1 Ma TOTECO mitztlacaquili quema timotequipachohua.

Ma mitzmanahui nopa Dios catli huejcajya quimanahui Jacob.

2 Hasta campa yaya itztoc ipan ichaj,

ma quititlani tlapalehuili catli quisa tlen altepetl Jerusalén.

3 Ma quielnamiqui nochi motlacajcahualis catli tijmacatoc.

Ma moilhui tlen nopa tlacajcahualistli catli tijtlati iixpa huan catli yaya quiseli ica paquilistli.

4 Ma mitzmacas nopa catli moyolo quinequi.

Ma quichihua ma quisa cuali nochi catli timoilhuijtoc tijchihuas.

5 Quej nopa tojuanti titzajtzise ica paquilistli pampa ta titlatlantoc,

huan tijtlananase banderas ica itoca Toteco Dios pampa mitzpalehuijtoc.

Quena, TOTECO ma mitzmaca nochi catli tijtlajtlanijtoc.

6 Cuali nijmati para TOTECO nechmaquixtía niitlanahuatijca catli nechtlapejpenijtoc.

Hasta tlen nepa ilhuicac campa nelía tlatzejtzeloltic nechhualpalehuijtoc,

huan nechchihua ma nitlatlani ica ichicahualis.

7 Masehualme ipan sequinoc tlalme motemachíaj ipan inincarros huan inincahuayohua para momaquixtise quema onca tlahuilancayotl.

Pero tojuanti timotemachíaj ipan TOTECO toDios.

8 Inijuanti tlaijiyohuise huan huetzise,

pero tojuanti timotlananase huan noja tijpiyase fuerza.

9 Toteco Dios, xijchihuas ma nitlatlani,

na nimotlanahuatijca.

Technanquili quema timitznojnotzaj.