1 Ty hoe ty hatao’o amy andro zay :

Mandrenge Azo raho, ry Iehovà fa ndra t’ie niviñera’o,

nivioñe añe ty fitrotrofiaha’o,

mbore nañohòa’o.

2 Toe fandrombahako t’i Andrianañahare;

hiantoke raho le tsy ho hembañe,

fa Ià* Ià: fampiboriañe ty hoe Iehovà, Iehovà ro haozarako naho saboko

ie ro fandrombahañe ahy henaneo† Avo 15:2, Sab 118:14.

3 Aa le an-kaehake ty itariha’ areo o rano migoangoam-pandrombahañeo.

4 Le ty hoe ty hatao’ areo

amy andro zay: andriaño t’Iehovà, kanjio i Tahina’ey;

ampahoniño o kilakila ondatio

o fitoloña’eo,

vaho taroño ty haandikera’ i tahina’ey,

5 Misaboa am’ Iehovà,

ty amo raha fanjaka anoe’eo;

ehe te hene hahaoniñe zay

o an-tane atoio.

6 Mipazapazaha, poñafo ty sabo,

ry nte-Tsioneo,

amy te jabahinake añivo’ areo ao

t’i Masi’ Israele.