26
Sabni Yeroo Lammaffaa Lakkaaʼame
1 Dhaʼicha sana booddee Waaqayyo Musee fi Eleʼaazaar ilma Aroon lubichaatiin akkana jedhe; 2 “Waldaa saba Israaʼel warra umuriin isaanii waggaa digdamaa fi hammasii ol taʼe kanneen loltoota Israaʼel keessa tajaajiluu dandaʼan hunda maatii maatiidhaan lakkaaʼaa.” 3 Musee fi Eleʼaazaar lubichi dirreewwan Moʼaab irratti, Yordaanos biratti, Yerikoo gamatti akkana jedhanii isaan wajjin dubbatan; 4 “Akkuma Waaqayyo Musee ajajetti namoota umuriin isaanii waggaa digdamaatii fi hammasii olii lakkaaʼaa.”
Jarri kunneen Israaʼeloota biyya Gibxiitii baʼanii dha:
5 Ilmaan Ruubeen ilma Israaʼel hangaftichaa:
karaa Henookiitiin, balbala Hanookotaa;
karaa Faluutiin, balbala Faluuwotaa;
6 karaa Hezrooniitiin, balbala Asroonotaa;
karaa Karmiitiin, balbala Karmootaa.
7 Jarri kunneen balbalawwan Ruubeen; baayʼinni isaaniis 43,730 ture.
8 Ilmi Faluus Eliiyaab; 9 ilmaan Eliiyaabis Nemuuʼeel, Daataanii fi Aberoon. Daataanii fi Abiiraam kunneen qondaaltota waldaa kanneen Musee fi Aroonitti fincilanii dha; isaan yeroo Qooraahii fi duukaa buutonni isaa Waaqayyotti fincilan sanas achi keessa turan. 10 Laftis afaan banattee Qooraahii fi isaan illee liqimsite; warri garee Qooraahi immoo yeroo ibiddii namoota 250 fixe sana dhuman. Isaanis mallattoo namoonni ittiin of eeggatan taʼan. 11 Ilmaan Qooraahi garuu hin duune.
12 Ilmaan Simiʼoon akkuma balbala balbala isaaniitti kanneenii dha:
karaa Nemuuʼeel, balbala Nemuuʼeelotaa;
karaa Yaamiin, balbala Yaamiinotaa;
karaa Yaakiin, balbala Yaakiinotaa;
13 karaa Zeraan, balbala Zerootaa;
karaa Shaawul, balbala Shaawulootaa ti.
14 Jarri kunneen balbalawwan Simiʼoonii ti; isaanis namoota 22,200 turan.
15 Ilmaan Gaad akkuma balbala balbala isaaniitti kanneenii dha:
karaa Zefoon, balbala Zefoonotaa;
karaa Hagii, balbala Hagootaa;
karaa Shuunii, balbala Shuunotaa;
16 karaa Oznii, balbala Oznootaa;
karaa Eerii, balbala Eerotaa;
17 karaa Arood, balbala Aroodotaa;
karaa Ariʼeel, balbala Ariʼeelotaa ti.
18 Jarri kunneen balbalawwan Gaadii ti; baayʼinni isaaniis 40,500 ture.
19 Eerii fi Oonaan ilmaan Yihuudaa ti; isaan garuu Kanaʼaan keessatti duʼan.
20 Ilmaan Yihuudaa akkuma balbala balbala isaaniitti kanneenii dha:
karaa Sheelaa, balbala Sheelaanotaa;
karaa Faares, balbala Faaresotaa;
karaa Zaaraa, balbala Zaarotaa ti.
21 Ilmaan Faaresis kanneenii dha:
karaa Hezroon, balbala Hezroonotaa;
karaa Hamuul, balbala Hamuulotaa ti.
22 Jarri kunneen balbalawwan Yihuudaa ti; baayʼinni isaaniis 76,500 ture.
23 Ilmaan Yisaakor akkuma balbala balbala isaaniitti kanneenii dha:
karaa Toolaa, balbala Toolotaa;
karaa Fuwaa, balbala Fuuwotaa;
24 karaa Yaashuub, balbala Yaashuubotaa;
karaa Shimroon, balbala Shimroonotaa ti.
25 Jarri kunneen balbalawwan Yisaakor; baayʼinni isaaniis 64,300 ture.
26 Ilmaan Zebuuloon akkuma balbala balbala isaaniitti kanneenii dha:
karaa Sered, balbala Seredootaa;
karaa Eeloon, balbala Eeloonotaa;
karaa Yahiliʼeel, balbala Yahiliʼeelotaa ti.
27 Jarri kunneen balbalawwan Zebuuloon; baayʼinni isaaniis 60,500 ture.
28 Ilmaan Yoosef akkuma balbala balbala isaaniitti: Minaasee fi Efreem.
29 Ilmaan Minaasee:
karaa Maakiir, balbala Maakiirotaa; Maakiir kun abbaa Giliʼaad;
karaa Giliʼaad, balbala Giliʼaadotaa ti.
30 Ilmaan Giliʼaad isaan kanneenii dha:
karaa Iiʼezer, balbala Iiʼezerootaa;
karaa Heleq, balbala Heleqootaa;
31 karaa Asriʼeel, balbala Asriiʼeelotaa,
karaa Sheekem, balbala Sheekemotaa;
32 karaa Shemiidaa, balbala Shemiidaa;
karaa Heefer, balbala Heeferotaa ti.
33 Zelofehaad ilmi Heefer ilmaan hin qabu ture; inni intallan qofa qaba ture; maqaan isaaniis Mahilaa, Nohii, Hoglaa, Miilkaa fi Tiirzaa dha.
