1 Hermanos, yex re camas yixinjo', man tinimaj✡ Jer 29.8; Mt 24.5. re nubij jun vinak xaxe roma nubij che c'o re Espíritu Santo riq'uin. Can nic'atzin che yex ninojij jabal chin nitamaj vo xa katzij re nubij che ja re Espíritu Santo ya'yon ruch'abal. Roma je q'uiy vinak chach re ruch'ulef ye'bin che ja re ruch'abal re Dios niquitzijoj, y man katzij-ta. 2 Y yex yixtiquir nitamaj vo xa can katzij che c'o re Espíritu Santo chin re Dios quiq'uin, o xa man katzij-ta. Roma vo xa niquibij che re Jesucristo✡ 1 Jn 5.1. xoc ancha'l yoj re yoj vinak, can k'alaj che ja re Espíritu Santo chin re Dios ya'yon quich'abal.✡ 1 Co 12.3. 3 Jac'a vo xa niquibij che re Jesucristo tak xpa vova' chach re ruch'ulef man xoc-ta ancha'l yoj re yoj vinak,✡ 1 Jn 2.22; 2 Jn 7. nik'alajin che mana-ta re Espíritu Santo chin re Dios ya'yon quich'abal, xa ja re espíritu chin re anticristo re ya'yon quich'abal. Jac'a espíritu re' re ic'axan che nipa, y vocame c'o chic chach re ruch'ulef.

4 Yex re can yix ancha'l ch'utak vajc'ual, nimbij chiva che can yix richin chic re Dios, y xixch'acon-yan chiquij re ye'tz'ucu tzij. Roma c'o re Espíritu Santo pa tak ivánma. Y re Espíritu re' c'o más ruchuk'a' que chach re c'o pa tak cánma re vinak re man quiniman-ta re Dios.✡ Jn 12.31; 14.30; 16.11. 5 Re ye'tz'ucu tzij can je richin-va re ruch'ulef.✡ Jn 3.31; 15.19; 17.14. Y mare' re tzij re niquibij, xa rion tzij chin re ruch'ulef. Y conojel re vinak re man quiniman-ta re Dios can nika chiquivach niquic'axaj re niquibij. 6 Jac'a yoj re can yoj richin chic re Dios.✡ Jn 8.47. Y conojel re quitaman chic rach✡ Jn 10.27. re Dios can nika chiquivach re nakabij chique.✡ Jn 18.37. Jac'a re man je richin-ta re Dios man nika-ta✡ Is 8.20. chiquivach re nakabij chique. Y riq'uin re' nik'alajin anchique vinak re c'o re Espíritu Santo riq'uin. Y chuka' nik'alajin re vinak re c'o re espíritu re man katzij-ta riq'uin.

7 Hermanos, yex re camas yixinjo', nimbij chiva che takajo-ki'. Roma re yajovan can riq'uin re Dios pitinak-va. Vo xa yoj yojovan, can k'alaj che yoj rajc'ual chic re Dios, y chuka' kataman rach. 8 Jac'a vo xa man yojovan-ta, nik'alajin che man kataman-ta rach re Dios. Roma re Dios can nijovan-va.✡ Ex 34.6, 7; Sal 36.5; Mi 7.18; 2 Co 13.11. 9 Y re Dios xuc'ut chakavach che can nijovan,✡ 1 Jn 3.16. roma xutak-pa✡ Jn 3.16. re Ruc'ajol chach re ruch'ulef. Y reja' can xe jun Ruc'ajol c'o. Pero re Dios xutak-pa chin xuya' re c'ac'a c'aslen✡ 1 Jn 5.11. chaka. 10 Y can xk'alajin che can xe reja' re katzij nijovan.✡ Tit 3.4. Y can ja re Dios re xojovam-pa nabey,✡ Jn 15.16. mana-ta yoj re xojovan richin nabey. Y roma reja' camas xojrajo', mare' xutak-pa re Ruc'ajol chin xcom koma yoj, chin che nicuyutaj re kamac.

11 Hermanos, yex re camas yixinjo', roma re Dios can quire' rubanon kaq'uin che camas yojrajo', chuka' yoj can takajo-ki'. 12 Roma vo xa nakajo-ki', can k'alaj che re Dios c'o pa tak kánma, astapa' reja' man nitz'et-ta.✡ Ex 33.20; Jn 1.18; 1 Ti 6.16. Y chuka' reja' roma camas nijovan nuban chuka' chaka yoj che camas yojovan. 13 Y chuka' kataman che jun kabanon riq'uin re Dios y reja' c'o pa tak kánma,✡ Jn 14.20. roma ruyi'on re ru-Espíritu Santo chaka. 14 Y yoj can katz'eton re Ruc'ajol re Dios,✡ Jn 1.14. y mare' nakatzijoj chique conojel vinak che can katzij-va che re Karta' Dios xutak-pa re Ruc'ajol chin ye'rucol chach re quimac.✡ Jn 3.17. 15 Y xabanchique vinak nubij✡ Ro 10.9. che ja re Jesús jare' re Ruc'ajol re Dios, can k'alaj che re vinak re' c'o re Dios pa ránma, y chuka' reja' xa jun rubanon riq'uin re Dios.

16 Y re Dios can yojrajo-va. Y yoj chuka' can kaniman reja', y kataman che yojrajo', roma reja' can nijovan-va. Y vo xa yoj yojovan, xa jun kabanon riq'uin re Dios, y reja' c'o pa tak kánma. 17 Y ja reja' re nibano chaka che camas yojovan.✡ 1 Jn 3.19. Y riq'uin re' man xtakaxibij-ta-ki'✡ 1 Jn 2.28. tak xtapon re k'ij tak re Dios xtuban juzgar.✡ Stg 2.13. Man xtakaxibij-ta-ki' re c'a yojc'o chach re ruch'ulef roma kac'uan jun c'aslen ancha'l rubanic re ruc'aslen re Jesucristo. 18 Y vo xa can nakajo' re Dios, man jun anchique roma xtakaxibij-ki' chach.✡ Ro 8.15. Roma vo xa can yojovan, jare' re nibano chaka che man nakaxibij-ta-ki' chach re Dios. Jac'a re nuxibij-ri' chach re Dios, can k'alaj che re ránma man can-ta nijovan, y re' can c'ayef nuban cha.

19 Yoj nakajo' re Dios roma ja reja' re xjovan kachin nabey. 20 Y vo xa nakabij che nakajo' re Dios y xa nakatzelaj jun hermano, man katzij-ta re nakabij.✡ 1 Jn 2.4; 3.17. Roma vo xa man ye'kajo-ta re hermanos re can ye'katz'at, c'alapa' re Dios xtakajo' re man nakatz'at-ta rach. 21 Mare' re Dios ruyi'on can re mandamiento che que'kajo' re hermanos. Y vo xa nakajo' re Dios, can que'kajo' chuka' re hermanos.