13
Amnon Tama I Lib
1 Deibid natuna Absalom nuna i gan alana Tama, iya ana awa i waisi hot. He sauga etega abwe Amnon yova ya i hebabale. Amnon iya Deibid natuna etega al, yaa hinan getoga.
Amnon i nuwanuwatu nabi yova o kaiwena ge nuwana hot alona nihi mitoyawa. Inoke wana heliyam etega nuwatu etega i liwanan elana ge ni ginol. (puna 2-5)
Amnon i kakawi tage i kasiyebwa. Sauga Deibid i nok i kite, Amnon i awanun Tama ni nem aanan etega ni ginol kaiwena. Yaka Tama i nok ge Amnon matanaa beleid labui i ginolil. Yaa sauga mwahaa i ahe i nok, Amnon i ba gamagalau gegewel al hi tagilan ge i ba Tama aanan ni pwatanik wana lumwa. Yaka Amnon Tama i lib ge sigasiga paganina i ginol elana. Yaka abwe Amnon nige al Tama i yayaliyaya-an inoke i patuna owaowani, yaka Tama totona ana kaliko i kukuleli ge alona wana kahin i nawa egon. (puna 6-19)
Nuna Absalom i baek elana i ba, “Nu, bahi nu wawasa pwapwati, kaiwena iya num. Bahi nu nuwanuwatu kaiwena.” Sauga Deibid wasa i hago, inoke i huga nabi, yaa nige Amnon i lalahe. Yaa Absalom Amnon i pihigelgel-an, nige sauga etega baaba etega i babaunanik elana. (puna 20-22)
Absalom Amnon I Lopaaliga
Baliman labui i mowasi, Absalom wana sipi pupunoliya wana totuwalali hi tomwatomwa un Ipileimi wali siga labenaa, yaka Absalom kin natunau gegewel i awanunil tuwalali o ana yaliyaya etega elana. Inoke i na Deibid elana ge i papatalam lawalawakik, yaka abwe Deibid Amnon alonau kin natunau gegewel al i patunal avaliya Absalom hi nok. (puna 23-27)
Yaliyaya o gamwanaa, inoke Absalom i ba wana totuwalali Amnon hi lopaaliga. Yaka Deibid natunau gegewel al, hi lou ge hi sikal Yelusalema. (puna 28-36)
37 He Absalom i lou i na i minaa tubuna Talmai panuwa Gesul wali kin elana, iya Amihud natuna. Yaa lan hi gewi Deibid i lolonuwanak natuna kaiwena.
Yowab Absalom I En Pasikal Yelusalema
38 Sauga Absalom i lou i na Gesul, yaka baliman eton i miminaa to. 39 He kin Deibid wana lonuwanak i so ge i yaliyaya al, yaka amnana gegewena te Absalom ni kite.