58
God Kena Banungaoro, Mino Mutari, Ari Ekoko Embo Ghamo Baore!
1 Reighi da babojegari ne geka bekáda bekáda vegeraeva, ai?
Ne evetu genembo isambu inonoda ijujeraeva, ai?
2 Tefo! Nenda kotarida mo ari ekoko nanjogo aeteva ava kotise ireva.
Aminguse, kusia bagia reighi eminda ututuse kaera tataya eraeva.
3 Ari ekoko embo ne tini jokáda siroredo buvurutusera, ai tano ghedo kosasa udo refera.
Ne sirorusera, ai tano ghedo, gungubo sise irá gheraera.
4-5 Jingabu da kakaugo ava nenda beka kae aimi beda edo irira.
Avata, ne jo, jingabu mendeni genembo kosimi urureari tamo dedo jo gambae eraera, aminga ava iraeri.
Ne geka ningaego use, sifo ghousa eko use irá gheraera, iji nanjigo jo dababae eraera.* Genembo yarué gefusira, jingabu cobra seraera kotise gefusira. cobra mo evetu genembo mendeni fekuimi fuseari jingabué tamo dedo, nenda uju ava use genembo tofo o evetu genembo dengesida umo eraera, jo gambae eraira.
6 Arie God, gegenembo ekoko setena, raioni (lion) ekoko aikena eraera, aminga ava use,
nenda bekada dika de jojorege. Arie Bajari, raioni fakina kato einda dika jighi sosofughe!
7 Gegenembo amo uvu usoro sagheraira amingo ava use, manje tefo aore!
Kau vive a kikisa emboroda fati jasivi geraera ava, nemokena amingari gaso dae uju erena.
8 Nine aso, ne kau tutubia ambu totoi tive enda jineraira amingari gaore dae uju erena, o kau kokoiya ambari ava siroredo sifo sevo jo gae eraira amingari gaoro dae uju erena.
9 Na uju erena, ne jo itatama ae iroro,
kau vive firirigheoro, gharasa eari, yaurai bu fuseari manjeraira aminga ava,
God janje ekoko edo, ne dari ambore!
10 God ari ekoko embo sifo reda nenda ari ekoda mino futuse, ne dari ambarera amo,
dambu irari emboimi gido, dubo jama ghae vure jasise, ari ekoko emboda ororo yausi gutuse ya foa gharera.
11 Ava gosuse, natofoimi eminge sarera, “Geka bekári, evetu genembo dambugo irá gheraera,
nenda mino sirorari barera. Geka bekári, God amboda enda da evetu genembo ijujarira seraera amo,
beká seraera.”
*58:4-5: Genembo yarué gefusira, jingabu cobra seraera kotise gefusira. cobra mo evetu genembo mendeni fekuimi fuseari jingabué tamo dedo, nenda uju ava use genembo tofo o evetu genembo dengesida umo eraera, jo gambae eraira.