1 Ma go diat ra umana king kai ra gunan nina ba ra tarai Israel dia ga ubu diat, ma dia ga kale pa kadia gunan ta ra papar a Iordan maro ta ra papar a keake i vana rikai tana, papa ta ra male Amon, ma i tuk tar ta ra luana Kermon, ma ra tamataman Araba parika ta ra papar a taur: 2 Sikon ra king kai ra tarai Amor, nina i ga ki Kesbon, ma i ga varkurai papa aro Aroer nina i ki ta ra papar a male Amon, ma ra pia na pal i ki livuan ta ra male, tuk tar ta ra tava alir Iabok, a langun kai ra tarai Amon, a papar tai Gilead nam, 3 ma ra tamataman Araba tuk tar ta ra tava kikil Kinerot ta ra papar a taur, ma tuk tar ta ra ta ta ra tamataman Araba, a Ta Mat iat, ta ra papar a taur, ta ra nga i vana uro Bet-Iesimot, ma ta ra papar a taubar tuk tar ta ra bit a lualuana Pisga; 4 ma ra langlangun kai Og ra king Basan, nina i ga ki valili ta ra tarai Repaim, ma i ga ki Astarot ma Edrei, 5 ma i ga varkurai ta ra luana Kermon, ma aro Saleka, ma ta ra gunan Basan par tuk tar ta ra langun kai ra tarai Gesur ma ra tarai Makat, ma ra papar tai Gilead tuk tar ta ra langun kai Sikon ra king Kesbon. 6 Moses ra tultul kai ra Luluai ma ra tarai Israel dia ga ubu diat, ma Moses ra tultul kai ra Luluai i ga tul tar ia ta ra vuna tarai Ruben ma ra vuna tarai Gad ma ra ngungu vuna tarai Manase upi diat a kale pa ia.

7 Ma go diat ra umana king kai ra gunan nina ba Iosua ma ra tarai Israel dia ga ubu diat maro ta ra Iordan ta ra papar a taoai, papa aro Baal-Gad ta ra male kai Lebanon tuk tar ra luana Kalak nina i tutua urama Seir, (ma Iosua i ga tibe tar ia ta ra umana vuna tarai Israel upi diat a kale pa ia da kadia tiniba tikatikai, 8 ta ra lualuana, ta ra umana male, ta ra tamataman Araba, ta ra lavur papar a luana, ta ra bil, ma ta ra papar Negeb, a gunan kai ra tarai Ket, ra tarai Amor, ra tara Kanaan ra tarai Peres, ra tarai Kivi, ma ra tarai Iebus): 9 a king Ieriko, tikai; a king Ai, maravai Betel, tikai; 10 a king Ierusalem, tikai; a king Kebron, tikai; 11 a king Iarmut, tikai; a king Lakis, tikai; 12 a king Eglon, tikai; a king Geser, tikai; 13 a king Debir, tikai; a king Geder, tikai; 14 a king Korma, tikai; a king Arad, tikai; 15 a king Libna, tikai; a king Adulam, tikai; 16 a king Makeda, tikai; a king Betel, tikai; 17 a king Tapua, tikai; a king Keper, tikai; 18 a king Apek, tikai; a king Lasaron, tikai; 19 a king Madon, tikai; a king Kasor, tikai; 20 a king Simron-Meron, tikai; a king Aksap, tikai; 21 a king Tanak, tikai; a king Megido, tikai; 22 a king Kedes, tikai; a king Iokneam aro Karmel, tikai; 23 a king Dor ta ra luana Dor, tikai; a king Goim aro Galilaia, tikai; 24 a king Tirsa, tikai; diat parika, a utul a vinun ma tika na king.