110
Kini (King) Bajari Nune Gategusira, Ava Sonembari Dae Resira.
1 Bajari nu nanda bajari aikena sisira,
“Fu, nanda ungu gimanduda anumbiraso,
ninda gitofu ninda fakina ava gosururoro
ne de bundedo bu foama, ninda ata duruda
fitono fafasaore!”
2 Bajari nune ari, ninda kini (king) edo reighi kaifa eraesa ava tuturo edo,
Saion* Afige, geka eni Saion dae gefusera, tuturo 2:6 duruda tege, garesa! eminda ghe beraraghe ya foa ghururari, ninda gitofuda kini barago nine edo ne kaifa aresa.
3 Ninda gitofude isoro aresa ainda sifoda,
ninda natofo nenda ujuda foa ninda ambo gayarera.
Kau sifoda mungo rurugheraira,
aminga ava ninda gigimasa seka bajari ninda ambo gayari dae,
Doriri Kakara aminda nimo sonembari dae fufuregarera.
4 Bajari, beka gagojuse kotua gatisira,
ava sedo nu jo ighagha ae arira.
“Ni kau Melchizedek avavaga fristi edo,
evovodae amingedo iraresa.”
5 Bajari mo, ninda ungo gimandukenari.
Amboda nunda janje ekoko arira ainda sifoda,
nu kini (king) nanjogo dedo duboda fatarira.
6 Nune oro mendeni ava, ambu dadabaore dae use,
de goroghari isoro vasa ganjimbe fafasarera,
endada kokotofu nune dedo atai duboda fafategarira.
7 Kini (king) emboro tinguda
kareva da uvu ava rise, aimi fakina arira.
Nunda gitofu isambu dedo duboda atai fafategarira.