34 Jarri kunneen balbalawwan Minaasee ti; baayʼinni isaaniis 52,700 ture.
35 Ilmaan Efreem akkuma balbala balbala isaaniitti kanneenii dha:
karaa Shuutelaa, balbala Shuutelootaa;
karaa Beker, balbala Bekerotaa;
karaa Taahan, balbala Taahanotaa ti.
36 Ilmaan Shuutelaa isaan kanneenii dha:
karaa Eeraan, balbala Eeraanotaa ti.
37 Jarri kunneen balbalawwan Efreem; baayʼinni isaaniis 32,500 ture.
Isaan kunneen ilmaan Yoosef warra akkuma balbala balbala isaaniitti lakkaaʼamanii dha.
38 Ilmaan Beniyaam akkuma balbala balbala isaaniitti kanneenii dha:
karaa Belaa, balbala Belaaʼotaa;
karaa Ashbeel, balbala Asbeelotaa;
karaa Ahiiraam, balbala Ahiiraamotaa;
39 karaa Shefuufaami, balbala Shefuufaamotaa;
karaa Huufaam, balbala Huufaamotaa ti.
40 Ilmaan Belaa, karaa Ardii fi Naʼamaan:
karaa Ardii, balbala Ardootaa;
karaa Naʼamaan, balbala Naʼamaanotaa ti.
41 Jarri kunneen balbalawwan Beniyaam; baayʼinni isaaniis 45,600 ture.
42 Ilmaan Daan akkuma balbala balbala isaaniitti kanneenii dha:
karaa Shuuhaam, balbala Shuuhaamotaa ti.
Jarri kunneen balbalawwan Daan: 43 Isaan hundinuu balbalawwan Shuuhaamotaa ti; baayʼinni isaaniis 64,400 ture.
44 Ilmaan Aasheer akkuma balbala balbala isaaniitti kanneenii dha:
karaa Yimnaa, balbala Yuumnootaa;
karaa Yishwii, balbala Yishwiiyotaa;
karaa Beriiyaa, balbala Beriiyootaa;
45 karaa ilmaan Beriiyaa immoo:
karaa Hebeer, balbala Hebeerotaa;
karaa Malkiiʼeel, balbala Malkiiʼeelotaa ti.
46 Aasheer intala Seraa jedhamtu tokko qaba ture.
47 Jarri kunneen balbalawwan Aasheer; baayʼinni isaaniis 53,400 ture.
48 Ilmaan Niftaalem akkuma balbala balbala isaaniitti kanneenii dha:
karaa Yahizeel, balbala Yahizeelotaa,
karaa Guunii, balbala Guunotaa;
49 karaa Yeexer, balbala Yeexirotaa;
karaa Shiileem, balbala Shiileemotaa ti.
50 Jarri kunneen balbalawwan Niftaalem; baayʼinni isaaniis 45,400 ture.
51 Walumaa galatti baayʼinni dhiira Israaʼel 601,730 ture.
52 Waaqayyo Museedhaan akkana jedhe; 53 “Biyyi sun akkuma baayʼina maqaa namaatti dhaala taʼee isaan kanneeniif haa qoodamu. 54 Balbala guddaadhaaf dhaala guddaa, balbala xinnaadhaaf immoo dhaala xinnaa kenni; tokkoon tokkoon balbalaa akkuma baayʼina namoota galmeeffamaniitti dhaala isaa haa argatu. 55 Garuu biyyi sun ixaadhaan haa qoqoodamtu. Isaanis akkuma maqaawwan gosoota abbootii isaaniitti ni dhaalu. 56 Tokkoon tokkoon dhaala sanaa garee guddaa fi garee xinnaa gidduutti ixaadhaan haa qoodamu.”
57 Lewwonni balbala balbalaan lakkaaʼaman kanneenii dha:
karaa Geershoon, balbala Geershoonotaa;
karaa Qohaati, balbala Qohaatotaa;
karaa Meraarii, balbala Meraarotaa ti.
58 Jarri kunneenis balbalawwan Lewwotaa ti:
balbala Liibnotaa,
balbala Kebroonotaa,
balbala Mahelootaa,
balbala Muusotaa,
balbala Qooraahotaa.
Qohaati abbaa Amraam; 59 maqaan niitii Amraam Yookebeed. Isheen intala Lewwii kan biyya Gibxitti Lewwiif dhalattee dha. Amraamiifis Aroon, Musee fi obboleettii isaanii Miiriyaam deesse. 60 Aroon abbaa Naadaab, Abiihuu, Eleʼaazaarii fi Iitaamaar. 61 Naadaabii fi Abiihuu garuu yeroo ibidda hin eeyyamamin fuula Waaqayyoo duratti dhiʼeessan sana duʼan.
62 Dhiironni umuriin isaanii jiʼa tokkoo fi hammasii ol taʼe kanneen lakkaaʼaman hundi 23,000 turan. Isaanis sababii gidduu isaaniitti dhaala hin argatiniif Israaʼeloota kaan wajjin hin lakkaaʼamne.
63 Isaan kunneen warra yeroo Musee fi Eleʼaazaar lubichi dirreewwan Moʼaab irratti, Yordaanos biratti, Yerikoo gamatti Israaʼeloota lakkaaʼan sana lakkaaʼamanii dha. 64 Namoota karaa Museetii fi Aroon lubichaan Gammoojjii Siinaa keessatti lakkaaʼaman keessaa namni tokko iyyuu isaan gidduu hin turre. 65 Sababii Waaqayyo waaʼee isaanii, “Isaan Gammoojjii keessatti ni dhumu” jedhee dubbatee tureef, Kaaleb ilma Yefunee fi Iyyaasuu ilma Nuuni malee isaan keessaa namni tokko iyyuu hin hafne.