2
Jun nimalaj colotajic
1 Ruma chi ri Ruc'ajol ri Dios más nim ruk'ij* He. 1.6. que chiquiwech ri ángeles, rumac'ari' rajawaxic chi nikatzekelbej ri ruch'abel ri kac'axan riche (rixin) chi ma yoj-el ta el chupan ri kabey. 2 Ruma ri ch'abel ri xtzijox cuma ri ángeles† Hch. 7.53. can kitzij xk'alajin chi c'o rejkalen, y ri winek ri ma xquinimaj ta, y xa xquik'ej ri ley ri', can xka c'a ri ruc'ayewal pa quiwi'. Chiquijujunal xquic'ul ri rutojbalil ri quimac. 3 Queri' c'a chuka' riyoj, ¿achique ta cami rubanic xtikaben chi yojcolotej, wi xa ma nikaya' ta rejkalen ri nimalaj colotajic‡ Is. 45.17; Lc. 1.69. ri xtzijox ca nabey ruma ri Ajaf, y xtzijox chuka' chake cuma ri xe'ac'axan riche (rixin)? 4 Ri Dios can xuc'ut c'a chkawech chi kas kitzij wi ri xquibij ri xetzijon ri ruch'abel chake. Ruma Riya' xuben chique chi xecowin xquiben milagros ri xk'alajsan ri nimalaj ruchuk'a' ri Dios. Y xuben chique chi xecowin xquiben nic'aj chic samaj riq'ui ri ruchuk'a' ri Lok'olaj Espíritu.§ 1 Co. 12.4, 11; Ef. 4.8, 11. Queri' xuben chique chiquijujunal, riche (rixin) chi xecowin xquiben ri samaj ri nrajo' Riya' chi xquiben.
Ri Jesucristo xoc winek achi'el riyoj y xoc Kacolonel
5 Ruma ri ruwach'ulef ri xtic'oje' re chkawech apo ri yojtajin chutzijoxic chiwe; ri Dios ma rubin ta chi pa quik'a' ángeles xtuya' wi, riche (rixin) chi niquik'et tzij pa ruwi',* He. 1.2, 4, 8. ma que ta ri'. 6 Ruma chupan ri ruch'abel ri Dios ri tz'ibatal ca, c'o c'a jun achi ri biyon ca:
Ajaf Dios, ¿achique ta c'a ruc'ojlen ri winek riche (rixin) chi can noka chac'u'x?
¿Y achique ta c'a chuka' ruk'ij ri xa riq'ui winek alaxnek wi, riche (rixin) chi can nanataj pe?† Job 7.17, 18; 15.14; Sal. 8.4.
7 Ri winek xa akasan juba' ruk'ij que chiquiwech ri ángeles.
Pero ma riq'ui wi ri' can xaben chare ri winek chi can c'o ruk'ij ruc'ojlen,
ruma pa ruk'a' riya' aya'on wi ronojel ri cosas ri abanon.
8 Ronojel ri cosas abanon xaya' pa ruk'a' pa raken.
Queri' nubij chupan ri tz'ibatal ca.
Y tek nubij chi ri Dios ronojel xuya' pa ruk'a' ri winek, ntel chi tzij chi can ronojel ruya'on chic pa ruk'a'.‡ 1 Co. 15.27; Ef. 1.22; Fil. 3.21. Pero wacami ma jane nikatz'et ta chi ronojel c'o chic pa ruk'a'. 9 Pero nikatz'et chuka' chi ri Jesús xa majun más ruk'ij xban chare que chiquiwech ri ángeles. Pero xa ma q'uiy ta k'ij ri xban queri' chare, y wacami ya'on chic ruk'ij ruc'ojlen§ Mt. 16.28; Fil. 2.7-9. ruma chi xutij pokonal y ruma chuka' chi xcom.* 2 Co. 5.15; 1 Ti. 2.6; 1 Jn. 2.2. Y ruma c'a ri rutzil ránima ri Dios pa kawi' tek ri Jesús xcom kuma konojel.
