1  Nengazen, hentei is edtuǥutan nu he mekeubpàubpà diyà te valey nu?

Hentei is edtuǥutan nu he ebpekeubpà diyà te segradu he vuvungan nu?

2 Is tavak te Nengazen, “Iyan is etew he wazà duen igkesawey wey meupiya is menge ulaula zin.

Tutuu wey tinutuuwà is kegkaǥikaǥi zin.

3 Wazà sikandin mekeulug te kewusa ziyà te zuma,

wey wazà sikandin medhimu wey megkaǥi te mezaat diyà te iring din he etew.

4 Ed-isipen din he wazà pulus te menge etew he kenè ku edewaten,

iyan ebentuǥen din mulà is menge etew he edtahud kediey.

Edtumanen din is pesarig din minsan pa ke egkereǥenan sikandin te kedtumana kayi.

5 Kenè din ibpaanak is selapì he ibpeutang din,

wey kenà sikandin egkeuwit te suhul emun ibpetistiǥus sikandin su wey mehukumi te silut is kenà dait he edsilutan.”

Is etew he iyan heeyan ulaula zin,

ne egkehimu sikandin he layun melig-en

ne kenà sikandin egkewaleng te minsan keenu.