ኑ ፆኦዛሢ ካታሞይዳ፥ ዒዛም ዱማዼ ዹካ

ዼጊ ጌዔ ጋላታ ዒዛም ጋላቲንታንዳያ ኮይሳኔ።

ኬዶ ባንፆና ሃኬና ጴዻ ዼጌ ቤዞይዳ ሚዛጳ ፂዮኔ ዹካ

ዼኤፖ ካኣታሢ ካታሞኬ። 48፡2 ማቲ. 5፡35።

ዒዞኮ ጊቲማሢ ማዒፆ ማርካሴኔ።

ዔያታ ዎሊ ዑፃ ዖሎሮ ጎዔኔ።

ዒጊጪያ ጳሽኬኔ።

ዒኢካ ጎጋይቂ ዔያታ ዚኪንቴኔ።

ቴርሴሴ ዓጮኮ ዋኣፆ ካኣሚሎ ሜንሣሢጉዲ

ኔኤኒያ ዔያቶኮ ዎልቆ ላቢሲ ጎቃይሴኔ።

ቢያ ባኮ ዳንዳዓ ጎዳሢ ካታማ ዬኖ ጎይፆ ማዓንቴ

ኑ ዓኣፒና ኑ ዛጌኔ፤

ዒዚ ዬኖ ካታሜሎ

ናንጊና ዶዲሺ ዴይሣንዳኔ።

ኔኤኮ ማኣሪፆ ኑ ማላኔ።

ሱንፃኣ ኔኤኮ ዒማ ጎይፆ ማዔኔ።

ፂዮኔይዳ ናንጋ ዴራ ዎዛዻኔ፤

ዪሁዳ ካታማ ናንጋ ዓሶዋ ዎዛሳኔ።

ዒዞ ዴዒ ካፖ ሴኤሎዋ ፓይዱዋቴ።

ዒዞኮ ዶዶ ኬኤሎ ዲፆዋ ማሊ ጶቂሡዋቴ፤

ዋርዲዮ ቤዞዋ ዛጉዋቴ።

ኑ ፆኦዛሢ ናንጊና ናንጋያኬ፤

ሴካ ቤርቲማኣ ዒ ኑና ዔኪ ዓኣዻንዳኔ» ጌዒኬ።