1 U Yesu achovile amambo aga; ahinola amiho gamwene uhuluta hukianya ahachova, “Dada, usehe gufihe uminule umwana navope ahwinole uvewe - 2 kama umpelile uvuvaha hukianya huoni ivia mbile ili avape uludeva ulwa hukianya vala avoni vavo uvapile. 3 Uvu vuvu tamo uwa hukianya uhuta vahumanye uve ve Nguluve vivalueli yuve, mwene nuve usuhile u Yesu Klisiti. 4 Nahuinuile apa pahelunga nuhuye kamelesia embombo iyeuhamile neyevombe. 5 Dada, unyinule leno pamoja nuve vemwene ulueyinulo ulunale nalwo pamoja nuve kabula ya ehelunga uhuvumbiwa. 6 Navavonise ilitawa eli vanu uvuwamile pahelunga vale vanu vaho; lakini wang'abiswe unie vaibete amamenyu gaho. 7 Ululeno vihwelewa uhuta hela henu ehumile hehumile huliuve, 8 humamenyu gala uguvile umile une nevapile vavo amamenyu ago. Vapokhile yelweli vahalumanya uhuta une nihumile huliove vahaminzi uhuta veve usuhile. 9 Nihuvadovela avene. Sanihuva dovela ehelunga bali vala uvuumile uhuva vaho. 10 Ifinu vyoni iviango nifiaho na fiope iviolenavyo uve fiango na yune nihwinoliwa huifio. 11 Une nesimoli tena mhelunga basi avene vuvale helunga nayune ni huicha huliove Dada vevalweli vatunje hulitawa eliaho lela elu umile ufwe ili tuve nu vumoja, kama une nuve umtuvile nuvu moja. 12 Nalitenele navo, navalolelile hutita waelewa mile navalendelile, hakuna umnu atayumo uviayagile isipokuwa umwana uviheyacha ili uvusime vutimele. 13 Ululeno nihwicha huliove ulu leno nichova ili ehelunga hehovohe igati mvene vavo. 14 Nevapile elimenyu liaho ehelunga hevakalalile uhuva avene sio vakelunga, kama une leno nuvunevile sio vakelunga. 15 Sanihuvasaya uhuvahecha mhelunga bali uvalendelele ni mbombo imbivi. 16 Avene sio vahelunga kama une sio nelevahelunga. 17 Uvaveve huvuyelweli huli uve vemwene katika uvuyelweli; elimenyu lwahoni layelweli. 18 Uhasuhile mhelunga nayune nevesuhile mhelunga. 19 Hwa ajili yavene une nihehumia huli uve ili navope vehumie huvuyelweli. 20 Sio ava avanihuva dovela bali navala ava pia vihunyedeha uhugendela mlimenyu elivene, 21 ili vope vave nuvumoja, kama vile uve Dada, kama umovile gati ndiune nihuva dove lauhuta vope vave gati ili ehelunga hepate uhwamini uhuta veveusuhile. 22 Uwinuhe vula uvuumile une - nevapile vavo, ili vave nuvumoja - 23 Une igati mvene navope gati ndiune, ili vaweswe uhukamelesiwa katika uvumoja; ili ehelunga hepate uhwelewa uhuta uve veve usuhile nuhuvagana, kama uhuvagana nduvu nganile, une. 24 Dada, hela ehiumile une - Ninogwa vope vave pamoja nune mahali upunelepo vawese uhumbona uvuvaha wango, vula uvumile: uhuva uve wanganile une sana kula ya uhuvumbiwa ehelunga. 25 Dada venyahaki, ehelunga sahiehumanye uveve, navaeliwe uhuta wasuhile. 26 Nehavombile elitawa lelevehe huliuve nayanivumba lelevehe ili ulugano ulumile une luwesie uhuva igali mvene nayunene vemgati mvene.”