10 Yac'a ri Dios ri xbano ronojel. Y ronojel ri xuben Riya', can riche (rixin) chi niquiya' ruk'ij.† Pr. 16.4; Is. 43.21. Y ruma chi ri Dios nrajo' chi can ta ye q'uiy ralc'ual yebe chila' chicaj riq'ui Riya' y nic'oje' c'a quik'ij quic'ojlen, rumari' can ruc'amon c'a chi ri xc'amo pe ri colotajic xuk'axaj tijoj pokonal‡ Lc. 24.46; He. 12.2. riche (rixin) chi queri' tz'aket xuben ri ruc'aslen ri xuc'uaj re wawe' choch'ulef y queri' xk'alajin chi can kitzij chi Colonel. 11 Ruma ri nibano ch'ajch'oj chare ri kac'aslen, can Ruc'ajol wi ri Dios. Y riyoj ri banon chic ch'ajch'oj chare ri kac'aslen, yoj ralc'ual chic ri Dios.§ Ro. 8.29. Rumari' ri Jesús ma niq'uix ta nubij wach'alal* Mt. 28.10; Jn. 20.17. chake. 12 Can achi'el nubij chupan ri ruch'abel ri Dios ri tz'ibatal ca, tek ri Jesús xubij chare ri Dios:
Ajaf Dios, riyin xtintzijoj c'a ri abi' chique ri wach'alal.
Xtinbixaj ri abi' quiq'ui ri niquimol qui' riche (rixin) chi niquiya' ak'ij.† Sal. 22.22.
13 Y nubij chuka':
Riyin cukul nuc'u'x riq'ui ri Dios.‡ Sal. 18.2; Is. 12.2.
Y nubij chuka':
Wawe' yinc'o wi, ye wachibilan ri ye ralc'ual ri Dios ri ye ruya'on ri Dios chuwe,§ Is. 8.18; Jn. 10.29.
nicha'.
14 Y ruma chi riyoj ri yoj ralc'ual chic ri Dios xa yoj winek, c'o kabakil y c'o kaquiq'uel; rumari' ri Jesús xoc chuka' winek achi'el riyoj y xcom riche (rixin) chi xch'acon* Ro. 8.3; 2 Ti. 1.10; 1 Jn. 3.8. chrij ri itzel winek, ri rajawalul ri camic. 15 Ri Jesús xcom chuka' riche (rixin) chi yerucol ri winek ri can ronojel k'ij yec'o pa ruk'a' ri xibinri'il† Lc. 1.74. ruma niquixibij qui' chuwech ri camic.‡ Sal. 33.19. 16 Y kas kitzij wi chi ri Jesús ma xpe ta chiquicolic ri ángeles. Riya' xa can xpe chkacolic riyoj ri yoj riy rumam ca ri Abraham. 17 Rumari' c'o chi xoc winek can achi'el wi riyoj, y can ruc'amon wi chi xoc Nimalaj Sacerdote riche (rixin) chi queri' nujoyowaj kawech.§ He. 4.15, 16; 5.1, 2. Riya' can nuben wi ri samaj ri' chuwech ri Dios riche (rixin) chi nicuyutej y nisachatej ri kil kamac. 18 Queri' nbij chiwe ruma Riya' tek xutij pokonal, y tek xban chare chi xtzak ta pa mac,* He. 4.15, 16. can ma xch'acatej ta. Y rumari' Riya' can nicowin wi yojruto' riyoj tek najowex niban chake chi yojtzak pa mac.
*2:1 He. 1.6.
†2:2 Hch. 7.53.
‡2:3 Is. 45.17; Lc. 1.69.
§2:4 1 Co. 12.4, 11; Ef. 4.8, 11.
*2:5 He. 1.2, 4, 8.
†2:6 Job 7.17, 18; 15.14; Sal. 8.4.
‡2:8 1 Co. 15.27; Ef. 1.22; Fil. 3.21.
§2:9 Mt. 16.28; Fil. 2.7-9.
*2:9 2 Co. 5.15; 1 Ti. 2.6; 1 Jn. 2.2.
†2:10 Pr. 16.4; Is. 43.21.
‡2:10 Lc. 24.46; He. 12.2.
§2:11 Ro. 8.29.
*2:11 Mt. 28.10; Jn. 20.17.
†2:12 Sal. 22.22.
‡2:13 Sal. 18.2; Is. 12.2.
§2:13 Is. 8.18; Jn. 10.29.
*2:14 Ro. 8.3; 2 Ti. 1.10; 1 Jn. 3.8.
†2:15 Lc. 1.74.
‡2:15 Sal. 33.19.
§2:17 He. 4.15, 16; 5.1, 2.
*2:18 He. 4.15, 16.