35
GODUNGKU JACOB BLESSING-BUNGAN BUBUNGU BETHEL
Genesis 35.1-12
1-12 Godungku Jacobanda yalaman, “Bubunguku Bethelbuku dungay baja, yinyaymbaku bunday.” Jana Jacob bubunguku Bethelbuku dungan baja, yinyayda bundan. Yinyaymba Godungku nyungundu yalaman, “Ngayu ngadiku yanyu bubu dajin Abrahamanda, Isaacanda, ngayu yanyu bubu yalarrku dajil yunu, yunuwunbu jawun-karramu yunundumun kaday.”
RACHEL WULAN
Genesis 35.16-19
16-19 Wawu yinyamun jana bubu Bethel bawan. Jana dungan-dunganda, ngawa karrkay burri Benjamin balkajin. Nyulu balkajin, ngamu Rachel wulanda. Jana nyungun nandan juljalba yubaku baralba.
ISAAC WULAN
Genesis 35.27-29
27-29 Jacob nganjananda Isaacanda kadan, townbu Mamre. Isaac wulmanman bajaku, 180 years oldmanda, nyulu wulanda. Nyunguwundu kangkal-bulalangka Esaungku, Jacobangka nyungun nandanda.