca chrij ri itzel y xeruc'uaj ri yec'o pa ruk'a'.
Y yac'ari' tek xuya' rutzil chique ri winek riche (rixin) chi yecowin niquiben jalajoj ruwech samaj.† Sal. 68.18.
Queri' nubij ri ruch'abel ri Dios.
9 Y ruma nubij chi xbe chic chila' chicaj, ntel chi tzij chi xpe chuwech re ruwach'ulef. 10 Ri xpe c'a chuwech re ruwach'ulef xa can ya chuka' ri' ri xtzolin chic el chila' chicaj‡ Lc. 24.51; He. 4.14. ri acuchi (achique) xbec'oje' pa ruwi' ronojel. Queri' xuben riche (rixin) chi queri' can ronojel lugar c'o wi y runojsan ronojel. 11 Can ya wi c'a Riya' ri xya'o ri samaj chique ri winek ri ye nimayon riche (rixin); xuben chique nic'aj chi xe'oc apóstoles; y xuya' chique nic'aj chi xe'oc profetas, y queri' chuka' yec'o nic'aj ri xyatej chique chi yebe chi nej chi nakaj chutzijoxic ri lok'olaj ch'abel ri niya'o colotajic, yec'o ri yeyuk'un quiche (quixin) ri kach'alal y niquic'ut§ 1 Co. 12.28. ri ruch'abel ri Dios. 12 Xeruya' c'a re aj samajel re' riche (rixin) chi can yequito' ri lok'olaj tak kach'alal chuchojmirisaxic ri c'a nrajo' na chare ri quic'aslen, riche (rixin) chi yecowin niquiben ri rusamaj ri Dios, riche (rixin) chi yeq'uiy* 1 Co. 14.26. chupan ri quic'aslen riq'ui ri Dios quinojel ri can ye achi'el chic ruch'acul ri Cristo. 13 Y konojel can junan ta c'a kawech xtikaben,† Col. 2.2. ruma kaniman y ketaman chic ruwech ri Ruc'ajol ri Dios. Y que ta c'a ri' xtibanatej apo c'a ya tek xtibekila' c'a jun c'aslen ri can tz'aket; can achi'el ri ruc'aslen ri Cristo ruma Riya' can tz'aket wi ri ruc'aslen. 14 Y tek tz'aket chic c'a ri kac'aslen, man chic xtikaben ta achi'el niquiben ri ac'ala' chi yebe quela' y yebe quela'.‡ Mt. 11.7. Riyoj ma tikaya' ta k'ij chi yojuc'uex ruma xabachique ruwech tijonic ri man achi'el ta nubij ri ruch'abel ri Dios; y ma kojtzak ta pa quik'a' winek ri xa ma ya ta ri utz niquisamajij, winek ri can c'o quina'oj chubanic riche (rixin) chi yojquik'ol. 15 Xa nic'atzin chi kojbiyin chupan ri kitzij§ 2 Co. 4.2. pero riq'ui ajowabel. Kojq'uiy riq'ui ri kac'aslen riche (rixin) chi nbekila' jun c'aslen ri can tz'aket wi, achi'el ri ruc'aslen ri Cristo. Y ya Riya' ri jolomaj (wi'aj) ri c'o pa kawi' konojel ri kaniman chic. 16 Riq'ui chuka' Riya' nikil wi ri kachuk'a' riche (rixin) chi yojq'uiy. Xa can achi'el nuben ri ruch'acul ri winek, tek ronojel ri ruk'a' raken ye utz y niquitola' qui', can c'o c'a ruchuk'a'. Can queri' wi c'a nikaben riyoj ri xa jun chic kabanon riq'ui ri Cristo. Tek junan kawech konojel y nikaben ri samaj ri ya'on chake chikajujunal, can ntajin c'a yojq'uiy* Col. 2.19. chupan ri kac'aslen riq'ui ri Dios. Queri' nibanatej tek c'o ajowabel kiq'ui.
Ri c'ac'ac' c'aslen ri xuya' ri Cristo
17 Tek rubanon ca, riyix xic'uaj† Ef. 2.2. jun c'aslen achi'el quic'aslen ri nic'aj chic winek ri can ma ye israelitas ta chuka' achi'el riyix ri xa ruyon na'oj ri majun utz nuc'om pe chique, xa yari' ri yequibanala'. Y pa rubi' c'a ri Ajaf nchilabej c'a chiwe chi ma tirayij ta chi niben queri'. 18 Riye' can k'ekumatajnek‡ Ro. 1.21. ri quina'oj. Can k'alaj chi ma quetaman ta ruwech ri Dios§ 1 Ts. 4.5. ruma xa cowirnek ri cánima pa mac.* Is. 44.18. Rumari' ma niquic'ul ta ri c'aslen ri nipe riq'ui ri Dios. 19 Man chic c'a niquina' ta chi mac ri yetajin chubanic;† 1 Ti. 4.2. y yari' tek can riq'ui ronojel cánima niquiben ri etzelal ri sibilaj yeya'o q'uix. Can nic'at wi c'a ri cánima chubanic ronojel ruwech etzelal. 20 Yac'a riyix ma ya ta chi c'aslen ri' ri xiwetamaj riq'ui ri Cristo, 21 wi kas kitzij chi xiwac'axaj ri ruch'abel Riya', y wi kas kitzij chi xixtijox riq'ui ri kitzij‡ Ef. 1.13. ri c'o riq'ui ri Cristo. 22 Tiya' ca ri itzel c'aslen ri xic'uaj§ Ro. 6.6; Ef. 4.17; Col. 3.8. tek rubanon ca, tek c'a ma jane jalatajnek ta ri ic'aslen; tek xa c'a yix k'olotajnek na pa quik'a' ri itzel tak iraybel. Ruma ri c'aslen ri' xa yixrutz'ila'. 23 Y can tijalatej c'a ri iwánima y ri ich'obonic.* Ro. 12.2. 24 Tic'uaj c'a ri c'ac'ac'† Ef. 2.15. c'aslen ri ruya'on ri Dios chiwe; can achi'el tek niwik iwi' riq'ui c'ac'ac' tak tziek; jun c'aslen ri can achi'el c'aslen riche (rixin) ri Dios, ri can kitzij chi choj y ch'ajch'oj.
