1 Iyan heini menge anak ni David he neetew ziyà te Hebron: Is kinekekayan iyan si Amnon he anak din diyà te ki Ahinoam he tig-Jezreel. Is ikezuwa iyan si Daniel he anak din diyà te ki Abigail he tig-Carmel. 2 Is iketelu iyan si Absalom ne iyan iney zin si Maaca he anak ni Hadì Talmai he hadì te Geshur. Is ikeepat iyan si Adonia ne iyan iney zin si Hagit. 3 Is ikelima iyan si Shefatia ne iyan iney zin si Abital. Ne is ikeenem iyan si Itream ne iyan iney zin si Egla. 4 Heini sikandan is heenem ne ziyà ianak te Hebron, he zutun medhadì si David seled te pitu he tuig wey heenem he vulan.

Midhadì si David diyà te Jerusalem seled te 33 he tuig. 5 Ne iyan heini menge anak din he neetew ziyà: si Shimea, Shobab, Natan, wey Solomon. Heini sikandan is heepat ne anak din diyà te ki Batsheba he anak ni Amiel. 6 Duen pa siyam he menge anak din he iyan si Ibhar, Elishua, Elifelet, 7 Noga, Nefeg, Jafia, 8 Elishama, Eliada, wey Elifelet. 9 Iyan heini sikandan menge anak ni David he menge maama, gawas te zuma pa he menge anak din diyà te zuma pa he menge esawa zin. Duen daan anak ni David he vahi he si Tamar.

10 Iyan heini menge kevuwazan ni Solomon he nehimu he hadì: Rehoboam, Abia, Asa, Jehoshafat, 11 Jehoram, Ahazia, Joash, 12 Amazia, Azaria, Jotam, 13 Ahaz, Hezekia, Manase, 14 Amon, wey Josia.

15 Iyan heini sikandan menge anak ni Josia: is kinekekayan si Johanan, is ikezuwa si Jehoyakim, is iketulu si Zedekia, ne is ikeepat si Shalum. 16 Is nekeilis ki Jehoyakim he hadì ne si Jehoyakin he anak din. Ne is nekeilis ki Jehoyakin ne si Zedekia he anggam din.

17 Iyan heini menge anak ni Jehoyakin he menge maama, te hadì he nevihag pehendiyà te Babilonia: si Shealtiel, 18 Malkiram, Pedaya, Shenazar, Jekamia, Hoshama, wey si Nedabia. 19 Is menge anak ni Pedaya he menge maama iyan si Zerubabel wey si Shimei. Is menge anak ni Zerubabel he menge maama iyan si Meshulam wey si Hanania. Ne is etevey zan ne iyan si Shelomit. 20 Duen pa lelima he menge anak ni Zerubabel he menge maama he iyan si Hashuba, Ohel, Berekia, Hasadia, wey si Jushab Hesed. 21 Is menge anak ni Hanania he menge maama, ne iyan si Pelatia wey Jeshaya. Si Jeshaya ne amey ni Refaya, si Refaya ne amey ni Arnan, si Arnan ne amey ni Obadias, ne si Obadias amey ni Shecania. 22 Ne is menge kevuwazan ni Shecania ne iyan si Shemaya ne is menge anak ni Shemaya ne si Hatush, Igal, Baria, Nearia, wey si Shafat–heenem dan langun. 23 Is menge anak ni Nearia he menge maama, ne iyan si Elionai, Hizkia, wey Azrikam–tetelu zan langun. 24 Is menge anak ni Elionai he menge maama, ne iyan si Hodavia, Eliashib, Pelaya, Akub, Johanan, Delaya, wey si Anani–pitu zan langun.