1 Awooniyeevo atthu apale waatta, Yinsa khuwela va mwaako na khwiikhala. Anakhiyoni awe khususela aphale aariivo, 2 Ye khusala awaasomisa, araka:

11 Ooparikhiyiwa ti mweeyo amana mwittukhaniwaka na olupatthiwa, na wakhula zootakhala empuwaaye khwa mweeyo mwaasa wa miiyo. 12 Mwifurahi na mwitthape, maana tthuvo yenu pinkuuni khuluyeene, maana khwa nanna etthiipo awaalupatthiye manapiyu aviriyeeyo khapula ya mweeyo.

13 “Mweeyo mwa mwiinyu wa olumwenku. Ila amana olikha onyuunya waya, onrutiseleya toovi? Khuniiyana hatha fwayita, woohiiyi wiitthiwa khusala oluwattheliwa pi atthu. 14 Mweeyo mwa nuuru ya olumwenku. Sitati yoojekiwa va mwaako khinvitheya. 15 Khina ankhozaaye khantteya khuttha nyuku. Entthiiwa vahali wawooneyavo yoori ewaamwasikhele atthu apale aniiyaaye nnyupa 16 Nakatalikha nuuru yenu mweeyo yaare vakatthi wa atthu, yoori oone khaazi zenu ansifu Papeenu ariiye pinkuuni.

17 “Mwihuupuwele yoori kateela wiishisa kano za Munsa ama masomi a manapiyu, akaateeliye wiishisa, ila omarisela. 18 Kiniwuuzani khweele yoori: Erivo etthiipi pinku na vathi khina nanna entakhaaye waashikha nenkawu alama yiisheliye ya kano ama nttottonka, mpakha zooshi erettikhane. 19 Wooshi otule anttelaaye okhijilela oruma, hatha nkhama weetta opushuwa, na khuwaanozela akinoko oretta etthiipo, onteela wiitthiwa yoori woopepheya muufwalume wa pinkuuni; ila wakhula otule anshututelaaye na khusomisa oruma waya opu, onteela wiitthiwa yoori nwulweene muufwalume wa pinkuuni. 20 Maana miiyo kiniwuuzani yoori shariya yenu amana ehiziti ya mafwarizeewu na ya anamanozela a kano, hatha vattitthiiru khamwinteela weettamo muufwalume wa pinkuuni.

21 “Mweeyo mwasiila vitthu ooziweeyo amarehemu apapazenu yoori: ‘Mwihuule; wakhula anuulaaye oneekesela ophukiwa.’ 22 Ila miiyo kiniwuuzani yoori wakhula aninkatipukhelaaye ttwiiye oneekesela ophukiwa naye, na wakhula aninttukhanaaye ttwiiye ona ya olawaniwa wa afwalume ophukiwa. Na otule animuuzaaye ttwiiye yoori: ‘nlolo!’ oninsuhi weetta vamoottho wa motthooni. 23 Nakatalikha, amana weettelaka winkha zaakha va alitaari khufikhiri yoori ttwiiyo ona etthu varoho na-weyo, 24 olikhe zaakha yawo va alitaari attaapho, olawe wasiilane na ttwiiyo, nawiisha ote operekhe saana zaakha yawo. 25 Amana ntthu atakha wuulawana onyuupa wa anamaphuka, osiilanane saana ntthu aya oto ntarikhi mweettaka olawa, maana noohijuwi saana weeyo onttela winkheleliwa wa namaphuka, namaphuka awinkhelele wa namweekesela kalapooso na ye aweeselele nkalapooso. 26 Miiyo kiniwuuza khweele yoori khunlaamo ohiripheeni nzurukhu otthuupo onttelaaye wuuziwa.

27 “Mweeyo mwasiila elupiwaka yoori: ‘Ohiraruwe.’ 28 Ila miiyo kiniwuuzani khweele yoori wakhula animweekesaaye muukha na ontakha varoho vawe, anrarusha. 29 Nkhama liisho lawo la phantte ya nkhono nlume lintta wuukosisa, olazemo weesele oje. Afwataali wuupwetheya phantte yawo moote ya mwiili awo zayita mwiili awo wooshi weeseleliwa motthooni. 30 Nkhama nkhono awo nlume ontta wuukosisa, oshije weesele. Afwataali wuupwetheya phantte yawo moote ya mwiili awo woohiiyi mwiili awo wooshi weeseleliwa motthooni.

31 “Yaatikhiwa theenya yoori: ‘Otule animwaashaaye muukhawe ona ya omwinkha talakha.’ 32 Ila miiyo kiniwuuzani yoori wooshi otule animwaashaaye muukhaawe, ehiriwaka etta oraruwa, oniiyana paathuli ya onruma oraruwa, na otule aninralaaye muukha aya otule wa waashiwa ontta onrarusha.

33 “Mweeyo mwasiila etthu ooziweeyo amarehemu apapazenu yoori: ‘Mwihilaphe woovonyeyavo, ila mweettettise olapha mwirettiyeeyo omaasho wa Mbwana.’ 34 Ila miiyo kiniwuuzani yoori: mwihilaphe hatha vattitthiiru wala khwa vitthu za pinkuuni maana khukulu ya Nluku; 35 wala khwa vitthu za vathi maana phi anvumulisaavo moolu awe, wala khwa Yeruzaleemu maana sitati ya Mfwalume nwulu. 36 Wala ohilaphele khwa eeshwa yawo maana weeyo khunwahi olakaza wala oriipisa hatha nyuuli yawo moote. 37 Entosheleza olupa yoori ‘ayo’ amana yiiya ‘ayo’, na ‘wala’ amana yiiya ‘wala’; noozitisa apho enlankha wa Sheethwani.

38 “Mweeyo mwasiila etile elupiwe yoori: ‘Liisho khwa liisho na liino khwa liino.’ 39 Ila miiyo kiniwuuzani yoori: mwihikhanyarele ojiripha khwa atthu apale anuurettelaanini zootakhala. Amana ntthu oopwakula nlaku limote onzukulisele ntthi likina. 40 Amana ntthu atakha wuulawana wa anamaphuka na wuuvula kameza yawo, omwinkhe theenya ajapi yawo. 41 Amana ntthu ookhanyarela othuula lipwattha khwa kiyasi ya phiima alufu moote, othuule phiima alufu piiri.

42 “Amana ntthu oovekela etthu, omwinkhe; ohinnoze enyokonyoko otule anuuvekelaaye omwiipaasha. 43 Mweeyo mwasiila olupiwa yoori: ‘Omphete namwaattamanani awo, omwiine atuwi awo.’ 44 Ila miiyo kiniwuuzani yoori, mwiwaaphete maatuwi enu na mwiwaalompele apale anuulupatthanini, 45 yoori mweeyo mwiretteye wiiya aana a Papeenu ariiye pinkuuni. Maana ye oniwaatthamushela njuwa apale anrettaaye zooshapweya na apale anrettaaye zootakhala. Na oniwenkha vuula anashariya na apale ohitakhi shariya. 46 Amana mwiwaaphetaka apale anuuphetaanini paasi, tthuvo-ni mwiineekeselaaye wiiyana? Anamariphisa lumpuru nayo khanretta etthiipo? 47 Na amana mwiiwaachelisaka maswaahipu paasi, mwinrettani yooziti? Hatha na amalapo anretta etthiipo. 48 Nakataalikha mwiiye atthu khaamili, nkhama etthiipo eyiyeeyo khaamili Papeenu wa pinkuuni.