25 Rumac'ari' tiya' ca ri tz'ucuj tak tzij; y can xaxu (xaxe wi) ri kitzij‡ Ef. 4.15. tibij tek yixtzijon chi'iwachibil iwi'. Ruma xa jun chic kabanon riq'ui ri Cristo.§ Ro. 12.5.
26 Tek c'o jun ruma nipe iwoyowal, man c'a quixtzak ta pa mac.* Sal. 4.4. Y ma tiya' ta k'ij chi c'a c'o na ri iwoyowal tek nika ka ri k'ij. Rajawaxic chi can chanin nichojmirisaj ri oyowal ri'. 27 Ma tiya' ta k'ij chi yixtzak pa ruk'a' ri itzel winek.† Hch. 5.3; Ef. 6.11; Stg. 4.7.
28 Wi c'o jun ri nibano alek' tek rubanon ca; y wacami kach'alal chic, xa can tisamej y ma tuben ta chic alek'. Xa can querucusaj ri ruk'a' riche (rixin) chi nuben jun samaj‡ 1 Ts. 4.11. utz riche (rixin) chi queri' nicowin chuka' yeruto' ri nic'atzin quito'ic.§ Ro. 12.13.
29 Ma tibila' ta itzel tak tzij. Xa can xu (xe) wi c'a ri utz* Mt. 12.34-37; Col. 4.6. ri tibij, ch'abel ri nic'atzin riche (rixin) chi ri ye'ac'axan iwuche (iwixin) yeq'uiy chupan ri quic'aslen riq'ui ri Dios, riche (rixin) chi queri' can c'o utzil nuc'om pe chique. 30 Y ma tiya' ta pa bis† Gn. 6.3, 6; Is. 63.10. ri Lok'olaj Espíritu riche (rixin) ri Dios. Riya' c'o chic pa tak kánima, y yari' retal chi can xkojcolotej wi el chuwech ri mac tek xtapon ri ruk'ijul.
31 Tiq'uis ronojel ri nijaro pa tak iwánima. Ma itzel ta tina' chare jun chic. Ma tic'oje' ta ri oyowal‡ Col. 3.19. pa tak iwánima, ni ma que'ibanala' ta ri xa ma ruc'amon ta ruma ri iwoyowal. Ma tirek ta ichi' tek yixch'o. Tiq'uis chuka' el pa tak iwánima ri raybel chi niben etzelal chique nic'aj chic. 32 Xa can utz ina'oj tibanala' chi'iwachibil iwi'. Tijoyowaj iwech chi'iwachibil iwi', ticuyula' iwi',§ Mt. 6.14; Col. 3.12, 13. can achi'el xuben ri Dios chi xucuy ri kamac riyoj ruma chi xa jun chic kabanon riq'ui ri Cristo.
*4:1 Col. 1.10.
†4:2 Ga. 5.22; Col. 3.14.
‡4:4 Ro. 12.5.
§4:5 1 Co. 8.6.
*4:7 Ro. 12.6.
†4:8 Sal. 68.18.
‡4:10 Lc. 24.51; He. 4.14.
§4:11 1 Co. 12.28.
*4:12 1 Co. 14.26.
†4:13 Col. 2.2.
‡4:14 Mt. 11.7.
§4:15 2 Co. 4.2.
*4:16 Col. 2.19.
†4:17 Ef. 2.2.
‡4:18 Ro. 1.21.
§4:18 1 Ts. 4.5.
*4:18 Is. 44.18.
†4:19 1 Ti. 4.2.
‡4:21 Ef. 1.13.
§4:22 Ro. 6.6; Ef. 4.17; Col. 3.8.
*4:23 Ro. 12.2.
†4:24 Ef. 2.15.
‡4:25 Ef. 4.15.
§4:25 Ro. 12.5.
*4:26 Sal. 4.4.
†4:27 Hch. 5.3; Ef. 6.11; Stg. 4.7.
‡4:28 1 Ts. 4.11.
§4:28 Ro. 12.13.
*4:29 Mt. 12.34-37; Col. 4.6.
†4:30 Gn. 6.3, 6; Is. 63.10.
‡4:31 Col. 3.19.
§4:32 Mt. 6.14; Col. 3.12, 13.