1 Aa le zao o ana’ i borizà nionjoñe boak’ am-pandrohizañeio, amo nasese mb’eoo, amo nasese’ i Nebokadne­tsare mpanjaka’ i Bavele mb’e Bavele mb’eo, ze nimpoly mb’e Ierosalaime naho Iehodào, songa mb’an-drova’e mb’eo; 2 le o nimb’eo nindre amy Zerobabeleo: Iesoa, i Nekemià, i Seraià, i Reelaià, i Mordekay, i Bilsane, i Mispare, i Bigvay, i Rekome, i Baanà. Ty ia’ o nte-Israeleo:

3 O ana’ i Paroseo, ro-arivo-tsi-zato-tsi-fitompolo-ro’amby. 4 O ana’ i Sefatiào, telon-jato-tsi-fitom-polo-ro’amby. 5 O ana’ i Arakeo, fiton-jato-tsi-fitompolo-lim’ amby. 6 O ana’ i Pakate-moabeo, amo ana’ Iesoà naho Ioabeo, ro’arivo-tsi-valon-jato-tsi-folo-ro’amby. 7 O ana’ i Elameo, arivo-tsi-roanjato-tsi-limampolo-efats’ amby. 8 O ana’ i Zatòo, sivanjato-tsi-efapolo-lime amby. 9 O ana’ i Zakaio, fitonjato-tsi-enempolo. 10 O ana’ i Banio, enenjato-tsi-efapolo-ro’amby. 11 O ana’ i Bebaio, enenjato-tsi-roapolo-telo’ amby. 12 O ana’ i Azgadeo, arivo-tsi-roanjato-tsi-roapolo-ro’ amby. 13 O ana’ i Adonikameo, enenjato-tsi-enempolo-eneñ’ amby. 14 O ana’ i Bigvaio, ro’arivo-tsi-limampolo-eneñ’ amby. 15 O ana’ i Adineo, efajato-tsi-limampolo-efats’ amby. 16 O ana’ i Atere nte-Kezekiào, sivampolo-valo’ amby. 17 O ana’ i Betsaio, telonjato-tsi-roapolo-telo’ amby. 18 O ana’ Iorào, zato-tsi-folo-ro’ amby. 19 O ana’ i Kasomeo, roanjato-tsi-roapolo-telo’amby.

20 O ana’ i Gibareo, sivampolo-lim’ amby, 21 O ana’ i Betlekhemeo, zato-tsi-roapolo-telo’ amby. 22 O nte-Netofao, limampolo-eneñ’ amby. 23 O nte-Anatoteo, zato-tsi-roapolo-valo’ amby. 24 O ana’ i Azmaveteo, efapolo-ro’ amby. 25 O ana’ i Kiriate-arimeo, i Kefirè naho i Bierote, fiton-jato-tsi-efapolo-telo’ amby. 26 O ana’ i Rama naho i Gabao, enen-jato-tsi-roapolo-raik’ amby. 27 O nte-Mikmase, zato-tsi-roapolo-ro’ amby. 28 O nte-Betele naho Aio, roanjato-tsi-roapolo-telo’ amby. 29 O ana’ i Neboo, limampolo-ro’ amby. 30 O ana’ i Magbi­seo, zato-tsi-limampolo-eneñ’ amby. 31 O ana’ i Elame raikeo, arivo-tsi-roanjato-tsi-limampolo-efats’ amby. 32 O ana’ i Karimeo, telonjato-tsi-roapolo. 33 O ana’ i Lodeo, Kadide naho i Ono, fitonjato-tsi-roapolo lim’ amby. 34 O ana’ Ierikoo, telonjato-tsi-efapolo’ lim’ amby.

35 O ana’ i Senào, telo-arivo-tsi-enenjato-tsi-telopolo. 36 O mpisoroñeo: o ana’ Iedaià, amy anjomba’ Iesoàio, sivanjato-tsi-fitom-polo-telo’ amby. 37 O ana’ Imereo, arivo-tsi-limampolo-ro’amby. 38 O ana’ i Pasoreo, arivo-tsi-roanjato-tsi-efapolo-fito’ amby. 39 O ana’ i Karimoo, arivo-tsi-folo-fito’ amby. 40 O nte-Levio: o ana’ Iesoa naho i Kadmiele, amo ana’ i Hodaviàoo, fitom-polo-efats’ amby. 41 O mpisaboo: o ana’ i Asafeo, zato-tsi-roapolo-valo’ amby.

