10
1 Bhai khan, moi laga monte itcha aru taikhan nimite Isor usorte prathana kora to taikhan poritran pabo nimite ase. 2 Isor nimite taikhan mon juli thaka to moi bhi sakhi di ase kintu thik buddhi pora kora nai. 3 Kelemane, taikhan Isor laga dharmikta najane, aru taikhan nijor laga dharmikta bona bole kosis korise. Taikhan to Isor laga dharmikta te nijor jibon diya nai. 4 Kelemane kun he biswas kore taikhan laga dharmikta nimite Khrista he niyom ke pura korise.
Sob Nimite Poritran Ase
5 Kelemane Moses pora likhise dharmikta to niyom pora he ahe: “Kun manu niyom kowa khan kori ase, tai etu pora jinda thakibo.” 6 Kintu biswas pora aha laga dharmikta pora etu koi ase, “Tumi laga monte eneka nakobi, ‘Kun sorgote uthijabo?’ (Etu ase, Khrista ke nami anibo karone); 7 aru nohoile eneka nokobi, ‘Kun norokte nami bo?’ ” (Etu ase, Khrista mora pora jinda uthaikene anibole). 8 Kintu etu pora ki koi ase?
“Kotha to apuni usorte he ase.”
Etu biswas laga kotha ase, jun to amikhan prochar kori ase.” 9 Kelemane, jodi apuni laga mukh pora Jisu ke Probhu eneka shikar korile, aru apuni laga monte Isor pora Tai mora pora jinda uthai dise eneka biswas korile, titia hoile apuni poritran pabo. 10 Kelemane monte biswas kora pora ekjon dharmik hoijai, aru mukh pora shikar korile poritran pai loi. 11 Kelemane Shastro te eneka likha ase, “Kun pora taike biswas kore, taikhan kunke bhi sorom nadibo.” 12 Kelemane Yehudi aru Yunani majote eku alag nai. Kelemane Probhu to sob laga Probhu ase, aru kun pora Taike mate, taikhan sobke Tai laga dhun di ase. 13 Kelemane kun pora Probhu laga naam mati ase taikhan sob poritran pabo. 14 Kintu taikhan pora biswas nakora ekjon laga naam kineka matibo? Aru kitia bhi nahuna ekjon ke taikhan kineka biswas koribo? Aru kunba pora prochar nakorile taikhan kineka hunibo? 15 Aru taikhan ke napathaile, taikhan kineka prochar koribo? - Likha thaka nisena, “Bhal khobor prochar kora khan laga theng kiman bhi sundur ase* 10.15 Isa. 52:7; Nah. 1:15. !”
16 Kintu taikhan sob pora susamachar laga kotha mana nai. Kelemane Isaiah koi ase, “Probhu, amikhan prochar kora huni kene kun biswas korise?” 17 Etu karone huna pora he biswas ahe, aru Khrista laga kotha prochar kora pora hunibo pai. 18 Kintu moi hudi ase, “Taikhan pora huna nai naki?” Hoi, hosa taikhan pora hunise.
“Prithibi sob jagate taikhan laga awaj jai jaise,
Aru taikhan laga kotha pora duniya laga sob kona tak punchise.”
19 Kintu moi hudi ase, “Israel pora buja nai naki?” Moses pora prothom te koise,
“Moi juntu desh bhi nohoi, eitu khan dwara tumikhan ke suku jola bole dibo.
Nabuja laga desh pora tumikhan ke khong uthibole dibo.”
20 Titia Isaiah mon dangor hoi kene eneka koise,
“Kun pora bisara nai taikhan pora Moike pai loise.
Kun pora huda nai taikhan logote Moi nijor dikhai dise.”
21 Kintu Israel laga eneka koi ase, “Pura dinte Ami kotha namana aru jhagara kora manu khan uporte hath uthaikene thakise.”