2
Ilmaan Israaʼel
2:1‑2 kwf – Uma 35:23‑26
1 Ilmaan Israaʼel warra kanneenii dha: Ruubeen, Simiʼoon, Lewwii, Yihuudaa, Yisaakor, Zebuuloon, 2 Daan, Yoosef, Beniyaam, Niftaalem, Gaadii fi Aasheer.
Yihuudaa
2:5‑15 kwf – Rut 4:18‑22; Mat 1:3‑6
Hamma Ilmaan Hezroonitti
3 Ilmaan Yihuudaa:
Eeri, Oonaanii fi Sheelaa. Isaan kanneen sadanuu intala Shuuwaa, dubartii Kanaʼaan sanatu isaaf daʼe.
Eer ilmi Yihuudaa hangaftichi fuula Waaqayyoo duratti hamaa ture. Kanaafuu Waaqayyo isa ajjeese.
4 Taamaar niitiin ilma Yihuudaa Faaresii fi Zaaraa Yihuudaaf deesse.
Yihuudaan walumaa galatti ilmaan shan qaba ture.
5 Ilmaan Faares:
Hezroonii fi Hamuul.
6 Ilmaan Zaaraa:
Zimrii, Eetaan, Heemaan, Kalkoolii fi Daardaa. Isaan walumaa galatti dhiirota shan turan.
7 Ilma Karmii:
Aakaar isa waan balleeffamuu qabu fudhachuudhaan Israaʼelitti rakkina fide.
8 Ilma Eetaan:
Azaariyaa.
9 Ilmaan Hezroon:
Yeramiʼeel, Raamii fi Keluubaa.
Raam ilma Hezroonii jalqabee
10 Raam abbaa Abiinaadaab ture;
Amiinaadaab immoo abbaa Nahishoon hoogganaa saba Yihuudaa ture.
11 Nahishoon abbaa Salmaan;
Salmaan immoo abbaa Boʼeez;
12 Boʼeez abbaa Oobeedi;
Yoobeed immoo abbaa Isseey.
13 Ilmaan Isseey:
Ilmi isaa hangafni Eliiyaab, lammaffaan Abiinaadaab,
sadaffaan Shimeʼaa, 14 Afuraffaan Naatnaaʼel,
shanaffaan Raadaayi, 15 jaʼaffaan Oozem,
torbaffaan Daawit.
16 Obboleettonni isaanii immoo Zeruuyaa fi Abiigayiil turan.
Ilmaan Zeruuyaa sadan Abiishaayi, Yooʼaabii fi Asaaheel turan.
17 Abiigayiil haadha Amaasaa kan abbaan isaa Yeteer nama gosa Ishmaaʼeel sanaa ti.
Kaaleb Ilma Hezroon
18 Kaaleb ilmi Hezroon niitii isaa Azuubaa fi Yeriʼooti irraa ijoollee dhalche. Ilmaan Aazubaa kanneen turan:
Yeeser, Sobaabii fi Ardoon.
19 Kaalebis Azuubaan duunaan Efraataa fuudhe. Isheenis Huurin isaaf deesse.
20 Huuri abbaa Uuri; Uuri immoo abbaa Bezaliʼeel.
21 Ergasii Hezroon yommuu umuriin isaa waggaa jaatama guutetti intala abbaa Giliʼaad intala Maakiir fuudhe; isheenis Seguubin isaaf deesse.
22 Seguub immoo abbaa Yaaʼiir ture; innis biyya Giliʼaad keessaa magaalaawwan digdamii sadii qaba ture.
23 Geshuurii fi Arraam, magaalaa Yaaʼiir akkasumas Qeenaatii fi gandoota naannoo ishee jiraniin walitti magaalaawwan jaatama irraa fudhatan.
Isaan kunneen hundi sanyii abbaa Giliʼaad sanyii Maakiir turan.
24 Hezroon erga Kaaleb Efraataatti duʼee booddee, niitiin isaa Abiyaan Ashihuur abbaa Teqooʼaa deesseef.
Yerahimiʼeel Ilma Hezroon
25 Ilmaan Yeramiʼeel ilma Hezroon hangafticha sanaa:
Raam ilma isaa hangafticha, Buunaah, Ooren, Oozemii fi Ahiiyaa. 26 Yeramiʼeel niitii biraa kan Aaxaaraa jedhamtu qaba ture; isheenis haadha Oonaam turte.