42 O ana’ o mpañambeñeoo; o ana’ i Salomeo, o ana’ i Ate­reo, o ana’ i Talmoneo, o ana’ i Akobeo, o ana’ i Hatitào, o ana’ i Sobaio; ie iaby zay zato-tsi-telopolo-sive amby.

43 O mpitoroñe añ’ anjomban’ Añahareo: o ana’ i Tsikhào, o ana’ i Hasofao, o ana’ i Tabaoteo, 44 o ana’ i Keroseo, o ana’ i Siahao, o ana’ i Padoneo, 45 o ana’ i Le­ba­nao, o ana’ i Kagabào, o ana’ i Akobeo, 46 o ana’ i Kagabeo, o ana’ i Salmaeo, o ana’ i Kanàneo, 47 o ana’ i Gideleo, o ana’ i Gahareo, o ana’ i Reaiào, 48 o ana’ i Re­tsineo, o ana’ i Nekodao, o ana’ i Gazameo, 49 o ana’ i Ozao, o ana’ i Pa­seào, o ana’ i Besaio, 50 o ana’ i Asnào, o ana’ i Mehonimeo, o ana’ i Nefosimeo, 51 o ana’ i Bakbokeo, o Kahofào, o ana’ i Karkoreo, 52 o ana’ i Bats­loteo, o ana’ i Mehidao, o ana’ i Karsào, 53 o ana’ i Barkoseo, o ana’ i Siserao, o ana’ i Tamakeo, 54 o ana’ i Netsiakeo, o ana’ i Katifao.

55 O anam-pitoro’ i Selomoo: o ana’ i Sotaio, o ana’ i Sofereteo, o ana’ i Perodao, 56 o ana’ Iaalào, o ana’ i Darkoneo, o ana’ i Gideleo, 57 o ana’ i Sefatiào, o ana’ i Hatileo, o ana’ i Pokerete nte-Tsebaimeo, o ana’ i Amio. 58 O mpitoro’ i kibohoy iabio naho o anam-pitoro’ i Se­lo­moo: telon-jato-tsi-sivampolo-ro’amby.

59 Inao o nionjoñe boak’e Tel-melà, i Tel-harsà, i Kerobe, i Adane vaho Imereo; f’ie tsy nahafiantoñoñe ty anjomban-droae’e naho ty maha-tarira’ Israele iareo. 60 O ana’ i Delaiào, o ana’ i Tobiào, o ana’ i Nekodao, enen-jato-tsi-limampolo-ro’amby.

61 Naho amo anam-pisoroñeo: o ana’ i Kabaiào, o ana’ i Kozeo, o ana’ i Barzilaio; ie nañenga valy amo anak’ ampela’ i Barzilay nte-Giladeo vaho nitokaveñe amy tahina’ iareoy. 62 Pinai’ iareo o famoliliam-piantoño’ iareoo, fe tsy nahaisake; aa le natao ho maleotse vaho nafahañe tsy hitolon-ko mpisoroñe. 63 Le nanao ty hoe am’iereo t’i Tirsatà: Tsy mete mikama amo raha niava-do’eo iereo ampara’ te miongake ty mpisoroñe reketse orime naho tomime. 64 I valobohòke zay le efats’ ale-tsi-ro’ arivo-tsi-telonjato-tsi-enempolo, 65 mbe tovo’ zay o mpitoro’eo naho o anak’ ampata’eo, ie nitontoñe ho fito-arivo-tsi-telonjato-tsi-telopolo-fito’ amby; vaho am’iereo ao ty lahilahy mpi­sabo naho rakemba mpisabo roanjato.

66 O soavala’ iareoo: fitonjato-tsi-telopolo-eneñ’ amby; o borìke-vosi’ iareoo: roanjato-tsi-efapolo-lim’ amby; 67 o rameva’ iareoo: efajato-tsi-telopolo-lim’ amby, o borìke iareoo: eneñ’ arivo-tsi-fitonjato-tsi-roapolo. 68 Tamo talèn-droae niheo mb’añ anjomba’ Iehovà e Ierosalaimeo, ty nanolotse an-tsatrin’ arofo, hampitroarañe i anjomban’ Añaharey an-toe’e eo; 69 tinolo’iereo amy fanontoñam-pitoloñañey an-kalefeañe ty volamena bogady eneñ’ ale-tsi-arivo naho volafoty minà lime-arivo naho sarìmbom-pisoroñe, zato.

70 Aa le nimoneñe amo rova’ iareoo ty ila’ o mpisoroñeo naho o nte-Levio naho ondatio naho o mpi­saboo naho o mpañambeñeo naho o mpitoron-kivohoo; le songa nimoneñe amy rova’ey t’Israele.