3
Koisuok Lamkakei ngai
1 Hiwahi akadik chongril kha eii, miring inkhat in Koisuok karoon a-ezoot inchu, ama'n akathathei chuon imanuom kha eii. 2 Kathamak noonkuung kaboi mi'n Koisuok karoon esik eii, ama kha numeisa inkhatbit ruothar esik, inlermak, malung insurthei, * 3:2: numeisa inkhatbit kanei, woikhatbit inkanei esik eii.omchan katha, khuolmi kadonthei, halli kaminchuthei ah esik, Tit 1:6-9
3 ama kha juinrui emakli karaangraat etheinuni, takkha minriang kanei khat-um malung kadai esik eii, halli sial kamanuom um ethei nuni; 4 ama'n a-insuungkhur katha tak ah karoon mator halli asa ngai'n amadiang chongkajui tak-ah kayana kaminnei mator esik eii. 5 Tichu a-insuungkhur katha ah karoon matormak mi'n angtho thoa Pathian koisuok kha karoon mator eniame? 6 Ama'n ngamna ah kachang inkhat esik eii, kha e-inchu ama in-orna kha honglok nunijei halli Seitan angnga chongtanna mununu jei. 7 Ama kha koisuok ka-emak mi ngai innum inkaya mi ah esik eii, khawa e-inchu ama kha injakna mununi khat-um Seitan chaangnga inkhit nunijei.
Biak-inna Deacon ngai
8 Koisuok Deacon ngai'n omchan katha khat-um malung inthiang in esik, halli theibomju kha katamma ka-inmak emakli sialsumma mahaam kalian emaru, 9 Inmani'n inthuuk tak-ah kadik ka eii innaleimalarpi inngamna kha kase katha jetna malung khan inthiangnga inmahuum sik eii. 10 Inmani ngaikha mansakhet ah ni-encheen masasik eii, halli inmani'n rahoi kasuok in-e-inchu deacon chuonkha thorasu. 11 Han inmani numei ngai† 3:11: Inmani numei ngai; emakli Numei insappui sik. kha um akatha khangchan in esik khat-um mi karilthai echa mak; inmani'n angrakip ah malung insurthei khat-um malung inthiang mi in-esik eii. 12 Koisuok Deacon ngai'n numeisa inkhatbit kanei in-esik,‡ 3:12: Numei inkhat bit omsik: woikhatbit innei sik eii. halli asa ngaili a-inn suungkhur katha ah waikaroon mator in esik eii. 13 Deacon chuonna katha-ah katho inmanikha mi ngai'n kayana inneisik eii, halli Christa Jisu diang inngamna jarkha inmani'n kachi omleiya inrilsuok mator.
Kalok Chongthup
14 Hiwa cheiihi nangdiang kimajia le inruoiya kei'n nakoolla innoottheiya heiwali inmuna sik-ah kangaidon. 15 Takkha kei'n kajuo inmo inchu, Pathian inna angkachang omchanna ningleeng sikme tihi jetnasik-ah hiwa cheii hin kamajia jei, khawa khachu karing Pathian koisuok in-eii, eini sik-ah kachou khat-um kadik kanadeipi sik-ah eii. 16 Khat-um atuteii in hituk inthuuk eini Pathian sinadan hi zootmak thonunu:
Ama'n manmasi taksa ah ajuo inlar,
Ratha innum akadik eii tikha amalar,§ 3:16: Ratha in adik eii tia amalar halli ratha omchanna um kadik eii tia amalar.
marwaan tirton ngai innum inmu.
Ama kha zaat rakipdiang inrilsuok,
nuoipilchung mi ngai'n inngamna jei,
halli marwaan tiang inruoijei.