1 Iyan hein menge anak ni Benjamin he menge maama he ebpuun te kinekekayan pehendiyà te tinengkezan: si Bela, Ashbel, Ahara, 2 Noha, wey si Rafa. 3 Ne is menge anak ni Bela ne si Addar, Gera, Abihud, 4 Abishua, Naaman, Ahoa, 5 Gera, Shefufan, wey si Huram. 6 Is menge kevuwazan ni Ehud, he menge pengulu te menge pemilya zan, impaawà diyà te Geba ne midhalin sikandan diyà te Manahat. 7 Iyan sikandan ensi Naaman, si Ahia, wey si Gera. Si Gera ne amey ni Uza wey ni Ahihub ne iyan nengegalen kandan te edhalin.

8 Midsuwayan ni Shaharaim is menge esawa zin, he iyan si Hushim wey si Baara. Ne ziyà med-ubpà te Moab ne zuen anak din 9 diyà te esawa zin he si Hodesh. Iyan heini menge anak dan he menge maama: si Jobab, Zibia, Mesha, Malcam, 10 Jeuz, Sakia, wey si Mirma. Heini sikandan nehimu he menge pengulu te menge pemilya zan. 11 Duen daan anak ni Shaharaim diyà te esawa zin he si Hushim. Iyan si Abitub wey si Elpaal. 12 Is menge anak ni Elpaal ne iyan si Eber, Misham, Shemed (he iyan midtukud te menge inged he Ono wey Lod, wey te nekepeliǥuy kayi he menge lugar), 13 si Beria wey si Shema. Iyan heini menge pengulu te menge pemilya zan he ziyà ed-ubpà te Ayalon. Ne midsegseg dan is menge meǥinged diyà te Gat. 14-16 Is menge anak ni Beria iyan ensi Ahio, Shashak, Jeremot, Zebadia, Arad, Eder, Micael, Ishpa, wey si Joha.

17-18 Is menge anak ni Elpaal iyan ensi Zebadia, Meshulam, Hizki, Heber, Ishmerai, Izlia, wey si Jobab.

19-21 Is menge anak ni Shimei iyan ensi Jakim, Zicri, Zabdi, Elienai, Ziletai, Eliel, Adaya, Beraya, wey si Shimrat.

22-25 Is menge anak ni Shashak iyan ensi Ishpan, Eber, Eliel, Abdon, Zicri, Hanan, Hanania, Elam, Antotia, Ifdea, wey si Penuel.

26-27 Is menge anak ni Jeroham iyan ensi Shamsherai, Sheharia, Atalia, Jaareshia, Elias, wey si Zicri. 28 Heini sikandan menge pengulu te menge pemilya zan sumalà is diyà te listahan te kevuwazan dan ne ziyè dan med-ubpà te Jerusalem.

29 Si Jiel he amey ni Gibeon ne ziyà med-ubpà te Gibeon. Ne iyan ngazan te esawa zin si Maaca. 30 Is menge anak din he menge maama ebpuun te kinekekayan pehendiyà te tinengkezan ne iyan si Abdon, Zur, Kish, Baal, Ner, Nadab, 31 Gedor, Ahio, Zeker, 32 wey si Miklot (he amey ni Shimea). Ne ziyè dan med-ubpà te uvey te menge kezuzumahi zan diyà te Jerusalem. 33 Si Ner ne amey ni Kish, si Kish ne amey ni Saul, ne si Saul ne amey ni Jonatan, Malkishua, Abinadab, wey si Eshbaal. 34 Is anak ni Jonatan ne si Merib Baal he amey ni Micas. 35 Is menge anak ni Micas iyan ensi Piton, Melec, Tarea, wey si Ahaz. 36 Si Ahaz ne amey ni Jehoada, ne si Jehoada ne amey ni Alemet, Azmavet, wey ni Zimri. Si Zimri ne amey ni Moza, 37 ne si Moza ne amey ni Binea. Is anak ni Binea he iyan si Rafah, ne is anak ni Rafah ne iyan si Eleasa, ne is anak ni Eleasa ne si Azel. 38 Si Azel ne zuen heenem he menge anak din he si Azrikam, Bokeru, Ishmael, Shearia, Obadias, wey si Hanan. 39 Is menge anak te suled ni Azel he si Eshek, ne si Ulam is kinekekayan, ne si Jeush is ikezuwa, ne si Elifelet is iketelu. 40 Utew memevurut is menge anak ni Ulam ne utew metau zaan he ebpemanà. Mezakel is menge anak dan wey menge apù dan su 150 zan langun.

Iyan heini sikandan langun menge kevuwazan ni Benjamin.