27 Ilmaan Raam ilma Yeramiʼeel hangafticha sanaa:
Maʼaaz, Yaamiinii fi Eeqeer.
28 Ilmaan Oonaam:
Shamaayii fi Yaadaa.
Ilmaan Shamaayi:
Naadaabii fi Abiishur. 29 Niitiin Abiishur Abiihaayil jedhamti; isheenis Ahibaanii fi Mooliid isaaf deesse.
30 Ilmaan Naadaab:
Seleedii fi Afayiim. Seleed utuu ijoollee hin dhalchin duʼe.
31 Ilma Afayiim:
Yisheʼii; Yisheʼiin abbaa Sheeshaan. Sheeshaan immoo abbaa Ahilayi.
32 Ilmaan Yaadaa kan obboleessa Shamaayi:
Yeteerii fi Yoonaataan. Yeteer utuu ijoollee hin dhalchin duʼe.
33 Ilmaan Yoonaataan:
Pheletii fi Zaazaa.
Isaan kunneen sanyiiwwan Yeramiʼeel turan.
34 Sheeshaan intallan malee ilmaan hin qabu ture.
Innis tajaajilaa lammii Gibxi kan Yarihaa jedhamu tokko qaba ture. 35 Sheeshaan tajaajilaa isaa Yarihaatti intala isaa ni heerumsiise; isheenis Ataayin deesseef.
36 Ataayi abbaa Naataan;
Naataan immoo abbaa Zaabaadin;
37 Zaabaad abbaa Eflaal;
Efelaal immoo abbaa Oobeedi;
38 Oobeedi abbaa Yehuu;
Yehuun abbaa Azaariyaa;
39 Azaariyaa abbaa Heleez;
Helees immoo abbaa Eleʼaasaa ti;
40 Eleʼaasaan abbaa Sismaayi;
Sismaayi abbaa Shaluum;
41 Shaluum abbaa Yeqameyaa ti;
Yeqameyaan immoo abbaa Eliishaamaa ti.
Gosoota Kaaleb
42 Ilmaan Kaaleb obboleessa Yeramiʼeel:
Meeshaan ilmi isaa hangaftichi abbaa Ziif; Ziif abbaa Maareeshaa ti;
Maareeshaan immoo abbaa Kebroon.
43 Ilmaan Kebroon:
Qooraahi, Tafuuʼaa, Reqemii fi Shemaa.
44 Shemaan abbaa Raham;
Raham immoo abbaa Yorqeʼaam.
Reqem abbaa Shamaayi.
45 Shamaayi abbaa Maaʼoon;
Maaʼoon immoo abbaa Beet Zuuri.
46 Eefaan saajjatoon Kaaleb sun haadha
Haaraan, Moozaa fi Gaazeez.
Haaraan immoo abbaa Gaazer.
47 Ilmaan Yaahidaay:
Reegeem, Yootaam, Geeshaan, Phelet, Eefaa fi Shaʼaaf.
48 Maʼakaan saajjatoon Kaaleb sun haadha
Shebeerii fi Tirhaanaa ti.
49 Isheen akkasumas Shaʼaaf abbaa Madmaanaa,
Shewwaa abbaa Makbeenaa fi abbaa Gibeʼaa deesse.
Kaaleb intala Aaksaa jedhamtu qaba ture.
50 Isaan kunneen sanyiiwwan Kaaleb turan.
Ilmaan Huuri ilma Efraataa hangaftichaa:
Sobaal abbaa Kiriyaati Yeʼaariim, 51 Salmaan abbaa Beetlihem, Haareef abbaa Beet Gaadeer.
52 Sanyiiwwan Sobaal kan abbaa Kiriyaati Yeʼaariim:
Walakkaan Menuhootaa, Haarooʼee, 53 akkasumas gosti Kiriyaati Yeʼaariim, Yitraawonni, Fuutonni, Shumaatonni, Mishiraawonni, Zoraatotaa fi Eshitaaʼoloonni gosoota isaan kanneen keessaa dhalatanii dha.
54 Sanyiiwwan Salmaan:
Beetlihem, Netoofota, Atroot Beet Yooʼaab, walakkaa Maanaheetotaa, Zoraatota faʼi; 55 balbala barreessitootaa kanneen Yaabeex keessa jiraatan: Tiraatota, Shimeʼaatotaa fi Sukaatota. Isaan kunneen Qeenota mana abbaa Rekaab Hamaati keessaa dhalatanii dha.