46
A nianga tupas no tunotuno nong i kure ira ut na ninge: ira bulumur ta Korah diet ga pit iakan ra ninge ma diet ga murmur no kaungana no ninge “Ira Bulahin.”
1 Lo 4:7God aie no nudahat subaan na barbarahit ma no udahat baso.
Ma i la balbalaure haitne dahat ta ira bung na harangunngutaan.
2 A linge bia be no ula hanuo na ruh ma ira uladih na puko taar narako tano tingena tes,
iesen dahat pa na burut.
3 Huo mah ing bia no tes na wawaang ma na busbusain,
ma ira uladih na ninir ing no tes i tut diet.
4 Tiga taah kana, ing ira auno katen taah na haguama no tamat na pise na hala ta God,
no halhaliana taman ing aie Nong i Naliu Harsakit i la lalon kaia.
5 Ese 43:7,9; Hos 11:9God i kis narakoman tana, io, pai tale bia na puko.
God na harahut ie ing no malaan na daras ie.
6 Jol 2:11; Amo 1:2; 9:5Ira huntunaan ing diet pai Iudeia, diet tut na kamahar. Ira kingdom diet puko.
I raun no ingana ma no ula hanuo i pola bia.
7 Nam 14:9; 2Sto 13:12No Watong Nong i Dadas Harsakit, i la kis tika taar ma dahat.
No God ta Iakop aie no udahat subaan na munmun.
8 Jer 51:43Mai, ma muat na nes ira pakpakilai tano Watong
ing i hamau taman tano ula hanuo.
9 Ais 9:5I la haphapataam ira rom ta ira katon bakut tano ula hanuo,
i la patpatum ira laplapot, i la warwarat ira rumus,
ma i la tuntun ira bahbahit ma ra iaah.
10 “Kis matien ma nu nunure bia iau God.
Da hatamat iau nalamin ta ira kantri.
Da hatamat iau kai tano ula hanuo.”
11 No Watong Nong i Dadas Harsakit, i la kis tika taar ma dahat.
No God ta Iakop aie no udahat subaan na munmun.