ናንጊና ናንጋ ጎዳ ታ ናሽካኔ።

ታ ናንጎ ዎዶ ቢያይዳ ታ ዒዛ ባንሢ ዒላታንዳኔ።

ዱኡፖኮ ዒጊቺፃ ታና ሜታሴኔ፤

ዖዪሢንታ ሜቶንታ ታና ባሼኔ።

«ናንጊና ናንጋ ጎዳሢዮ! ታኣኮ ሼምፓሢ

ኔ ዓውሳንዳጉዲ ታ ሺኢቃኔ» ጌዔኔ።

ኑ ፆኦዛሢ ሚጪንታያኬ።

ታኣኒ ሚርጌና ሜታዺ ዓኣንቴ ዒ ታና ዓውሴኔ።

ታ ሼምፔሌ! ኔኤኮ ሃውሾሢ ባንሢ ማዔ።

ዓኣፖዋ ታኣኮ ዓቢሢዳፓ

ቶኮ ታኣኮ ዹቆይዳፓ ዓይሴኔ።

ናንጊና ናንጋ ጎዳ ኮራ ታ ናንጋንዳኔ።

ኔና ጉሙርቂፆ ታ ሃሺባኣሴ። 116፡10 2ቆሮ. 4፡13።

«ዓሲ ቢያ ሉኡዚኬ» ታ ጌዔኔ።

ዎይኖ ዑዦ ዒንጊሢ ማሂ ታ ዒዛም ሺኢሻንዳኔ።

ታ ናኣቤ ናኣቦ ኩንሣንዳኔ።

ናንጊና ናንጋ ጎዳ ቤርታ ቦንቺንቴያኬ።

ታ ኔ ዓይሌሎ ናኣዚ፥ ኔኤም ማዻሢኬ፤

ታኣኮ ቱኡዛፓ ኔ ታና ቡሌኔ።

ሱንፆዋ ኔኤኮ ታ ዔኤላኔ።

ናንጊና ናንጋ ጎዳም ታ ናኣቤ ናኣቦ ኩንሣንዳኔ።

ናንጊና ናንጋ ጎዳ ማኣሮኮ ዓሳ ቡካ ጶኦካ

ዬያ ማዻንዳኔ።