1 Lauegu lauma e,

Lohiabada do oi hanamoa.

Lauegu lalona e,

Lohiabada ena ladana helagana do oi hanamoa.

2 Lauegu lauma e,

Lohiabada do oi hanamoa.

Iena hariharibada ibounai do oi laloaboio lasi.

3 Ia ese egu kara dika ibounai ia gwauatao noho.

Ia ese egu gorere ibounai dekena amo lau ia hamauria noho.

4 Lauegu mauri be mase ena guri dekena amo,

Lohiabada ese ia hamauria noho.

Ia ese lalokau bona bogahisihisi lau dekenai ia henia noho.

5 Lauegu mauri be gau namodia dekena amo ia ubua noho.

Unai dainai egu eregabe be ia matamata lou,

ugava manu ena goada bamona.

6 Dagedage taudia ese idia hadikaia taudia,

be Dirava ese ia durudia noho,

bona mai kara maoromaoro bona laloa maoromaoro danu,

ia ese edia kota do ia karaia.

7 Lohiabada ese iena dala Mose dekenai ia hadibaia,

bona iena kara danu,

be Lohiabada ese Israela taudia dekenai ia hedinaraia.

8 Lohiabada be mai ena bogahisihisi, bona mai ena hariharibada.

Ia ese iena badu ia hakerua noho.

Iena lalokau bona bogahisihisi be bada herea.

9 Ia ese ita do ia gwau henia hanaihanai lasi.

Iena badu be hanaihanai do ia noho lasi.

10 Iseda kara dika ena bada hegeregerena davana ia henia lasi.

Ita ese kara dika momo ita karaia vadaeni,

bona Dirava ese kerere davana bada herea ia henia diba,

to unai bamona ia karaia lasi.

11 Dirava ese ia dekenai idia gari taudia,

be ia lalokau henia momokani.

Iena lalokau idia dekenai be bada herea,

hegeregere guba be tanobada ena ataiai daudau herea ia noho bamona.

12 Dina ia daekau kahana,

bona dina ia diho kahana be daudau herea.

Unai daudauna hegeregerena be Dirava ese,

iseda kara dika ita dekena amo ia kokidia lao vadaeni.

13 Tamana taudia be edia natuna dekenai idia bogahisihisi noho.

Inai bamona danu Lohiabada ese,

ia dekenai idia gari taudia ia bogahisihisi henidia noho.

14 Dirava ia diba,

ita be tanobada ena kahu dekena amo ita ia karaia.

Bona ita dekenai ia laloa noho, ita be kahu sibona.

15 Iseda mauri tanobada dekenai be kwadogi momokani,

rei bamona.

Ita be au ena herahera bamona nega sisina sibona ita noho,

vadaeni ita mase.

16 Lai ese unai herahera ia hodaia lao,

vadaeni ia boio,

bona taunimanima idia itaia lou lasi.

17 To Lohiabada idia gari henia taudia,

be Lohiabada ese do ia bogahisihisi henidia hanaihanai,

bona ia dekenai idia gari taudia edia natudia bona tubudia,

be Lohiabada ese do ia hanamodia momokani.

18 Bona bema Lohiabada ena gwauhamata taravatuna,

be idia badinaia bona matauraia,

bona iena taravatu ibounai bema idia kamonai henia,

mai edia momokani danu,

ia ese idia do ia gwauraia maoromaoro taudia.

19 Lohiabada be guba ena King momokani,

bona ia be taunimanima, aneru, bona gau ibounai edia biaguna.

20 Lohiabada ena aneru ibounai e,

umui be mai emui goada badana.

Umui ese Lohiabada ena hereva umui badinaia noho,

bona emui taiana umui kehoa noho Lohiabada ena hereva dekenai.

Lohiabada ena ladana do umui hanamoa bada.

21 Lohiabada ena hesiai taudia,

guba dekenai umui noho, bona Lohiabada ena ura umui karaia noho.

Umui ese Lohiabada ena ladana do umui abia isi.

22 Lohiabada ese ia karaia gaudia ibounai,

ia ese ia biagua gabu ibounai dekenai umui noho,

Lohiabada ena ladana do umui hanamoa bada.

Egu lauma e,

Lohiabada do oi hanamoa bada!