1 Kamongome namba dopa langiya. Enda baa akalingi wambo dokome mona reto karapyamopa wakaleko kepo pyuo pelyamoŋo doko baa range deyako pao mona retala puu, langiya. Isaraele wambu dupwame isa girapo jingi kiso isa kanape wasisi anatuŋu lenge dupwa mailyaminyi. Maiminyipako nakama mona reto karo doko suu pyao embame enda doko mona reto karape.

2 Dokona lao nambame enda baa kana kulingi akalisa ipisu kingi paki dee nenge bali jingi kilokerame andete mendaki dee akalisa kingi paki (150) rase bake pakinyamangena kenda dopale maiyuo nyiyu. 3 Nambame baa lamaiyuo, Emba nambana etenge ingyuo petene dokona yuu gii malu mee pisiri, lamaiyu. Emba pamuku yulu pyuo akali wakale mendepape pali nare lamaipala namba dopako piru, leyo. 4 Renge dopale dokome Isaraele wambu dupwa yuu rengyape mende nakamana kiŋi mende kara nara dee akali mupwape mende kara narako. Mena pyao kiso maiyuope mee kana mende wasapala lakandaope pyarepa kana minyuope ama rengyana mendepe koto kanda naramiko. 5 Dokopa enakana Isaraele wambu dupwa dee kamba nakamana Kamongo Anatu doko keta kamba range papala kiŋi Dapitinya para pyao nyeramo doko keta parami. Yuu gii doko eparamo dokopa nakama Kamongo kando baa mupwa lao suu pyao pakame kumuo karapala Anatumi bange keyange mee mairamo dupwa nyuo kararami.